TOMBO AGU GO'ET MANGGARAI
JPS, 28 Nov. 2023 , sumber WAG St. Klaus, 25 atau 26 Nov. 2023.
Tombo toto golo
Bajar toto tana
Go'et toto mose /ro'eng
Bija toto dia'
Curup toto uku
Tombo toto golo
Bajar toto tana
Curup toto uku
(Bahasa menunjukkan bangsa)
Busway, Jl. Raya Bekasi - Letland Menteng - Taman Modern, 27 Agustus 2014, JPS 28-8-2014
CURUP MANGGARAI, ETA MAI SURGA
[Gabriel Mahal]
Sumber:
https://www.facebook.com/marsel.agot?fref=ts
Nggo'o tae diha Enu Elin Morse pe'ang mai Wales, Inggris, one ca Perjalanan Fotografi daku, "Dua bahasa dari surga - bahasa Wales dan bahasa Manggarai". Ngong nggo'o, curup Wales agu curup Manggarai hitu sua curup eta mai sorga. Tu'ung nggitu a? Aram tu'ung keta. Mai cica daku ga, eme nggitu sangged ata siot nganceng curup Wales ko curup Manggarai, one surga keta taung. Mai koley cica diha Enu Elin ga, "No questions asked - straight in" - ngong nggo'o, toe manga rapak rei, ngger one surga keta muing.
Aram neho mbamba tombo daku agu hia Enu Elin ho'o. Mbamba mati punya tae de melaju'n. Maik, te tu'ung tombo hitu ngong nggo'o, oleee… widang de Mori'N de curup Manggarai hitu kamping ise empo danong dut pu'ung wangka mai'n. Eme toe manga teing gerak le Mori'N, toe nganceng lise empo pande'n curup Manggarai hitu, lorong nggitu's koley sangged adak one Tana Manggarai. Lorong nggitu koley widang lise empo danong curup Manggarai hitu pu'ung danong mai'n dengkir leso ho'on. Hitu tara nggo'on bae agu nganceng kin laku curup Manggarai. Konem ce koen, tama laos koe.
Curup Manggarai, neho tae de Tuang A.J. Verheijen, S.V.D, wangka pu'ung tulis one surak one ntaung 1859 le kraeng Freijss. Poli hitu ga, manga pisa wiras curup Manggarai tulis one artikel ethnographik. One ntaung 1940, Tuang A. Burger ba kreba one surak nunduk-nunduk neki ca's agu "catatan gramatikal dan terjemahan". Dut poli rowa'n Tuang Burger, "tatabahasa deskriptif" gejur de Tuang Burger, ba kreba (diterbitkan) le kraeng guru Prof. Dr. J. Gonda.
Tombo koley le Tuang A.J. Verheijen, S.V.D one Kamus Manggarai I (1967), dut pu'ung kaut leso cai'd Tuang-Tuang Misonaris Katolik one Manggarai ntaung 1917, wangka lise gejur ligot agu tulis "daftar kata" curup Manggarai. Ngasang de Tuang situ: triha Tuang Fr. Dorn, triha Tuang Th. Koning, triha Tuang N. Bot, agu triha Tuang Vorstermans. Gejur dise, nehe tae de Tuang Verheijen, toe emo'n. Hitu tara nggo'on ga, pu'ung ntaung 1937, wangke gejur de Tuang Verheijen pande'n Kamus Manggarai. Gejur mese keta agu toe emong. Maik, nganceng le Tuang Verheijen na'a one surak sangged curup Manggarai dite. Delek agu naring keta lite gejur de Tuang Verheijen, nggitu koley gejur de Tuang bana latang toe mora curup Manggarai dite.
Maik, eme nggitu gejur mese dise ata pe'ang mai tana pe'ang, toe ata Manggarai, apa gejur dite'n ga ata ngara'n curup Manggarai hitu? One mai gejur dise, toto'n lise mese'n hiang dise latang te curup Manggarai. Co'o weki rud ite?! Manga cica data tu'a danong, "sandals ntaung balak, mlaju kimpurs ntaung ela". Cala neho cica hitu de ite't Manggarai ata uwa leso ho'o? Mlaju taung ga, hemong agu mamurs curup Manggarai. Toe nganceng koley curup Manggarai. Ko eme nganceng, maik ritak te curup. "Eleng ise pe'ang mai tana pe'ang toe jenger, ampos koley aku", manga dit nggitu tenang agu nuk ite'd ritak curup Manggarai ko?
One sekola de anak daku, manga pelajaran curup Sunda. Asa sekola one Tana Manggarai, manga pelajaran curup Manggarai ko? Toe di manga denge'n laku. Eme one tana Jawa, ko tana Sunda, manga de siaran radio one curup Jawa ko curup Sunda. Asa dite one Manggarai, manga ko? Toe de manga denge'n laku. Asa Ema Pemerintah one tana Manggarai, manga mopo'd Kamus Manggarai gejur de Tuang Verheijen? Kawe lite Kamus Manggarai hitu, toe manga temu'n neteng beo.
Ende, Ema, Ase Kae, sangged Weta, leso ho'o wangka de mora'n curup Manggarai hitu ga. Eme lut tae de mlaju, "bahasa menunjukkan bangsa", eme toe manga bahasa hitu ga, toe nganceng toto'n bangsa hitu. Eme toe manga curup Manggarai hitu, toe mangay bangsa Manggarai hitu. Lorong nggitu koleys sangged adak Manggarai do. Eme toe manga curup, toe manga adak, ngong nggo'o de hitu ga, toe manga wakar'n tana Manggarai hitu. Rowa!
Curup Manggarai hitu eta mai surga. Hitu de tara nai koe'd gejur ligot agu tulis one surak le Tuang-Tuang pe'ang mai tana pe'ang, neho gejur de Tuang Verheijen. Kudut boto moray curup Manggarai hitu. Maik, eme sangged ite'd ngara curup Manggarai toe mopo di'a, toe kapu, toe pola curup Manggarai hitu, ca leso'n tai moray curup Manggarai hitu one mai lino ho'o. Moray widang di'a eta mai surga hitu. Cala'g idego ite ga… toe ga!* — with Marsel Agot and 19 others.
- 29 people like this.
- View 4 more comments
Fabi
Dius Woko ata repeng pede agu haeng tae
toe keta manga salang b'pea'ang tombo ho'o!
Baben Heribertus Philipus
reis ata tua..one ema nemain keta tombo dite so'o bo ga.. " O anak eta
main danong ge..hitu pede dise sot eta main danong" hahahaha..
Toni
Mbukut Toe ma celan curup htu kraeng tu'a.
Porom dasor nggitu koe po manga bet agu belut, te jaga adak Manggarai le
sanggen taung pa'ang olo ngaung musi. Ai neho ata oke one wae laun agu leso
salen kat adak agu curup Manggarai dite ga. Am tekur cai retuk kami agu lawo
cai bao, landing ca reweng daku porom cma laing koe lite wewa neteng bendar,
agu tae neteng ata kut cama" jaga tana mbate dise ame agu ledong dise empo
ho'o. . . Tabe, neka rabo. . .
Clemens Mandu L
kae gabriel, sangged jaong dite/ reweng dite/ toe keta manga ata salang
bepeang, neho daku ase laing lite kae, ole neka keta hemong apa ata poli wintuk
dise ema agu ende. tabe*
https://www.facebook.com/marsel.agot?fref=ts
JPS, Agustus 2014
Tidak ada komentar:
Posting Komentar