Du koe danong, manga ngasang sa labar one tana Manggarai. Ngasan: Mbolia. Eme manga manuk anak ata juhu, ledong le haen agu ine, anak koe emi anak manuk hitu, ba one ngencung. One ngencung hitu, "ngaji" mbolia liha. Ne ngo' ngajin: Mbolia, mose anak, mata ine . Ulang-ulang liha dere hitu. Poli hitu lego liha manuk anak hitu one lupi haen agu inen. Apa manuk hitu mose /sehat ko beti . mata koem perlu te gangga lain. Ata penting, so betuan Mbolia ho'? Betuan, hitu ngaji de anak koe Manggarai te bengkes kudut manuk hiot reme koen mose lewe ai toe di lahos liha lonton lino ho'. Eme inen ata mata, toem co'n agu dod pengalam diha kaeng tana. "Ngaji" neho bengkes de anak koe du labar hitu setu'n tombo latang gauk data tua siot nai ngalis tuka ngengga te latang mose. One Manggarai dekit, ita manga ata siot beti sampang, beti ata tua',beti ata koe (uwa). Laki da't gega le keluarga. Gega keta eme sampang beti ende/ema agu anak/wote /koa. Biasanya ata tua sirang wakar, wiga olo ata uwa / koe kole mata. Eme latang ata tua siot ngalis nai tuka ngengga, one situasi sebel ne ngo', hia ngaji one : Mbolia. Hia ata lako pado. Ai hia tua' gi. Wiga manga tilir agi pidikn" "Mori maram aku ata lako pado. Beti daku ho' neka hamar one anak, neka wolet one wote, neka dedam one wela, neka pangkot one bangkong".
Ngaji ho' neho mirip one tombo empo dise uku Wae Rebo, desa Satar Lenda, Kecamatan Satar Mese Barat, Manggarai, Flores, NTT - Indonesia. Hia Empo Maro manga winan Empo Maro ho' mai peang mai Minangkaubau. Hia wau sale Werloka poli hitu terung ngger se' Todo. Hia emi ata todo te jiri winan. . Winan hitu weki mendon. Wina ho' le mai beo.......(Popo?). Lage mole leso te loas. Toe tara loas wina diha Maro ho'. Sangged obat taung ga. Toe kolem baen liha Maro so cara. Mana get nuk one utek diha Maro ho te leak tuka de winan ho'kudut nganceng loas anak koe hitu one tukan de winan. Hia Maro putuskan lea tuka de winan ho. Hia emi .....(kope / piso) te le tuka le winan ho. Emi liha anak koe ho'. Enden ga... mata. Mata ende ho ga.... mose anak. Tinu anak ho'. Ngo wero one anak rona tombo mata de winan ho'. Tanggapan de anak rona bahwa ata daat hia Maro ho ai mbele weta dise. O ngo one beo hitu kudut Mbele hia Maro. Reme rencana ne nggitu dise, one beo one mbaru diha Maro mai kaka Kula (Musang) one mai mbaru. Kaget atu lenget hia Maro ho'. Am mangs betuan Kula ho' tong. Wada hia: "Kulo, eme ngo' mai de hau te wewa tombo dia, hema hau. Landing eme ne ngo' te wewa tombo da't, runi kole hau," wada diha Maro. Rapat poli tudak hitu... runi kole kula. "Oh... wewa kreba susa de Kulo ho." jaong diha Maro ho. One toko ... manga ita one nipi liha. Manga ata susung te legong beo hitu wendong rantang paki le anak rona (Popo?). Lako ise. Lut kin le Kula ho. Lelo tadang main lise...muntung beo (Popo) ho'. Oh.... hitu balas le anak rona wajol mbele anak dise," jaong diha Maro. Sedih hia. Pinda hia. Kawe beo sebana. Ise Pinda ngger one Lido. Mai nitu main pinda nggor one Ndara, mai nitu main pinda ngger one Golo Damu, ai nitu main pinda nger one Golo Pandu. One Golo Pandu, manga nipin hia. Empo dise toi meu pinda ngger one tempat ata manga ruis wai. Tempat hitu Wae Rebo.
| Sumber | : |
Tidak ada komentar:
Posting Komentar