NUNDUK COMPANG - COMPANG ONE MANGGARAI

NUNDUK COMPANG - COMPANG ONE MANGGARAI

Nunduk  Compang  Cibal - Manggarai

Paju Lae, hitu ngasang empo laring  sain  diset  Cibal. Danong, mensia agu darat (kakartana) ruis tau kaeng, neho  rahit  le  saung  ri'  kaut.  Di'a keta gauk sama tau. Sampe saep  du sekeng  da'et. Sa' leso, Paju  Lae   ngoeng te pande  compang. Eme pande  compang, perlu  watu  mese. Toem danga  mberes  de mensia te  teti watu mese (eros). Landing, de  darat, emong  koed.  Wiga  ga,  tegi  sampe  de  darat. Jangka  sama  , reje leleng ise. Mai jaong de  darat so': Ngance  lami sampe  ite  te  pande  compang  hitu landing tegi dami ne nggo'. Eme  reme  kerja gami, neka  keta  manga lolo kong  dengang  de  asu. " hitu  tegi  dise. "Mau ta  ite, ami ngance pande  apa  ata  tegi  dite  situ.  Mai one  mai bantang sama, reje leleng  hitu  ga, pande  le  darat so  compang  hitu. Watu  eros  teti  taung  lise. Idek go.... lako  kraeng (nggaeng  Cibal) lupi  nitu, agu lut  kin asun. Isuk   lawer  rinsi ransang de   darat, lolo agu dengang   asu  so'.  Woko  denge  kaut  lolo  e  asu, lego  seroda  kaut kerja  de  darat so, losi ngo ngger  one  tempat ata  aman latang  ise. Toe  dim  polin Compang  ho'. Lanar   watu u  ata kembelambong  kit nitu.

Hitu  nunduk mangan   Compang Cibal hiot   lanar kin watu  ata kembelambong  kit ai  wajol toe dim poli le  darat kerjan, losi  wung ta'  ise  ga  wajol lolo de  asu.

Sumber Nunduk: Maksi Adil, wae  de  Paju Lae. Tombo one Tlpn  12 Agustus 2015 pkl 19:00 - 20.00 pm.  JPS, 14 Agustus 2015.

2 . COMPANG PACAR (15. COMPANG PACAR)

Wa Pacar, Kecamatan Macang Pacar, Manggarai Barat - Flores  manga  compang. So' nunduk Compang Pacar ho? Ne nggo' nunduk.

Mede, manga  sengata  Adak Pacar. Hia ho'ata mbeko eros. Hia kudut pande Mbaru. Poka haju Lale hia te pande siri agu bantal mbaru.  Reme soso balokn  hia, manga lawo munggis (asu nggowe / asu de poti) labar lupi nitu. Deko liha aso nggowe situ, na' one sikang. Asu nggowe so' manga ata ngara'd. De darat morid. Asu nggowe so' paeng de darat. Gereng de darat asu nggowe so', toe tara kole  mbaru.Ngo kawe le  darat so' asu nggowe so'. Sumang tau agu Mori Adak  Pacar ho'. "Ole, aku ta, manga mora asu nggowe,sala manga ita  koed lite,"ngge de  darat kamping Mori Adak Pacar. "Mau ta,  one kandang  dakus, ai ise  katut osang  daku," wale de Mori Adak Pacar. "Ole... ta,baeng koe me,lego  koes  lite, laki dat  perlu laku paeng situ," sawal de darat. "Nggo  to, eme  perlud  lite paeng situ, so' jangka  kali.   Aku nganceng  lego kole paeng  dite istu    eme  ite  lorong tegi  daku," jaong de Mori Adak Pacar. "Ole..., tegi apa  keta  dite ta, nganceng  pande  agu kawen  lami," wale  de  darat. "Meu paka pande  compang  one sa wie kaut  latang empo dami," jaong de  Mori Adak Pacar. "Eng ta ite, ngance  lami pande  compang  dite hitu  asal lage koe asu  paeng  (nggowe daku) situ,"wale de  darat. "Eng, pande lite, aku lego tong asu nggowe  dite,"jaong de  Mori adak Pacar. Emi one mai sikang liha  asung nggowe so'. Lego wiga  kole  mbaru  de darat ho'. Landing paka pinga  lite.  Eme reme  kerja  ami, neka  manga ngai  ngaok one  tempat kerja  dami. Eme ngai ngaok, lego  lami kerja hitu" jaong de  darat  ho'. Eng..... wali de Mori Adak Pacar.
        Darat ho' benta ase  kaen te pande Compang ho'. Teti  watu  mese lise  wa one beo  Pacar. Watu situ  emi wa  mai  Tureng, Boleng. Sibuk kerja  de darat so'. Du  keta  sibuk kerja dise, Wina de  Mori Adak Pacar (reme  weki mendon) wela  du serehang tana wajol bek  sio. Ine  wai' ho'   sio  one  lewo, hena one saung  haju Lale / saung  muku   wa ngaung  mbaru bate  kerja  de  darat so'. Runin  sio ata  henang saung  Lale    hitu: Pit...pot... pit.... pot...pit...pot......Runi titik sio  ho' neho  te wewa  darat  so't  ngai kerja pande compang. Compang  ho'  toe dim  polin. Latang  runi sio:  pit... pot...ho', pikir  dise ngai ngok tanda   gerak tana ga. O...legon   lise  kerja  hitu. Jadin  ga.... Compang  hitu  toem  polin. Do watu ata  ngai  nggel  nggaur  kid.

(Tombo de  Kraeng  Frans......../  Ema'd  Mery, wa  mai  Pacar. Tombo  du manga acara Naka  Beka Kilo  Ema Gaba Ngatul -Ende  Bertha , wa Satar  Terang, 12 Agustus  2013.....Ketik, JPS 18 -11-2013).

3. COMPANG KER - KOLANG

4.Compang  Kilor -Pong Lembor - Wae Bangka - Lembor

One beo Kilor, Pang Lembor, Wae Bangka Lembor, manga compang. Le tombo, compang ho' pande le  darat (ata pele sina).Tombon  neho  tombo  compang Pacar. Ata pele sina  situt  kerja  manga ata 7 du wangkan.  Manga ata sio one wancang. Sio hitu  pau' one  lewo. Ne nggo'  runin ata  denge  le ata pele  sina:

Pit.... pot.... pit  pot.
Pot  pit...., poli ata  pitu., pit  pat...... poli ata  pat. 

 Ngo' jaong  de ata  pele sina so', ae..... toe di'an latang  ami te  pitu / pat  ho'. Wajol toe aman rasan  lise, ise  lego kerja  hitut ata  toe  di  poli. Manga  watu  wae one  salang  ngger one  wae teku one  Kilor.

(Dikisahkan oleh  Kraeng  Kons  - dari Lalang / Lale - Lembor  wa  Mbaru dise Bp Juan,  1 Januari 2016).