S6: Lalong Bakok go u o , ouo ....ole .....lawa e , Lalong Bakok duhu ako
W: Lawa e..... e....a.....a..e........ e...a, naka cama dite anak.
S7: Lalong Rombeng go u o , ouo ....ole .....lawa e , Lalong Rombeng duhu kole
W: Lawa e..... e....a.....a..e........ e...a, naka cama dite anak.
S8: Porong uwa go u o , ouo ....ole .....lawa e , porong uwa haeng Wulang
W: Lawa e..... e....a.....a..e........ e...a, naka cama dite anak.
S9: Porong langkas go u o , ouo ....ole .....lawa e , porong porong langkas haeng Ntala
W: Lawa e..... e....a.....a..e........ e...a, naka cama dite anak.
S10: Porong langkas go u o , ouo ....ole .....lawa e , porong porong langkas haeng Ntala
W: Lawa e..... e....a.....a..e........ e...a, naka cama dite anak.
S11: Hoo beo go u o , ouo ....ole .....lawa e , hoo beo bate elor
W: Lawa e..... e....a.....a..e........ e...a, naka cama dite anak.
S12: Hoo mbaru go u o , ouo ....ole .....lawa e , hoo mbaru aruk noo taung
W: Lawa e..... e....a.....a..e........ e...a, naka cama dite anak.
NB: Pisa bait, ata tambang laku.
JPS, 28 Juni 2025
5. WAE LUU EMPO
Tuang Welu (Pater Rio);
Ai danong daku lako, mede aku des,
Mane hoog aku, kole cee Lenteang, beo bate elor, natas bate labar.
Denge laku, manga ise ende - ema, ase agu kae ata poli benta le dewa , awit le jari
Hoo aku anak, ase, kae, toe hemong agu mamur latang ise ende tua - ema tia ata poli benta le Morin.
Ngaji kali daku ga, porong ise kaeng agu Mori agu ata nggekuk eta Surga. Porong ise kole ngaji lataang ite, enede ema - ase kae, kusut ite uwa gula - bok leso., Tua hang gula, remong hang leso , Haeng mane. Hoo wae luu daku.
Wale le tua:\
Terima kasih banyak Pater. Ema nuk dami ngasang ema dite bo, toe mange get lite bo latang wae luu latang ise ema tua' ende tua, ase kae ata poli benta le morin agu Ngaran. Landing neho tendeng tuka meseg ami, neho joreng tuka koem woko manga kin nuk agu get ai lewen lako dite danong ngo kudut nasib.
Hoo kali dite ga, keor one beo baye elor - natas nate labar wiga manga pau' Wae Luu' latang ise ise ende - ema, ase kae ata poli wale benta de Morin du lako dite. Wiga, neho (nuhu) aku ngasang ema dite, sambung laku tombo dite kamping ise ende tua. ise ema tua' , nggitu lawang ase agu kae ata poli benta le Morin.
Rorok Wae Luu" Tua Beo
Denge lite ende, etan ngasan ata ngaso wan ngasang ata cucu , wae diha empo Ngarong (?) ,
Ai lahos dakong lakon empo de meu hi Rio,
Woko hoo dumpu bate nukn hia, haeng liha bate kawe, keor leng cee beo bate elorn, agu natas bate labarn hia,
Sebelum teti lami tuak resis, pau lami tuak kapu kamping abak agu empog ami hia Pater Rio hoo, ,
tie hemong, toe mamur kin ngasang emo le Pater Rio hoo, kudut wae luu sangget ite ata poli benta le Morin agu ngaran, etan ranga ema tua, wan ranga empo. Kudut neho meu ata poli benta le Morin kali ga, neka manga babang agu bentang agu anak, empo dite Pater Rio hoo. Porong hia, neka manga sumang dungka, neka manga pala cala, neka manga bunta tuak, neka manga pora raci,
Toe mamur, toie hemong, abak empo dite Pater Rio hoo, nggitu kole g=hae lakon. Hoo kin wau Luu diha, kamping meu ata poli benta le Morin , etan ranga\ ema tua' - wan rangan empo.. Hoo wae luu diha.
TUAK REIS AHU KAPU
S: Yo anak Pater, ai danong duhu lakod ite lami, lonto torok - loce neki'g ami ngasang ema - dite, kudut wuat ite ngo sekola, . Lalong rompok du ngo dite danong, Nggitun le danong lako ditye, nggon cee, dumpu bate nuk lite, haeng bate kawe wiga one mesen dite, mangan tahbis kudut jadi tuang. Bombong neho wela lokom nai dami ngasang ema, nggitu lawang paang olo ngaung musi, nggitun kole ngasangn, eta a ata tua; - wan ata cucu , imat Paroki Rejeng, Hoo dite ga, keor kamping beo, lambu kamping mbaru , Am lewe kebe - tadang lako salang dite mai cee beo bate elor, wiga nego ami ngasang ema dite, hoo tuak dami, rantang rerentes (?) tanda wae bajang - lolom wae roho ,
Hite de ca salang kamping agu ite.
Ca salangn kolen, wioko hoo dite cai ce mbarud kali ga, nggitu klawang hae lako dite,
Ai eme kapu lobo paa ite mori lami, mesed ite, merik / koeg gami, nian kali ga, kalu le sake agu pede dise ema tua' . Ce titis a=wase haju dami te ngasangn kapu ite. Toe reweng kanang, kepok kamping ite. (Teing tobo tuak).
Torok Manuk: Tiba
Reweng dami kamping ite agu kanping hae lakod dite. Ai laat dile natas, lambu one mbaru,
Nian kali lami ngasang emen, anak Rona Lentang , etan ata ngaso, wan ata cucu, lonto torok ami loce neki, kope olet - todo kongkol, kudut kapu ite ngasang anak Pater, nggitu kole hae lako dite, kudut naka neho wua Nangka - kapu neho wua pau dite lami. Toe reweng kanang te kapu iye, hoo lalong bakok te kapu agu kaa ite agu hae lakod ite. (Teing manuk bakok).
Hoo manuk and ruak te kapu agu naka ite. Toe reweng kanang, kepok.
JPS, 28 Juni 2025.
********
KEPOK TIBA TUANG SILI PAROKI SITA. BEO (STASI) KACA
https://www.facebook.com/share/r/1FtuhxQJTE/
Anchycha Asmann · Audio asli Selamat Datang ase Pater🫂🫂🫂🥰🥰🥰🙏🏻
PEMAKA KAPU ANAK (JUDUL ONE MAIN AKUN - FJ)
.......Sakramen le neki wina agu rona de ende agu emam....
Selek hau, toe selung Mori Yesus, toe saling Mori Sengaji
Wada one rakm hau, udeng de Mori Kraeng Anak
Leso hoo hau anak ga
Lau paang le stasi St. Yohanes dari Salib Kaca
Hoo Pastor Paroki curu hau one Gereja Paroki Maria Asumta Sita
Hoog ami ema agu endem, waum, lawang ine agu ame Pupung,
nggitu kole ine amem Rabeng , Sita - Tado
Nagan golo , weran beon anak, hoo hau cai cee wiga weda natas
neka babang agu bentang natas labar nana, boto ngko golo - keret pate hau
Hoo ngasang kukut weki ag wakar de hau
Anak, kepo naka hau lami ,
Songkok pongo eta ulum - one bokak nana hitu ngasangn Salib seranim hau.
Hoo ami ende agu emam
le tek (?) .hau curu koleh lami cee natas,
Sili mbaru lami tong manuk kapu.
Anak, hitu dite, hoog ami. Cacaca.........
JPS, 7 November 2025.
LALONG BEO
https://www.facebook.com/share/r/1AjWY6zr2K/
Anchycha Asmann · Audio asli
S: Sei lalong beo.......... O u beo....O stola one bokok e, o juba jiri tuang.
Lalong beo... ole beo ge.
W: Naka nara na...ka, Naka nara naka mai naka tiba adak.
Lalong beo... ole beo ge.
JPS, 7 November 2025.
).jpeg)
