Minggu, 03 Agustus 2014

TANDA_TANDA MANGA ROWA LATANG ATA MANGGARAI


Tanda-tanda  manga  Rowa  latang  ata  Manggarai:

  1. Hang  ata  so  poli saok  one  mai  lewing, tiba-tiba  ses  wajol  sau  le  poti / wakar  de ase  kae / ema tua/ ende  tua / keluarga/ hae  wau  hit  kudut  mata.  Eme  manga  ne  nggitu, betuan manga  keluarga ata  rowa. Itu tanda  susa. Hia  Very (anak de  Kraeng  Sely Jebaru pernah  alam ne ngo' lau  Malaysia), du  hitu  kali  rowa  hia  Pa  Wilem  one  Wela  (tombo diha  Fery, one Oto Karina / Dunia Mas, libur Jakarta - Manggarai, 10-24 Juni 2014) - catat, JPS, 3 Agustus 2014.
  2. Sumang / ita  kaka  robong  / one  salang.Eme  ita  kaka  hitu ngong ngo.... ruis manga kereba susa.
  3. Nipi......./ renep: (e.g. Nipi  ita ata tua' /ine tua' Wihelmina  - di Lasang - pada senin / Selasa / Rabu, 8/9/ 9/10 September 2014. Ternyata  beliau meninggal Selasa, 9 Sept. 2014, dikuburkan Rabu, 10 Sept. 2014.
  4. Runi kaka  po  le  gula
  5. Ita   londe.....
  6. Ita  api  ja
  7. Sumang   kaka robong  one  salang  /  wate undur-undur (ngger  one-ngger  musi?)
  8. Kakor lalong le wie  tana (kakor ita agu babang poti)
  9. Kating: : buka le run para, ketuk one para /jendela /
  10.  Jombom nggong
  11. Denge  enga: pengalaman denge enga eta mata wae (Ratung)  du  kudut rowa hia iang Tina Emol. Losi mbirek kole  gelang, na' kope  musi mai gong  (JPS 1 -9- 2014)
  12.  Nuk  / tiba-tiba nuk / tombo ata hitut  kudut  rowa. 21 Oktober 2014. Aku kole one mai sekola - JPS - ngge one mbaru - VMG. One  lobo  motor  aku nuk tua' (amang) Rofinus (Inus) Gagut. Aku nuk pasin."Buru Warat": Tapa toe tama, utung  toe  rungkus, sero  toe  mempo; "Lalong Lino: Inggos  toe  iok, toe daku nggong  data". Kali du hitu  wa  toe  eta  nain  hia  one Lembor. One Rabu, 22 Oktober 2014, tua' (amang)  Rofinus  rowa gi ( awit  le  jari, benta le dewa) - JPS 22 Okt. 2014.
  13. Nipi: Nipi wadal (Nipi Wagal hia Esy tanggal 9 Oktober --- nipi diha Gina / ended Angel Barung. Ternyata Ende'd  Megy  Rowa 29 Oktober 2014;  Hia  ema ragok  one  tempat  tidur toko diha Ende Gina. Rabo suster  Sophy so  tara  kaeng nitun hia  Ema.  Nipi   manga misa, sumang  hia Vitalis Fifa, teman kelas kuliah, teman angkatan du SMP-SMA. Kali ngong nggo' : misa du saung ta' de mamad  Megy,  Minggu 2 November 2014,  pimpin le  Romo Alo,Pr - kakak tingkat  du le  Ritapiret,  mantan pastor paroki Golowelu. Aku pernah  kaeng cama  agu hia ntaung 2001.  (nipi daku, 28 Oktober  2014. Nipi  sake boa  landing toe manga  baen  sei ata  sake (Nipi diha tua Lipus Jeharut, wa Terang, Oktober 2014, ngobrol 2 November 2014 - kompleks Gereja St. Gabriel - Pulo Gebang); Nipi  ela ata  pongo kin kudut siap te  mbele (nipi diha Tin, --- Oktober 2014).
  14. Sero  kopi  weras, toem mame  dia' (Sero  kopi  wa Cikarang, Bekasi, Oktober 2014. Mama  Juan  ata  serod).  Kopi situ termasuk ata  pedeng  data  so'  kudut  rowa.  Mamad  Juan (Maria FY)  agu  kilon agu anakd (Juan Alfred  - kole  libur  ngger    one Manggarai ntaung  2013. Ngo  wagal, paki kaba  bakok, agu takung  leke  sebong (kaer  ulu  wae)   ise. Mama  Juan ata  Wela kilon, hia  Leo. Anak diha Gaba Ngatul. Isa Gabal  kaeng wa Terang. Du poli acara adak, du  kudut  kole ngger  lau Jawa, Ende  Juan  teing "baruk" (oleh-oleh) kopi  le  keluarga one  Wela, termasuk de Ended  Megy (Esy). Tiba le mama  Juan. Du bulan Oktober 2014, ended Juan  sero  kopi so  te   giling. Toe  danga  dia  mamaed  kopi so. Kopi so, termasuk kopi soot  teing  de  ended  Megy.  Tanggal  29 Oktober 2014, mamad  Megy    rowa  awo  RSU  Ruteng.  O... ho, betuan  toe  mame  di'a  kopi sero so'. (Sharing agu Mm  Juan, 1 November 2014 -  wa mbaru  dise, Jl. Antilop 7 / 8,  Cikarang Baru, Cikarang, Jawa Barat). 
  15. Setel Ngando  mbaru  toe sama  lewed akhir  na' kole  wa (setel ngando mbaru dise Mery awo Lengor - Rahong,  Oktober 2014). Sharing 2 November 2014.
  16. Recek - nggiru  nggarurung   one  loa'ng / mbaru. tanggal 26 /27 Oktober 2014. Mamad  Megy  beti. Ba awo RSU  Ruteng. Ise  Mery Jemen (ipar diha Esy). Pu'ng   rantang  dise  ga.  Kali  tanggal 29 Oktober 2014, mm  Megy  Rowa.
  17. Toto  kopi: manga  labang  ata  eta lupi  mok. ( Mok kopi de  emad  Megy du awo RSU Ruteng. Du hitu, ngai jaga Mm  Megy. Kali wie  hitu  taung  nain Mamad  Megy (+ 29 Oktober 2014).
  18. Teka ngawas. Teka ngawas te  kreba  kali manga  mata (ngawas de ended Get, Jum'at, 14 Nop. 2014,  rowa  tetanga, guru SD Cambir Bendera, awo mai Bea Laing. Rowa awo RSU Ruteng, boak awo Bea Laing).
  19. Pau' nio one lupi ata, olo mai, musi mai, one rasa. Du kudut  rowa mamad Megy, pau' nio sale Rejing, Kuwus  du lako dise ema koe Alex,. Du hitung  wulang Oktober 2014.  Du hitu libur tamat sekolan hia  Nelty, anak ata ngaso diha ema koe Alex. Nio pau one rasap diha Nelty. Gega agu weter  ise. "Gereng kaut  reban ga...." ne nggitu  jaong  dise. Kali poli hitu one tanggal 29 Oktober 2014, rowa mamad  Megy  awo  RSU Ruteng. Poli hitu ba ngger  sale  Wela, 29 Oktober 2014, dikebumikan di Wela pada 30 Oktober 2014.  (Dikisahkan oleh Nelty pada  4 Desember 2014  di Kontrakan  Rony - Feus, Kamis,  4 Desember 2014, ketika  berlibur  ke Jakarta, pada  Nopember - Desember 2014).
  20.  Nehot  benet  nai, kudut  retang-. Benet  nai  hitu  sampe  wa  Labuan Bajo.  (sesak  nafas: pengalamana diha  Sinta du  kudut  kole ngger  lau Kupang, Pada Juli 2014  du  poli  kelas / Paca  dia'  eman  hia  kraeng  Mateus  Potok. Kali hitu tanda'n  ludut  begas  agu Mama'd  Megy / Sisilia (Esy) Sangur. Esy  Rowa, 29 Oktober 2014 di RSU Ruteng.) Sumber:https://www.facebook.com/john.jelahut?fref=ts Jeklin Selan Jadi teringt mimpi ttg tanta esi. Malam pertama sy brmimpi tkut msuk di kmrx pas kluar ktmu d pintu, sy kaget n blg tanta Aku rantang ite wajol mai aku toe tapa lilin one boa di tanta, " Toma co'on ta nu smbl trsnyum,lalu hilang. Mlm kdua". Mimpi duduk dgn tanta esi d dapur, saat sy mw crt ttg kplgn sy thun lalu k flrs, blm smpt crita Tanta esi lgsng smbung...Ta nu sbnrnya one pisa toe aku tpi hi ende ,eh trnyta aku, smbl mdgr crita mama lwat pkirx dia mw sbut mama jg tpi trnyta tdk. Sypn saat mimpi blg toe manga raung ge mori. Lalu bentet aku ga. Dan td crit yg sy mw brithu tanta esi itu begini. Di saat plg flores tahun lalu (pakadi'a) di papa. Saat kmi blik k kpg sy pmit n tanta esi sili mai dapur lgsg ngao. Smntra nene n mama tgu di halamn mbaru gendang. Ktika dalm bmo' Do'ong keta nai daku, sampai d labuan sy tlp mama n blg, mama nai daku do'ong keta haer keta ngoeng retang krn laseng eme ngitu aku kut manga ata mata, mai jaong di mama ga ta nu gosok lia di ende kaut. Akhirx gosok one pucu laku lia hitu n lgsg smbuh, shngga nyaman mpai kpg. Trnyta itulh first sy ttg tanta. Menyedihkn. Semoga bahagia ite tanta one ranga de mori jari dedek.. Sumber: Face book.
  21. Kaka ulur  (undur-undur)  one  mbaru. Minggu, 2 Agustus 2015. Manga undur-undur one mbaru, one para lo'ang. "Ole sei kole ho't  kudut lako (rowa)  ga,"  nggaut  diha Leli Nimat. Lely Nimat, ata Wela, wai awo Ruteng, kaeng one Cancar. So' betuan kaka  ulur ho'?. Kali one Selasa, 4 Agustus 2015, rowa  iparn, hia Ena Sedia. Ena sale mai Wela, sama beo agu hia Lely. Ena wai sale Lambur - Kolang. Ena Rowa awo RSU Ruteng, tanggal 4 Agustus 2015, jam 22:30 pm (10.30 le wie). Kali hitu betuan kaka ulur hot ruduk  manga one para  loa'ng  mbaru dise Lely. (Tombo diha Lely, 5 Agustus 2015, pkl  20:30,  tombo one Hp. Tlpn laku tombo rowa hia Ena).
  22. Lempok ela one mai kandang, Minggu 2  Agustus 2015. Ise Lely Nimat  manga piara ela one kandang le Cancar. One  leso Minggu  rudu woncek kaut ela hitu one mai kandang. Lempok. Mburuk,  jirit. Rei lami hia Aldo, so tara sampit lempok?. "Rudu tekal kaut'd mama," wale  diha Aldo. Aldo hitu anak diha Lely. "Am   rantang poti ela hitu. Am wajol rantang wiga woncek lose one  mai kandang. Am wakar diha Ena hitut mai se, hutut  ita le  ela iga losi  ela hitu. ((Tombo diha Lely, 5 Agustus 2015, pkl  20:30,  tombo one Hp. Tlpn laku tombo rowa hia Ena).
  23.  Nipi. Hia Feus ata Wela. Manga wetan hia. anak de inangn. Ena Rowa awo RSU Ruteng, Manggarai tanggal 4 Agustus 2015, jam 22:30 pm (10.30 le wie). Du toem di rowa hia Ena, am seminggu du toe  rowa, manga nipi diha Feus. Nipi tentang hia Ena. Hia Ena  adil perkara  lata one mbaru gendang Wela. Manga rangad de keluarga neho: Kraeng Phlipus Jeharut, kraeng Paulus Jalu (amang diha  Ena), Feus (nara diha Ena). Ata lakong hia Ena manga ata telu. Toe bae nia mai ko nia mai beod  ata situt lakong  hia  Ena.Ise  situ lakong agu buang one tua hia Ena wiga Ena hena denda :........(hukuman) mata  "Ole, toe  rantang   polisi  meu ko..." jaong diha Feus ngong one  ata  situ landing toe manga kira  lisa. Ise  ongga terus kin   hia  Ena. Tep one gontung lise  le bampang  wiga  mata hia ena."  So' betuan nipi diha Feus  ho'?  Nipi  ponggal sampe mata hia ena one nipi ho' kali  betua laing  one raja. Hia Ena rowa awo RSU Ruteng, tanggal 4 Agustus 2015, jam 22:30 pm (10.30 le wie). Tep one  gontung ho'  kali ngong  tekanan darah tinggi. "Hia Ena manga darah Tinggi. Pu'ng one ntaung 2011 dara tinggi ho ga. One Minggu kudut  rowan, jingut hia. Ngo' na'ng ela hia. Lego pakang wajol jingut. Toko one mbaru data. Poli hitu dade one mbaru sakit (Puskesmas Golowelu, RSU Ruteng). Tekanan Darah 250. Ba awo Ruteng. Toe nganceng sampen. Rowa tanggal 4 Agustus 2015, jam 22:30 pm (10.30 le wie).
  24.  Ita  kaka Renggerai. Eme Ita kaka Rengerai agu manga ata  beti, ngong ngo'  gereng kereban kaut: manga  ata  roba  poli hitu. (Nuk wajol tombol le suster Ludgardis, PRR / Evy jemamun, teman SMA St. Klaus,   berdasarkan kisah mamanya yang meninggal pada  Oktober 2015  di Pahar, Lelak).
  25. Ita kaka Tojo lelap one mbaru. Neho tojo beti. Du hitu le wie, Sabtu, 20 Agustus 2016.Telepon agu hia Ende Gina aku. Lelap Tojo ho' landing poli hitu asi wa lante. Neho diang gula, sapu mbaru aku. Deko ba peang tana laku. Lego. Bimber poli hitu  wau wa salang / semen. (VMG, 20 - 21 Agustus 2016);  One wie hitu kin (Sabtu, 20 Agustus 2016) we mabru dise Emad  Juan, hia Ende Berta agu  ita Balak. Ngai tokon hia Ende Berta. Toko wajol kolang weki. Balak hitu mai ruis hia, lait lime diha.  Sik pe'ang tana  liha. Ita liha Marsel  balak hitu. Hia Marsel  mai lejong te la't ise  du hitu. So betuan kaka so'd  mai  one mbaru?  Kali manga rowa keluarga one Manggarai.  Ende tua dami sale Rejing, Popo  Sisilia  rowa one leso Minggu, 21 Agustus 2016  sale Rejing. Hitus  haju ende tua', kilo de ata tu'a  Wilem Wini, ema  koe  dise  ema.
  26. Pengalaman du koe: haeng tekur  beti le watu mbejang, wae bak  one Wela. Du hitu aku nehot kole awo mai uma, Mbarang. Sai nitu aku, renggep kaut tekur one watu be se' mai wae / watu Nggelek. Pau' wa. Wel wutir. Emi laku. Ba lau mabru. Hang.  So' betuan haeng tekur  beti ho'? Kali poli hitu rowa  hia ema Tua'  Wawa (Ngantur / Ngento), ema tua'  dami. Kejadian ho' ntaun 1980-an reme SD aku. JPS, 23 Agustus 2016.



GOET:  Tanda  Reba  Mata

Robong  wewa  manga  ata  poto   le  Mori Wowo
Po  tombo  manga  ata  kudut  lako  olo
Londe  tanda    tontes  kole nger  one roweng de Mori Ngoeng
Enga  tanda  retang  wewa  manga  ata  te  besang
Api  ja  tanda  manga  ata  lako  diang / sepisa
Nipi  manga  isin
Renep  manga  emengn (memendam sesuatu - misalnya jahe -  dalam mulut tanpa telan).
Gajut   te lapur manga hae wau' ata kudut ledong mbaru agu hae wau.



**
 Tontes  londe  tanda  kudut  te  kole
Kacik  api  tanda  undang kudut  mai  kais


VMG - JPS, 7  n 10 Agustus 20104


 



Diposting oleh di

Tidak ada komentar:

Posting Komentar

Langganan: Posting Komentar (Atom)