PAKI KABA BAKOK ONE WELA

Manga   adak  paki  kaba  bakok one  Wela, Ruteng - Manggarai., Flores. Adak  paki  kaba  bakok  hitu pande one tanggal  7 Agustus 2013.One Natas mbaru  Gendang  Wela panden. Ata panden  adak kaba  bakok ho' iset  uku  Nua  wae  diha  Pedim-Jery. Apa pu'ng tara manga adak  paki  kaba  bakok? Paki  kaba  bakok de  uku Nua  Pedim- Jeri  ho' te  naka beka agu  buar,  naka ata  poli  mangad,  kawe  agu  karet  siot  ata  toe   di  haeng;

1. podo  dopo, oke  sopel. 

Adak oke sopel,podo dopo ,podo mempo ho' one leso Senin, 5 Agustus 2013  du temba golo leso  sale. 
 Podo mempo ho' one salang  dangka. Sili salang dangka Uwu (Wae Wela - Rasi) panden. Du hitu,mbele manuk miteng ata  pongo  le wase (lawe) miteng. Manuk miteng hitu pongo one wakas (wada). Wakas  hitu /tente one  tana.Teong  agu  ndeong  one  wakas hitu  manuk miteng hiot poli mbelen.    Manga ruha manuk (ta'). Ruha hitu na' one saket (haju  tena'   ruha). So' tara  adak  manuk  miteng ho? Manuk miteng  kudut  keti meti (toe manga wae wae).  So'tarapande le  temba golo  leso  sale? Kudut  sangged  meti / dopo / dara  tara/ sangged  sopelone mose, okes  ga,  du  samalakon kolep leso. Eme  kolep leso,kolep (mata)kole sanggep meti /dopo/  sialone mose.  Manga  one nunduk/ tombo   dise  empo bahwa  ise empo Himpel hena  le  sopel. Hia  sopel le paki  lata. Manga ata tako  kaba  data. Kudu le ata  ngara kaba. Ata tako ho't dadang kaba sumang  agu  hia  Himpel. Teing  one  hia  Himpel liha kaba  ho'.Reme saun liha  Himpel, tuan ata ngara  kaba. Nggo kaut jaong data ngara kaba ho bahwa hia  Himpel ho'ata takon kaba  ho'. Sinan  kope.  Ncer ncongang  dara one  mai  sai diha Himpel. Rowa hia Himpel.  Toe ketam  baen  liha  Himpel  bahwa  kaba ho't  teing data ho' bao  kaba  tako. Hia  Himpel ho' ata  toem  keta pikir  bana. One sai  diha, pikir  kaut  te sampe ata  hia  hiot te  tegi  sampe. Padahal  ata koseng  hia ata  ho'.  Empo Himpel  sopel wajol  adong  lata. Hia  dara ta', mata  paki  lata, wajol  mangkong  tako kaba. Wina empo  Himpel ho', kole one ine amen. Ata  tua ende  hitu wai kole  ngger sale Lambur. Hasil  kawing   diha agu ata Lambur ga mangad ise   Yoseph  Sedeng-Niko  Dampul.

• Manga  anak ine  wai  de anak  Rona  Teno. Hi  MAWUL ngasangn.Hia MAWUL ho' kawing  agu hia Deni (?). Ise so'tungku. Batu salang diha Woni hiot kawing agu hia  Pedim  Jery. Kaeng kilo diha MAWUL vs Deni (?) toem lahos. MAWUL padong  kole ngger one ine amen. So tara ne nggitun? Ai  wajol koe manga  kopen hia Deni (?) ko  Jery (?)  Ine  wai  hitu  wai   kole.Wai nia?Ngger  Sale  Wora- Welak? Manga anak ine  wain.Mai ata tua Gaba  Ngatul  emi. Kaeng sama  ise. Ise  begas  wajol  toem sehat ata  tua  Gaba. Ata ine  wai ho'wai  kole ngger  sale   Kempo. Kawe beti data tua'Gaba. Haeng le  kawe. Le Nterlango  nganceng kawen  beti  diha. Poli hitu  ga... ata  tua Gabango  dagang  sili  Lancang, Narang - Todo. Sumang  naca sili hitu, ata tua' Berta Nalut.  Kawing  ise,   manga  8 ata (Leo, Karjon, Klara, Nando,Len, Reafli,Deth, Bona).Daramempo ho'wawa na'. Na'one ise  Dame Daud.Dame  Daud  rowa toe mangan  waen (anak). Am manga kid ata toe manga koped. One tanggal 5 Agustus 2013, du  temba golo leso sale, podo taung mempo situ ga. Manuk mite (ponga le lawe / wase moteng) padong sangged mempo  situ. Kete taung meti situ. Manuk miteng hiot ponggo le wase / lawe miteng pongo one wakas wada. Du hitu tudak wada : " keti le manuk miteng sangged mempo agu serot. Sangged mempo mora (mata) one leso hiot kudut kolep salen. Woko hin kolep leso, paka kole (mata) kole sangged mempo one mai kilo dami," ne nggitu wadan
• Ata Tua'  Deny  manga  ase  kaen.Hia Kaik  ngasang. Hia kaik ho' wai ngger  sale  Werak, Welak. Kaeng  sale hitu. Waen  (anak ) data  tua' Kaik  ho' manga   wa  sowang, Pacar. Wiga manga  ase  kae /kesa kela  wa  he  Sowang - Pacar. 

 2.Naka beka agu buar
Adak kaba bakok ho' te naka beka agu buar. Don bekan  diha empo pedi Jeri. Wesak neteng bendar, labar netang tanas.
 

..................................(lanjut)

NUNDUK - RUE AGU WELA

Rue agu  Wela. Ne nggitu  ngasang   sua  tau mensia. Ise  sua so'  weta  nara. Ise  sua  so' pencang  one  wejang  agu legong  one  leso  le  ata  tua. Ata  tua  dise  poli  matad ga.  Ise  so jadi  anak  ata  lalo. Ame toe haeng, ende toe repeng. Ise mbitu - mbatur  ngger ngger  lau, ngger  awo ngger  sale'. Toe manga  ata te  titong  agu  tatong  ise. Ise  uwa jiri  ata reba koe  agu molas  koe. Du mose mbitu -mbatur hitu, one sa  leso, ise so' lako loleng  ngalor. Sambil kawe tuna, pake, rukus, kuse (kepiting), ise bantang kole ngger  one  mbaru, ai  manga  ata  kudut  taeng ise. Mai reje /bantang  diha  Wela ngong  hia  Rue one  deren: "O... hau  Rue  Nara  ga... kole...nana  ko...le,kole  ghau ga.... Kudut  sai amang ga... e..  Dalu Pacar....o  hau  Rue  nara   ga....".

Mai reje   diha  Rue te  wale dere  de wetan: "O hau  Wela  weta...ga...Kole...weta  ko...le...,kole  ghau  ga...kudut  sai  inang ga...de... dalu....Cibal, o  ghau  Wela weta... ga...."

Ise kole  nggor one  mbarud  one  beod.    Manga  ata te taeng ise.  Meka  awo  mai   Cibal te rei  hia Wela kudut  wai awo  Cibal.  Meka  wai mai Pacar kudut  reje hia  Rue   te laki  wa  Pacar, kudut  ise  so...toe mose hanang koe  terus. Wiga hia Wela ho' ga  wai ngger  awo  Cibal. Inang agu amang diha awo mai  Dalu Cibal. Hia Rue  laki ngger  wa  Pacar. Inang agu amang diha ga wa  mai  Dalu Pacar.

(Nunduk diha  Ende  Regina  Jenaut,  Wela, 7 Agustus 2013  di  Rumah  Gendang  Wela, dan via tlpn  27  Agustus  2013dari Lab.Komputer  JPS,pkl 19.30 WIB).

NUNDUK GOLO REA: EMA HEMONG ANAK

 NUNDUK GOLO REA: EMA HEMONG ANAK

Manga  sengata  ata tua'ema. Hia ho' manga anak ata rona.Anak hitu koe kin. Sa leso dade ngo bang motang liha. Ise  bang  motang  eta Golo Rea."Nana, ngo awo io  hau,ngo  sonda  motang  agu  tagi /rusa, aku  saka se' pate,"jaong de eman  latang anak ne."Eng ema,"wale de anak koe ho  agu lako ngger  awo lut perenta de eman . Ba  agu asu  anak  koe ho'. Dengang  le asu  motang agu  tagi /rusa /ndaot  so'.  Ema  saka  one  pate. Woko  mai motang so' one   pate,  reme siap  kraeng  ema. Hia   beke motang  agu tagi so'. Sibuk  hia  urus motang  agu  tagi so'. Rapak  dumane  tana,kole hia ga.Wajol  sibuk  urus   nakeng, hemong  anak  hot  reme  sonda motang agu  tagi. Mesen senang ita  nakeng do, hemong  te kawe agu  reje anak koen  te  kole one mbaru.  Anak  koe ho  ga  mbeong  one  puar bone.  Untung  manga  ata  lako salang one  puar hitu.  "Co'tara manga no'mhau?" rei  data  hitu. "O... ite, aku  bang  motang  agu  hia  ema. Runing ngo sondo motangaku liha.Hia  jaga  one pate. Poli  hitu  ga... toe kaut manga itan  hia laku, wiga aku manga no'. Apa ngasangbeo  de hau?" rei  data  hitu. "Toe  baen laku."  wale deanak  koe hitu. "Ole... so cara gate sampe hau."Jaong data  ho'."Ole, ite,maram  dade  kaut litek aku. Maram jadi mendi  dite laing, daripada aku  kaeng hanangkoe onepuarmengot ho'," jaong  de anak koe ho'. Eng eme ne nggitu ga...mai  ga...ngo one beo daku.Lako sama  ise ga,ongo  one  beo data ho'. Anak koe ho uwa  gula bok  leso. Hia ho seber te duat, rajin sampe hae ata, dia  holes weki.Hia ho' jadi  ata bora  nitu.Lanar woja,latung, sele,mesak, timung,ndesi,kopi,agu do  kaut.  Hia  ho'nuk  sangged  ata siot  poli  sampe hia  agu  nuk   kole  ata tuan, termasuk eman  hiot  hemong  hia eta golo Rea. Sa  len, eme  tenang  eman, dere de hia te embong mosen.Ne nggo'deren:"Eta Golo  Re...a....,e...a  daku  ame,pola motang  koen o...tagi koen...E...a hia ame, ba motang koe  otagi koen....".

One  sa  leso, manga  ata  mai kawe mose (woja, latung). Ngoone beo hitu ata  hitu. Masuk  one mbaru  databora ho'hia. "Ole mori,neka  rabo,neka  rabo,mai osok one mbaru dite Mori te tegi sampe wajol  leng bail darum  bara  wajol toe  manga  hang. Te  tegi sampe  dite  te tuda  koe  woja  agu latung kudut  ngancemose  ami." geso  de  ata tua' ema ho'. Ole ne  nggitu ko...ema "jaong  data  bora ho'.  "A walang  ite ta, toemanga  anak  dite  kotaralako le rud dite ata  tua ho  te kawe  mose.Ai eme  manga anak pe,  jera  ise  kaut  te  ngende  woja  agu  latung, toe lako  ite  ata  tua' ho',"jaong  de ata bora   ho."Mori...,danong manga  anak  ata  rona,landing  mora one puar eta Golo  Rea  du  bang  motang  agu tagi. Pu'ng  du  hitu ga... toem  manga  itan, ruda  mora  terus  dengkir  ho. Hitu  tara  lako rukawe  mose," jaong  de ata tua ema ho'.  "So  tara  sampitmoran anak dite  hitu? rei  data bora ho'.""Mori  du  hitu,  jera hia laku te weling motang  agu tagi be awo mai.Aku saka  saleone  pate. Keliru daku  mori  ga, woko haeng  kaut  motang  agu tagi so, kole kenos  one mbaru  /beo, pola motang  agu   tagi,  hemong reje  agu benta  anak koe ata rona ho'.  Toe  baen  du kole  dakudu  hitu,  melut nia anak daku ho'. Toe kautmanga  nuklaku te kawe  mantar ho.," jaong  de  ata  tua  ema ho'. So'tarasampe  hemong  anak  koe  ata  rona ho'ite?"  rei de ata  bora ho'. Hitu  ketap mesen  keliru daku lite. Mesen  senang haeng motang  agu tagi  ga hemonganak dading," wale data  tua  ema ho. Nia danong  moran anak  dite hitu? reo  data  bora ho'. Eta pua  Golo  Rea, e ite," wale de ata tua ema  ho agu segol. Du  hitu langsung  nuk one utek  ata  bora ho' dere   hiot  dekit dere  laing  liha du tenang ata  tuan: "Eta Golo  Re...a....,e...a  daku  ame,pola motang  koen o...tagi koen...E...a hia ame, ba motang koe  o...tagi koen....". "Ole...ho...ema  daku,"jaongone nai. "Ole Mori, sampe  koe  aku  te tuda woja  agu  latung," geso data  tua ema ho'."Mau ta ema." wale de ata bora ho'. Teing  liha  woja  agu  latung so'. "Eme   taung  bokong  so'mai  kole se  pisa," pede de ata  bora ho' du pedeng woja  agu latung te latang ata tua ema ho'. . "Mori, hampa ho'ema  daku. Hia paka mai kole se pisa.Hia paka kaeng no, kaeng sama  agu  aku.

Pisa  wulang  wa  ga... mai  kole  ata tua ema ho'.

Tombo  mbajik  keta  agu  ata  bora ho. "Ole  ema, asa  eme  kaeng  no'  kaut  dite," jaong  data  bora ho'.  "Ole  Mori, toe naun  agu  patun aku kaeng no'.Neka nggitu.Kaeng nokaut  dite," jaong  data  bora ho'.  Mori  neka, aku ho'ata  lenggetoe  naun  kaeng one mbaru dia  dite ho'. Remo eme sampe  teing woja  agu latung  kaut latang aku," geso data  tua'  ema ho'. "Ole ema, neka nggitujaong  dite. Mbaru ho'mbaru  dite. Anak ditek  agu. Am sembeng le dedek  aku danong  wiga nganceng manga no. Wali dia kamping Morin laku ai aku nganceng sumang  kole agu ite Ema laing. Kaeng no kaut ite.Eme  manga ase  kae sili  beo  ata darum  tukad,pede kaut  ise  te mai  emi  bokong no'. "Ole anak, ampong  aku emam  ta  ata  pencang  kaut  ite  one  weja, ledong  kaut  ite one  leso," jaong de   ata  tua ema ho'. Ise  rao sama taud. "Eng... aku toeperlu  nuk latang gauk situ,ata paling mesen, ite nganceng  sumang kole. Aku danong mbimbor mose hanang  koe, pencang one  wejang, ledong  one leso, landing  le mesen kuasa de Morin, manga ata sampe  aku dade aku one beo ho'  wiga  aku nganceng  kerja agu  ita ata milad  haeng  bate siod kawe.Mai  ga ite nai saanggid  tuka sa leleng, te wali dia kamping Mori Jari  ai  le mesen  kuas  diha itenganceng  sumang  kole. Maig ga ite adak Kaba  Bakok  ai ite  nganceng baeagu  sumang sama  tau..Ise  undang lawa kudut ikut adat wali dia'   ai sumang  tau kole. Pesta ise ise  agu sangged  lawa do. Mesen senang  dise  ai mora anak /ata  tua ngance sumang kole poli  hitu.

(Sumber asli: Nunduk diha Ende  Regina  Jenaut, 7 Agustus 2013, Rumah  Gendang  Wela,Manggarai. Ketik 27 Agustus 2013, d iLab Komp, JPS- Bekasi).