TOROK TAE DU SEKENG NATAL, PASKA, KENAIKAN

 TOROK TAÉ DU SEKENG  NATAL, PASKA,  KÉNAIKAN

É

é

Torok tae.ema frumens ikun.

https://www.youtube.com/watch?v=GTAmIs-oe-U

Yo  Mori, 

Nia léng salangd liup wiku, mongkos lonto dami anak dom  oné  wié hoo.

Ai  ného téndéng kéta tuka méség ami, ného joéng tuka koégm.  

Ai  kréeba de Malaikat. Télés  déré  lé kandang  Bétléhém,

Mori Yésus, ata sambé  poli loasn.

Hoo ga  ami  anak dom, nai  anggit, tuka léléng, bantang cama ,  réjé  léléng, wan koé étan tua'

ulun lé wa'in lau, dao' awo - ambé  salé  - 

Ngo naka anak hanang de Mori Ngaran - 

Ngo lélo anak  géong de endé Maria Nggeluk

Ngo somba anak momang de Mori  Somba

Ata  loas  oné  oka, lagang  oné  kandang.

Ai landing  tadu taung para mbaru data Bétléhém, janggi taung naid, rengus kaut  woko ketuk

Do'ét  kaut  Santu Yoséph, toé  tiba  hia endé Maria Nggeluk,  kudut  te  loas  one mbaru.

Maid lagang  kaut  oné  kandang, loas  kaut  oné  oka,  lapo laing  remang, towé  laing  menes,

wongka  tokon oné  galang. 

Mori, dasor  le cai  dité, 

wasi koe  nai  saki néténg ami,

Wasa  koé  nai  nai rangkat,

Along  koe  nai  hambor  néténg  ami,

Kudut, ka'éng ca  béo  néka woléng élor

Ka'éng  ca natas  néka  woléng bantang,

Kudut  réwon lami ngasang  ka'éng  beo

Soong (?)/ Bong (?)   lami ngasang  ka'éng  golo

Rang  lami ngasangn  ka'éng tana

Yo, Yésus  ata  lembak  kéta,

Ngger ole lobo  limé  dité  condos  lami  weki lawang  wakar  dami  ata  wenggos  lonto  léok oné wié  hoo.

Mori, téing  widang berkak   sanggéd weki   lawang  sanggéd  wakar

Porong  néka  koé  ringing tis  mose  dami, néka koé  népo leso 

Porong uwa  gula - bok leso, léwé lé - depa senang - 

Porong uwa  haéng wulang  mose dami -langkas  haéng Ntala,  sendong te lebo, andong te k (p)along (?)

Mori, lobo limé  Dité kole  lami condo  sanggéd  gori  agu  gémpur  dami sangged  taung anak dom. 

Porong berkak  koé  lité  situ. Kudut ita kin lami ngasang hang  ciwal, haéng  kin lami ngasang hang mané, tuaa  ngasang  hang  gula,  remong kin lami ngasang hang leso.

Porong bolek koe  lokeg ami, baca  koe  tara.

Mori, porong  Ité,  jaga  wié  lawang lesog dami anak.

Porong mose dami, uwa  gula bok leso.

Yo  Mori, condo kolé  oné  Ité lami té latang ema pastor  oné  takung  Misa  Nggeluk  oné   wié hoo.

Mori,  néka  koe  ringing  tis mosén, néka koé   nepo leso.

Porong  géal neho  sésap (?) sénténg  ného  wako, uwa  koe  gula - bok leso.

Porong  eme  cumang  gula lami  ruda kin bénta  tuang,

Émé  cumang  mané, porong  ruda kin bénta  pater.

Tegi lami mendi, sawal dami anak latang anak  fratér ata  raés oné  misa nggeluk hoo, 

Mori, téing  koe  ngalis  nai,   gérak nuk, 

Porong lé watu  tanda  ké nanangn, lé watu  asi  ké  ndain

Porong dumpu apa baté  nukn, ita ata baté  niakn, hang  apa baté  kawén

Porong wetik koé  wekin lité   tai', tanda  koé  ngasangn le Sakraméng Imamat

Yo, ema pastor. Ité   ata poli  wetik weki - tanda ngasang,  

kudut  lémba  sanggéd   élang  ngger éta Mori Déwa.

Ba  sanggéd  sawal  dami anak ngger lé  Mori Ngaran

Dasor le luju muu, emas lema  dité , 

Séngét lé  le Mori Dédék, tiba  sina le Mori  Dia',

Porong cai ? / cahir  koé  nai le Mori adil  sanggéd taung kéng  agu kaing  dami  oné wié  hoo.

Mori hitup tombo dami, hitup ngaji dami.

Porong  tiba  koe lité  sina,  séngét  koé  lité lé.

Yo, rantang reweng kanang, am aok taka baron, lanar taka bajarn,  molor taka rokotn, 

Wasé sanggéd taé, toko sanggéd  tombo. Kepok.

JPS, 12 Juli 2023.

 

 

_______

https://www.youtube.com/watch?v=71_JqH2LkOY

Tarian Dan Torok Tae Stasi Dunta || Perayaan Hari Raya Paskah || Satasi Semang 17 April 2022

Tarian Persembahan dan Torok Tae#HariKenaikan#SMPN3Pacar

https://www.youtube.com/watch?v=-EQhNpU-Tts

_________

TOROK  TAE SAMBUT BARU - ATA TOROK INE WAI 

https://www.youtube.com/watch?v=3HMFwhz5N9A

"Torok Tae" Sambut Baru Stasi Lumut

_____

TOROK  TAE SAMBUT BARU 

https://www.youtube.com/watch?v=jYsA7oVAPdc

Torok Tae Siswa SDK Compang dalam Misa Penerimaan Komuni Pertama, paroki St. Simon Petrus Compang 🙏