NGGERANG:ANAK DE DARAT AGU MENSIA
Nggerang, molas Ndoso, Manggarai Barat - anak koe inewai molas dia' hasil kawing halok mensia - Awang) (ata rona,mensia, ata pele se') agu kakartana, Hendang, (ata iniwai, ata pele sina). Awang manga suad (2) winan.Wina pertaman, ata mensia (ata pele se'), ngasangn hi Tana. Hasil kawin dise sua, manga pa't (4) anak: Hendang (wai ngger lau Wontong, Rego), Howok (wai ngger sale Kuleh,Kolang),........(wai ngge lau Pateng, Rego, Para (ata rona, kaeng lau Ndoso). Awang agu Tana duat uma.Ngasang uma dise : Pongkor Rangat Alo Mata Wae. Ise weri teu one uma hitu. Alo (8) dalod (wungkut) lise werid teu situ. Todo teu dise so'. Teu dise so' laki dat minak te lelo. Masing naring lata Ndoso teu dise so', ai mese, langkas, agu rembong. One sa leso Juma'k (Juma'at) , ngo duat ise Awang - Tana. Lesak leso. Lelo lise, one neteng-neteng membong teu, manga sa pu' ata moran. Ata pande lenget ga..., toe keta ita atan lisa ata emi teu situ. Kole one beo Ndoso ise. Sai one beo, ngge lise sala manga ata dempok teu dise le uma. Toem baen de ase kae weki Ndoso. Rapak leso Jum'ak minggu kole. Du leso lesak (leso tiling), mora kole teu dise. Toe kolem ita ata emid teu so'. Du mane tana, kole ise nger one mbaru lau Ndoso. Ngge kole lise landing toe keta manga sengata atan mengaku emi teu dise le uma hitu. Hur pusu dise kudut dumpu ata emi (tako) teu so'. One leso Ju'mak te telun, ngo kole le uma ise. Tepeng hia Awang. Sai leso lesak. One sa pu' teu, ita nenu data hia, landing toe manga ita ata mensia. "Ma'ut toe ho' ata hot tako teu dami selama ho'. Gereng hau," jaong wa nain agu taong hul nain kudut ngance haeng ata hot tako teu. Lelo mbajik-mbajik liha sala manga tua ata poli nenu hitu.Landing, toe manga atan, hanang nenu kanang. "Sem deko lako nenu ho' to'ng,"jaong wa nain hi awang . Nenu ho' lako neteng alo (8) pu' teu. Dempok kole liha teu so'. Lelo de dia liha Awang. Poli hitu lut liha musi main. Lako inggos-inggos lut lako de nenu hitu. Sai one membong teu te alon. Mai hia sabot deko nenu ho le limen. " Idek go... rudu manga kaut ine wai molas dia' one lime diha hitu. Lenget kole hia.
Awang ho' setu'n pake/ ngerek. Pake manga ata loda eta mai awang . Awang manga sua (2) winan: hia Tana agu hia Hendang. Hendang ho' ine wai ata jiri one mai nenu hiot deko one pu' teu du leso tiling one leso Jum'at liha Awang. Co' tara dekon liha Awang? Ai manga mora teun hia Awang le uma temek Pongkor Rangat Alo Mata Wae. Landing, toe manga baen liha Awang ho sei ata emin / dempok teu diha so'. Ngge liha lau beo Ndoso dasor manga ata emi teu dise situ. Landing, toe ketam manga sengata ata mengaku dempok teu dise situ le temek hitu. Hur keta nain hia Awang ho'. "Ole, ba'ng e mora ne nggitu kaut teu daku situ, nahit toe keta manga ata emid ko?" jaong diha Awang one nain. "Tantu manga ata emid teu situ. Aku perlu bokong ata situ le uma,"jangka diha Awang. Lilek agu lelak keta nain hia Awang ho' te lelo / bokong / kudut bae sei keta ata hoot tako teu diha. Tepeng hia. Pas du leso lingang /tiling, one pu' teu one uma diha , ita liha nenu data. "Maut toe hoo ata hoot biasa tako teu daku," jaong diha one nain. Deko liha henu hitu. Haeng. Sau liha. Idek go...kali ine wai molas di'a hot sau le lime diha.
Senang nain landing manga kin beti nain. "Enu,kali hau ho' keta ata laseng tako teu daku...O..hau laku baro one ata tuam. Toe hanang koe dite tombo ho'. Karong aku te lambu mbaru ,lejong beom. Aku lakong hau one ata tuam, ende agu emam," jaong diha Awang latang ine wai ho'. "Delek eme ne nggitu. Mai ga...ngo le mbaru dami, ngo la'at natas, lambu mbaru, lejong beo,"jaong de ine wai molas dia ho'. Sai le mbaru... ita liha mbaru data tua' de ine wai ho' dia keta neho istana. Ise masuk istana "Pongkor Rangat". "Mai ga, lonto," tiba de ema data ine wai molas ho kamping hia Awang. Lonto wa hia Awang. Hia lonto one tempat hebel. Woko lelo liha, kali nepa ata ngai wikut kin tokon.. Hebel keta rasan liha Awang lonto one nepa ho'. Poli hitu ga tombo ise.
Nggerang, molas Ndoso, Manggarai Barat - anak koe inewai molas dia' hasil kawing halok mensia - Awang) (ata rona,mensia, ata pele se') agu kakartana, Hendang, (ata iniwai, ata pele sina). Awang manga suad (2) winan.Wina pertaman, ata mensia (ata pele se'), ngasangn hi Tana. Hasil kawin dise sua, manga pa't (4) anak: Hendang (wai ngger lau Wontong, Rego), Howok (wai ngger sale Kuleh,Kolang),........(wai ngge lau Pateng, Rego, Para (ata rona, kaeng lau Ndoso). Awang agu Tana duat uma.Ngasang uma dise : Pongkor Rangat Alo Mata Wae. Ise weri teu one uma hitu. Alo (8) dalod (wungkut) lise werid teu situ. Todo teu dise so'. Teu dise so' laki dat minak te lelo. Masing naring lata Ndoso teu dise so', ai mese, langkas, agu rembong. One sa leso Juma'k (Juma'at) , ngo duat ise Awang - Tana. Lesak leso. Lelo lise, one neteng-neteng membong teu, manga sa pu' ata moran. Ata pande lenget ga..., toe keta ita atan lisa ata emi teu situ. Kole one beo Ndoso ise. Sai one beo, ngge lise sala manga ata dempok teu dise le uma. Toem baen de ase kae weki Ndoso. Rapak leso Jum'ak minggu kole. Du leso lesak (leso tiling), mora kole teu dise. Toe kolem ita ata emid teu so'. Du mane tana, kole ise nger one mbaru lau Ndoso. Ngge kole lise landing toe keta manga sengata atan mengaku emi teu dise le uma hitu. Hur pusu dise kudut dumpu ata emi (tako) teu so'. One leso Ju'mak te telun, ngo kole le uma ise. Tepeng hia Awang. Sai leso lesak. One sa pu' teu, ita nenu data hia, landing toe manga ita ata mensia. "Ma'ut toe ho' ata hot tako teu dami selama ho'. Gereng hau," jaong wa nain agu taong hul nain kudut ngance haeng ata hot tako teu. Lelo mbajik-mbajik liha sala manga tua ata poli nenu hitu.Landing, toe manga atan, hanang nenu kanang. "Sem deko lako nenu ho' to'ng,"jaong wa nain hi awang . Nenu ho' lako neteng alo (8) pu' teu. Dempok kole liha teu so'. Lelo de dia liha Awang. Poli hitu lut liha musi main. Lako inggos-inggos lut lako de nenu hitu. Sai one membong teu te alon. Mai hia sabot deko nenu ho le limen. " Idek go... rudu manga kaut ine wai molas dia' one lime diha hitu. Lenget kole hia.
Awang ho' setu'n pake/ ngerek. Pake manga ata loda eta mai awang . Awang manga sua (2) winan: hia Tana agu hia Hendang. Hendang ho' ine wai ata jiri one mai nenu hiot deko one pu' teu du leso tiling one leso Jum'at liha Awang. Co' tara dekon liha Awang? Ai manga mora teun hia Awang le uma temek Pongkor Rangat Alo Mata Wae. Landing, toe manga baen liha Awang ho sei ata emin / dempok teu diha so'. Ngge liha lau beo Ndoso dasor manga ata emi teu dise situ. Landing, toe ketam manga sengata ata mengaku dempok teu dise situ le temek hitu. Hur keta nain hia Awang ho'. "Ole, ba'ng e mora ne nggitu kaut teu daku situ, nahit toe keta manga ata emid ko?" jaong diha Awang one nain. "Tantu manga ata emid teu situ. Aku perlu bokong ata situ le uma,"jangka diha Awang. Lilek agu lelak keta nain hia Awang ho' te lelo / bokong / kudut bae sei keta ata hoot tako teu diha. Tepeng hia. Pas du leso lingang /tiling, one pu' teu one uma diha , ita liha nenu data. "Maut toe hoo ata hoot biasa tako teu daku," jaong diha one nain. Deko liha henu hitu. Haeng. Sau liha. Idek go...kali ine wai molas di'a hot sau le lime diha.
Senang nain landing manga kin beti nain. "Enu,kali hau ho' keta ata laseng tako teu daku...O..hau laku baro one ata tuam. Toe hanang koe dite tombo ho'. Karong aku te lambu mbaru ,lejong beom. Aku lakong hau one ata tuam, ende agu emam," jaong diha Awang latang ine wai ho'. "Delek eme ne nggitu. Mai ga...ngo le mbaru dami, ngo la'at natas, lambu mbaru, lejong beo,"jaong de ine wai molas dia ho'. Sai le mbaru... ita liha mbaru data tua' de ine wai ho' dia keta neho istana. Ise masuk istana "Pongkor Rangat". "Mai ga, lonto," tiba de ema data ine wai molas ho kamping hia Awang. Lonto wa hia Awang. Hia lonto one tempat hebel. Woko lelo liha, kali nepa ata ngai wikut kin tokon.. Hebel keta rasan liha Awang lonto one nepa ho'. Poli hitu ga tombo ise.
"Mori, mai daku ne nggoo: "Anak koe molas ho', anak dite?" . Aku rei ne nggitu manga sampitn. Ne ngoo'. Aku manga po'ng teu wa uma Temek Pongkor Rangat Alo(8) mata wae. Tedeng sua (2) leso Jum'ak ata polin , manga mora teu'g ami wa uma hitu. Ngge laku le beo Ndoso,toe keta manga ata tura emi teu situ. Hoo bo ga bokong laku. Haeng ata emi teu so'. Kali anak dite ata emid teu so'. Mai daku ho' ga, te nonok anak dite ho'.Paka toing dia' anak dite, neka manga tako po'ng data, eme ngoeng emi po'ng data, neka rudu emi, olo tegi, neka emi leno. Eme emi leno, tako hitu ngasangn. Adak tana dite olo tegi pong emi. Hitu ruku tana dite ata Manggrarai. Paka toing anak dite ho' kudut neka ne nggitu kole ngger olon, neka seke nungan te tako po'ng data. Neka daku kaut ngong data," seheng diha Awang one bolo mai ranga de ema agu enden ata molas ho'. "Latang reweng dite mori, toem sial agu celan, landing ata heran laku laing, so tara buang laing lite masalah ho'. Po'ng so, po'ong dite. Teu so', teu dite, ine wai molas ho',inewai molas dite. Hi Hendang ho' ta ite, wina dite. So' keta tara bangka nai laing agu sampe buang one amin lite," wale de ema de ine wai ho'. Lenget hia Awang ho' le wale de ema diha ine wai molas ho'. Pikir kole jaong de ema de ine wai ho'liha. "Wina daku, ine wai molas ho?'. Ole...minak apa bail, wina laing laku ata molas ho'," jaong diha agu gengkes tuka mesen. "Mori, dia' eme ne nggitu. Kudut dia' idep laku. Neho joreng keta tuka koeg neho jereng tuka meseg latang nai ngalis tuka ngengga dite teing anak molas ho' te jadi wina daku. So' koe latang te pasa wekin kali menurut nai ngalis tuka ngengga dite mori? rei diha Awang. "Latang te pasa diha Hendang ho, kawe agu ba le hau kamping ami paeng so': mbe kondo, ela rae, lalong sepang". Hitu pasa weki te kawing hia Hendang le hau.," jaong de eman de ine wai Molas ho'. Kole hia one mai mbaru hitu. Gelang-gelang kawe kaka paeng so' ( mbe kondo, ela rae, lalong sepang) liha.Woko poli manga sangged situ, ba kamping ata tua de ine wai molas ho' liha paeng situ. Mora hia Awang one mai beo Ndoso. Kawing ise ga. Ise ka'eng sama one mbaru de ata tua' diha Hendang. Awang ho', ata ata tu'ng. Ata jago. Ata, ata ho'. Hia nganceng kaeng one beo de darat (Hendang agu ata tua'n). Pisa wulang wa ga, loas hia Hendang. Anak koen ine wai. Hia Awang, Hendang agu anak koed kole ngger one beo Ndoso. Sa leso, hia Hendang ho' ngo teku wae one Temek Pongkor Rangat Alo (8) Mata Wae. "Awang, kapu koe lite hia enu. Aku ngo le wae." jaong diha Hendang. "Eng weta, mai laku kapun hia enu," wale diha Awang. "Awang e...Eme retang hia to'ng, neka saro (dere) ne nggo lite, ipung setiwu, pake se wae, teu sa ambong," pede diha Hendang. "I yo weta," wale diha Awang. Ngo teku wae hia Hendang ho'. Sai de wae, dion keta liha doing (noing) . Lau mbaru kali retang lelir anak dise. Hitun kali embong liha Awang toe tara emo retang. Teka kaut one nuk te dere embong: ipung setiwu, pake sewae, teu sa ambong. Lik muing retang de anak koe ho'. Landing, sengsara noing liha Hendang. "Am saro keta tombo so't re'ing daku hia Awang ," nggaut diha Hendang one nain. Lako hia kole lau mbaru. "Awang, retang hia enu bo ko? rei diha. "Mau ta weta. " wale diha Awang. "Sala manga saro curup siot re'ing daku dite," rei diha Hendang. "Ole, te tu'ng e weta, ai wajol le curup situ itu po hema dia enu," wale diha Awang. "Ole... neka koe saro ne nggitu lite... toem dian latang ite. Hitu ireng (seki) daku," jaong diha Hendang. Denge liha Awang toing diha Hendang landing toe manga mengertin liha. Ngo teku wae kole hia Hendang. Kapu liha Awang anak koe ho'. Pede kole liha Hendang neho pede hio one pisa. Retang kole anak dise ho'. Pande kole neho hio one pisa liha Awang. Jaong kole liha Hendang du poli teong gogong waen. Ho te sua ngkalin lage sake hia Awang. Te telun, pande ne nggitu kole hia, wedi repi, lage sake. Rabo hia Hendang ho. "Awang woko hau wedi (wegi) repi, lage sake, o... ite ga begas. Ho anakm. Hau ngai haun ga, aku ngai akun. Aku kole kamping ende agu ema'g. Lako hia Hendang ho ngger one boe data tua'n ngger le Pongkor Rangat. Langsung jiri nepa hia Hendang ho'. Helel lakon kole ngger le Pongkor Rangat. Retang jejeng hia Awang te po'e agu tegi ampong one hia Hendang. Hitu kali po'en liha landing toe nganceng sakan liha ngoeng diha Hendang. Hendang jiri nepa. Nggalong lakon kole kampong le Pongkor Rangat, beo de ende agu eman. Kudu lise musi main. Wili welok kaut lakon nepa (Hendang) ho'. Nggelek wekin nepa ho'. Hitu tara toe nganceng kukut data Ndoso. Nepa Hendang kole ngger le Temek Pongkor Rangkat Alo (8) Mata Wae. Hanang ita Pongkor Rangat kali lise. Mora nitu nepa ho'. Hi Awang tinu mantar koen. Hia sampe le wina pertaman, hia Tana agu anak-anak diha Tana (Hendang, Howok agu........, Para). Ise sampe tinu anak koe ine wai ho'. Apa betuan re'ing diha Hendang - Ipung setiwu, Pake Sewae, Teu seambong - ? Betuan ngong iset telu: Ipung hitu rapang ngong hia Hendang, Pake rapang ngong hia Awang, teu rapang ngong hia Nggerang (wua tuka momang dise sua, Hendang agu Awang). Eme saro ne nggitu betuan te begas, wur hia Hendang te kole ngger one beon (mata wae -Pongkor Rangat Alo (8) Mata Wae). Toe bae (idep) liha Awang ireng diha Hendang ho'.
Ranga dia' anak koe ho'. Irus mongko, Tangor. Ranga sama lasar pandang, pasu sama lasar pau, weki bakok, wuk lewe, nggera kole. Wajol nggera agu bakok wiga teing ngasang lise anak koe ine wai ho': Nggerang. Ranga diha Nggerang ho' molas teot tu'ung. Jadi ata molas Nggerang ho'. One weki diha Nggerang manga suad jimak. Musi mai tonin agu one tukan. Jimak one tonin, emas, sama mata nggong mesen. Jimat one tukan, perak. Nera jimak one toni diha Nggerang cias ngger eta awang. Jimak hitu pande hia Nggerang nganceng jiri apa kaut (meong, asu, loke rasi, watu, agu do kaut). Tontes tu'ng cias nera wajol jimak hitu one wekin. Wajol le molas dian, do keta ata nanang hia Nggerang ho, termasuk raja Cibal, Todo, Bima. Umur 15 ntaung hia du hitu.
Raja Bima lau Pulau Sumbawa ite nera eta awang. Nera hitu mbilar one mai jimak one toni diha Nggereng. Nera hitu lurus one tana Manggarai. "Manga betuan nera ho. Tantu manga ata minak one tana Manggarai," jaong de raja Bima. "Damang kawe le meu one tana Manggarai, apa betuan nera eta awang ho'. Eme sumang le meu, wali kamping agu aku," perenta de Raja Bima latang penggawa Bima so't one Manggarai. Duhu hitu Manggarai jaja le Bima. Raja Bima du hitu, Sultan Abdul Kadim (1760) ko eme toe hi Sultan Abdul Hamid (1792). Kawe le penggawa de Raja Bima. "Ole, kali lau Ndoso duhak nera ho'. Manga apa lau Ndoso? " rei dise. Ise lako ngger lau Ndoso. "Ole... kali nera data molas ho'. "Sei ngasang ine wai molas ho' ta?" rei dise nger one ata Ndoso. "Hia Nggerang e... mori," wale data Ndoso. Kole penggawa de Raja Bima ho, te wali pede de mori Raja. "Mori Raja, kali nera de ine wai molas keta hio eta awang one tana Manggarai. Molas ite, molas teot tu'ng," jaong de penggawa so'. " Eme ne nggitu, jaong le meu one ine wai hitu agu ata tuan, paka jadi kawing agu aku hia. Hia paka kawing agu aku. Eme ogon hia, mbele kaut, loken paka sisik te pande gendang laing," perenta de Raja Bima Sultan Abdul Kadim (1760) / Sultan Abdul Hamid (1792) . "Iyo Mori, ami tombo pede dite one tana Manggarai. Tombo le penggawa Raja Bima ho latang ata tua diha Nggerang agu hia Nggerang. "Mori Raja Bima manga nain latang hia Nggerang," jaong dise kamping hia Awang. "Toe ngoeng gaku te kawing agu sei kaut atan, termasuk agu Raja Bima," wale diha Ngerang. "Wali kole ngger lau Bima le penggawa Raja Bima. Rabo Raja Bima wajol jodo diha deak ngger peang liha Nggerang. "Paka mbele hia Nggerang hitu. Loken ga pande gendang laing agu ba ngger se Bima," perenta de Raja latang penggawan . Katu rewung bakok liset Bima ngger lau Ndoso. Lelon liset Ndoso ga bombang eros . Gega sangget taung ata Ndoso. Rantang ise. Rabo ise latang ata tua diha Nggerang. "Teing kaut hia Nggerang hitu kudut kawing agu Mori Bima daripada mata lerak taung dite ho'," jaong data beo Ndoso. Kudut deko lise hia Nggerang kudut teing ngger one ata Bima landing toe haeng. Weleng sai data Ndoso. So caran kudut selamak sanggen weki Ndoso agu hia Nggerang ho'? Mesen momang diha Awang latang hia Nggerang. Toe ngoeng hia mbele anak molas kudut pande gendang. Pikir diha ga, so caran kudut selamak hia Nggerang agu beo Ndoso. Manga sua cara ata ite one utek agu nuk diha. Cata te san, mbele Mbe. Loke mbe hitu pande gendang laing poli hitu katu ngger lau Mori Bima. Landing bae le Mori Bima lau, ho'loke de Mbe, toe loke diha Nggerang. Runin gendang ho' dion keta. "Ata Ndoso adong aku. Toe Gendang Nggerang ho. Aku tegi Gendang Nggerang," jaong de Raja Bima. Hia terus kin katu bombang bakok te pande reno beo Ndoso. Cara te suan, mbele Kaba.Luit kaba hitu pande gendang laing poli hitu katu ngger lau Mori Bima. Landing bae kole le Mori Bima bahwa adong de ema diha Nggerang ho'. Mesen keta beti nai diha ga. Tegi de Mori Dima porong mbele hia Nggerang. Sedi nai diha Awang ho. "Paka mbele keta hia Nggerang, eme toe, jiri tasik beo Ndoso," jaong de Raja Bima. Terus kin katu lise bombang kudut pande wae tasik Ndoso. Rantang ata Ndoso so. Dekak lise. Ole, mbele kaut hia Nggerang hitu ta, daripada reno agu jiri tasik beo dite ho' ," jaong lawa beo Ndoso. Sedi nai diha Awang.Hia momang hia Nggerang,momang kole sangged ata Ndoso. Kaeng one keot iset Ndoso agu hia Awang. So caran ga? Sa leso, benta hia Nggerang liha Awang. "Enu, Nggerang, mai di e.. anak, aku sihi hutu de hau," benta diha Awang. Mai hai Nggerang. Maksud de eman kudut kebut wuk agu nggei' rimak emas one toni diha Nggerang, poli hitu na' one kempu poli hitu katu ngger lau Mori Bima agu gendang sot pande one mai loke Mbe ko loke kaba. Pikir diha Awang, toe so'laing eme kebut jimak emas one mai weki diha Nggerang. Sihi hutu diha Nggerang hia Awang ho'. Kebut wuk liha. Toem so' so'n. Manga ita jimak one toni diha Nggerang liha Awang. Mai liha we'it ko kebut jimak hitu one tonin. Apa jadin? Kendut nai diha Nggerang. Rowa hia Nggerang. Mora nera gerak ngger eta awang. Kali one jimak emas ho' nawa (nai) diha Nggerang. Menyesal ema ho'. Toe maksud te pande mbele hia Nggerang bo wangkal. Landing, jadin ga, rowa anak molas. Wajol mesen beti nai hitu hia ga... o... sisik taung liha loke tuka agu loke tonin te pande gendang. Gendang loke tonin katu ngger lau Bima. Gendang loke baran na' one Ndoso. Woko ongga Gendang ho' nenggo runin agu dere: "Sisik loke Nggerang tit...tit...". Woko ongga gendang Nggerang agu dere : "Sisik lokenggerang tit (tik) ...tit )tik) ...", wer uhang (usang) mela lau istana Raja Bima. Gendang loke tonin ba ngger lau Bima. Iwon loke toni (emas) diha Nggerang ho' boak wa tingku (tengku) Romot, Reo,wiga kota Reo selamak one mai Mbang neteng ntaung. Wai Mbang hitu lako ngger awo Lambaleda. Tingku (Tengku) Romot wa Reo selamak one mai wae Mbang du dureng wajol boak wa hitu loke toni (emas) diha Nggerang.
Gendang loke toni diha Nggerang padong ngger lau Bima le ase kae Ndoso. Hitu tegi de Mori Dima (Bima). Lako ise padong Gendang ho'. One salang, lau tasik, Gili Banta, bombang mese pina naeng ongga kepal (perahu) ata leti diset Ndoso sot ba padong Gendang Nggerang ngger lau Bima, Sumbawa.Toe nganceng koleng le kepal (perahu) ho' bombang eros ho'. Bombang ho' sama keta mese bombang du eta Ndoso. Toe nganceng empang lise bombang hitu. Ise putar kole ngger se'. Ise loleng Nanga Ramut. Bombang poto ise ngger lau Pulau Sumba. Tua lau Sumba semol dise so'. toe ruda sai lau Bima, Sumbawa. Gereng de Mori Bima landing toe tara tua Gendang Nggerang ho'. Kali tua lau Sumba ise so'. Gendang Nggerang pekek lau Sumba. Ne nggitu kole ase kae siot padong Gendang Nggerang. Ise mose lau Sumba. Wiga manga ase kae diha Nggerang lau Sumba. So tara toe sai lau Sumbawa, lau Mori Bima Gendang Nggerang ho'? Ai wajol toem jodon hia Nggerang latang kawing agu Raja Bima, wiga empo diha Nggerang katu bombang eros te poto iset ata ba Gendang Nggerang wiga ise tua lau Pulau Sumba, toe tua lau Bima, Sumbawa. Gendang loke tukan (bara) hia Nggerang ga na one Ndoso. Du kuasa le adak Todo diset Ndoso, loke tukan Gendang Nggerang ho' wendo ngger sili Todo le adak Todo. Adak Cibal sampe adak Todo wiga Todo nganceng ba gendang Nggerang ngger sili Todo.Eme tebang Gendang Nggerang denge lau istana Raja Bima.Ne enggo runin:"Te tu'ng loke Nggereang, te tu'ng loke Nggerang,". Woko runi Gendang Nggerang, sai usang mela lau istana Raja Bima. Woko denge runi gendang hitu, idep le Mori Dima (Raja Bima) ga rowa hia Nggerang . Toe kolem itan liha cias nera ngger eta awang one mai tana Manggarai. Sultan Bima ho', empo de raja Kerajaan Majapahit.
Lau Ndoso. Rowa hia Nggerang ga. Hia boak lau pa'ng Ndoso. Adak Paka di'a (kelas) lise ga. Rencana kelas le kaba biasa (miteng) le wau' diha Nggerang. Hia Para (nara diha Nggerang, anak woleng ended) manga nipi. Nipi diha, tegi le empo paka hia Nggerang kelas le Kaba Pada (kaba wing rana). Kawe diha Para ho' ga temu Manggarai landing toe manga itan. Tegi sampe one wetan, hi Hendang, hiot wai lau Wontong, Rego. Sampe nara ho' hia Hendang. Pande adak di liha te tegi sampe de empo kudut mangan kaba pada ho'. Ita one nipi liha, paka pande takung di: mbele Mbe Kondo, Ela Rae agu Lalong Sepang. Ise pande takung hitu lau sano (Hano) Ndoeng- Wontong. Telu wulang wa ga, ita lise kaba Pada ho' lau temek Pateng, lupi Leong. Ise wali dia kamping empo ai ita (manga) Kaba Pada te kelas hia Nggerang. Ise mbele kole Mbe Kondo, Ela Rae agu Lalong Sepang lau hano Ndoeng, Wontong te takung empo. Ba ngger le Ndoso lise kaba ho'. Sai lau ngalor lupi Rado, berbek tain' kaba ho'. Sampe ho'n lau hitu manga Watu Pada (Kaba Pada), neho belbetes tai le kaba one watu mese hitu. Sau lau beo Leleh, losa sion kaba ho'. Manga kin bekas neho siret sio de kaba lau Leleh. Ngasangn Lumpung Leleh. Lako terus hitu lai mai lake wae mese, Wae Ncuring. Lako hitu lau mai hampir sewulang hitu po sai lau Ndoso. So tara lahos bailn? Ai lahos todang kaba Pada hiot hejap keta lakon.Sai lau Ndoso, paki kaba Pada ho' te adak kelas hia Nggerang.
Kelas hia Nggerang ho' ga. Poli hitu lonto leok ine ame agu sangged woe. Woe Wontong (Hendang) tegi kamping anak rona (Para agu ase kae Ndoso) te bajar harga kaba Pada agu sangged taung biaya kentau do du kelas hia Nggerang. Idek go... toe manga seng (emas) the anak rona Ndoso (Para agu ase kae Ndoso) te koleng renta de Woe so'. So' bantang kali ga? Jangka du hitu ga, woe tegi kudut ase kae Ndoso sendo hia Para agu pinda ngger lau Rego, kudut ruis tau agu woe lau Wontong agu Pateng. Sendo de ase kae lau Ndoso. Toe hanang hia Para. Hia Howok (wai sale Kuleh) pinda kole ngger lau Rego. Pertama ise kaeng lau Wontong, poli hitu pinda ngger lau Pongkal. Anak Anak ine wai hot wai lau Pateng kole,pinda ngger wa Pongkal. Wae diha Para agu Howok, kaeng lau Pongkal dengkir ho'n. Sangged ase kae (seame) diha Nggerang kaeng lau Rego (Wontong - Pongkal).
Ntaung 1968, hia teriha Andreas Jeha (panga Kuleh) bantang sangged wae diha Awang - Tana - Hendang - te teti watu boa de empo Nggerang lau Ndoso te ba ngger lau Pongkal. Sua leso du ngo agu du kole) acara Teti watu de Empo Nggerang hitu. Watu boa hitu na one siri bongkok lau Mbaru Gendang Pongkal, loling selama telu (3) wie telu leso, poli hitu pande adak weri watu boa de Empo Nggerang. Paki kaba rae te takung seki (empo) du hitu. Poli hitu po weri watu boa de Empo Nggerang.
Latang wae diha Nggerang lau Pongkal, Pateng, Wontong, Empo Nggerang ba gerak latang sanggen waen (anak rona, anak wina, empo, bangkong, wela). Emas one weki diha Nggarang rapang te ba gerak nuk (rangga one sekola, pemerenta /pegawe). Jimak one tuka (baran) rapang rangga one ekonomi:" lancing dani, ragok langkok".
Penelitian de Uskup Mgr. Van Bekkum (1946) agu Damian Toda (1999) bahwa sili Niang Wowang Todo one siri bongkok Niang hitu manga Gendang Wela Loe, ata pande one mai loke de mensia,Nggerang. Gendang Wela Loe hitu = Gendang Loke Nggerang.
Menurut iset Todo, Nggerang ogo kawing agu ata bana.Hanang ngoeng kawing agu Raja Todo - Joma Jomi - . Nggerang kawing / sawung wakard kaut ai hia Nggerang mbele lise te takung empo du Randang Lingko Sembong (Sombeng) sili Todo - Pongkor. Loken de ine wai ho' lise pande Gendang. Sa' na' sili Todo (loke bara / tuka), sa na' sili Pongkor. Hot sili Pongkor ga poli muntung, du muntung Niang Wowang Pongkor (ntaung..............).
Uwa ho'n, hiang latang empo Nggerang hanang manga lau Pongkal, Rego. Landing manga keta kid kole lau Ndoso ata mengaku wae diha Nggerang. Ise situ manga lau Momol, Waning.
JPS, ......2013 sampai 21 Desember 2013.
Ranga dia' anak koe ho'. Irus mongko, Tangor. Ranga sama lasar pandang, pasu sama lasar pau, weki bakok, wuk lewe, nggera kole. Wajol nggera agu bakok wiga teing ngasang lise anak koe ine wai ho': Nggerang. Ranga diha Nggerang ho' molas teot tu'ung. Jadi ata molas Nggerang ho'. One weki diha Nggerang manga suad jimak. Musi mai tonin agu one tukan. Jimak one tonin, emas, sama mata nggong mesen. Jimat one tukan, perak. Nera jimak one toni diha Nggerang cias ngger eta awang. Jimak hitu pande hia Nggerang nganceng jiri apa kaut (meong, asu, loke rasi, watu, agu do kaut). Tontes tu'ng cias nera wajol jimak hitu one wekin. Wajol le molas dian, do keta ata nanang hia Nggerang ho, termasuk raja Cibal, Todo, Bima. Umur 15 ntaung hia du hitu.
Raja Bima lau Pulau Sumbawa ite nera eta awang. Nera hitu mbilar one mai jimak one toni diha Nggereng. Nera hitu lurus one tana Manggarai. "Manga betuan nera ho. Tantu manga ata minak one tana Manggarai," jaong de raja Bima. "Damang kawe le meu one tana Manggarai, apa betuan nera eta awang ho'. Eme sumang le meu, wali kamping agu aku," perenta de Raja Bima latang penggawa Bima so't one Manggarai. Duhu hitu Manggarai jaja le Bima. Raja Bima du hitu, Sultan Abdul Kadim (1760) ko eme toe hi Sultan Abdul Hamid (1792). Kawe le penggawa de Raja Bima. "Ole, kali lau Ndoso duhak nera ho'. Manga apa lau Ndoso? " rei dise. Ise lako ngger lau Ndoso. "Ole... kali nera data molas ho'. "Sei ngasang ine wai molas ho' ta?" rei dise nger one ata Ndoso. "Hia Nggerang e... mori," wale data Ndoso. Kole penggawa de Raja Bima ho, te wali pede de mori Raja. "Mori Raja, kali nera de ine wai molas keta hio eta awang one tana Manggarai. Molas ite, molas teot tu'ng," jaong de penggawa so'. " Eme ne nggitu, jaong le meu one ine wai hitu agu ata tuan, paka jadi kawing agu aku hia. Hia paka kawing agu aku. Eme ogon hia, mbele kaut, loken paka sisik te pande gendang laing," perenta de Raja Bima Sultan Abdul Kadim (1760) / Sultan Abdul Hamid (1792) . "Iyo Mori, ami tombo pede dite one tana Manggarai. Tombo le penggawa Raja Bima ho latang ata tua diha Nggerang agu hia Nggerang. "Mori Raja Bima manga nain latang hia Nggerang," jaong dise kamping hia Awang. "Toe ngoeng gaku te kawing agu sei kaut atan, termasuk agu Raja Bima," wale diha Ngerang. "Wali kole ngger lau Bima le penggawa Raja Bima. Rabo Raja Bima wajol jodo diha deak ngger peang liha Nggerang. "Paka mbele hia Nggerang hitu. Loken ga pande gendang laing agu ba ngger se Bima," perenta de Raja latang penggawan . Katu rewung bakok liset Bima ngger lau Ndoso. Lelon liset Ndoso ga bombang eros . Gega sangget taung ata Ndoso. Rantang ise. Rabo ise latang ata tua diha Nggerang. "Teing kaut hia Nggerang hitu kudut kawing agu Mori Bima daripada mata lerak taung dite ho'," jaong data beo Ndoso. Kudut deko lise hia Nggerang kudut teing ngger one ata Bima landing toe haeng. Weleng sai data Ndoso. So caran kudut selamak sanggen weki Ndoso agu hia Nggerang ho'? Mesen momang diha Awang latang hia Nggerang. Toe ngoeng hia mbele anak molas kudut pande gendang. Pikir diha ga, so caran kudut selamak hia Nggerang agu beo Ndoso. Manga sua cara ata ite one utek agu nuk diha. Cata te san, mbele Mbe. Loke mbe hitu pande gendang laing poli hitu katu ngger lau Mori Bima. Landing bae le Mori Bima lau, ho'loke de Mbe, toe loke diha Nggerang. Runin gendang ho' dion keta. "Ata Ndoso adong aku. Toe Gendang Nggerang ho. Aku tegi Gendang Nggerang," jaong de Raja Bima. Hia terus kin katu bombang bakok te pande reno beo Ndoso. Cara te suan, mbele Kaba.Luit kaba hitu pande gendang laing poli hitu katu ngger lau Mori Bima. Landing bae kole le Mori Bima bahwa adong de ema diha Nggerang ho'. Mesen keta beti nai diha ga. Tegi de Mori Dima porong mbele hia Nggerang. Sedi nai diha Awang ho. "Paka mbele keta hia Nggerang, eme toe, jiri tasik beo Ndoso," jaong de Raja Bima. Terus kin katu lise bombang kudut pande wae tasik Ndoso. Rantang ata Ndoso so. Dekak lise. Ole, mbele kaut hia Nggerang hitu ta, daripada reno agu jiri tasik beo dite ho' ," jaong lawa beo Ndoso. Sedi nai diha Awang.Hia momang hia Nggerang,momang kole sangged ata Ndoso. Kaeng one keot iset Ndoso agu hia Awang. So caran ga? Sa leso, benta hia Nggerang liha Awang. "Enu, Nggerang, mai di e.. anak, aku sihi hutu de hau," benta diha Awang. Mai hai Nggerang. Maksud de eman kudut kebut wuk agu nggei' rimak emas one toni diha Nggerang, poli hitu na' one kempu poli hitu katu ngger lau Mori Bima agu gendang sot pande one mai loke Mbe ko loke kaba. Pikir diha Awang, toe so'laing eme kebut jimak emas one mai weki diha Nggerang. Sihi hutu diha Nggerang hia Awang ho'. Kebut wuk liha. Toem so' so'n. Manga ita jimak one toni diha Nggerang liha Awang. Mai liha we'it ko kebut jimak hitu one tonin. Apa jadin? Kendut nai diha Nggerang. Rowa hia Nggerang. Mora nera gerak ngger eta awang. Kali one jimak emas ho' nawa (nai) diha Nggerang. Menyesal ema ho'. Toe maksud te pande mbele hia Nggerang bo wangkal. Landing, jadin ga, rowa anak molas. Wajol mesen beti nai hitu hia ga... o... sisik taung liha loke tuka agu loke tonin te pande gendang. Gendang loke tonin katu ngger lau Bima. Gendang loke baran na' one Ndoso. Woko ongga Gendang ho' nenggo runin agu dere: "Sisik loke Nggerang tit...tit...". Woko ongga gendang Nggerang agu dere : "Sisik lokenggerang tit (tik) ...tit )tik) ...", wer uhang (usang) mela lau istana Raja Bima. Gendang loke tonin ba ngger lau Bima. Iwon loke toni (emas) diha Nggerang ho' boak wa tingku (tengku) Romot, Reo,wiga kota Reo selamak one mai Mbang neteng ntaung. Wai Mbang hitu lako ngger awo Lambaleda. Tingku (Tengku) Romot wa Reo selamak one mai wae Mbang du dureng wajol boak wa hitu loke toni (emas) diha Nggerang.
Gendang loke toni diha Nggerang padong ngger lau Bima le ase kae Ndoso. Hitu tegi de Mori Dima (Bima). Lako ise padong Gendang ho'. One salang, lau tasik, Gili Banta, bombang mese pina naeng ongga kepal (perahu) ata leti diset Ndoso sot ba padong Gendang Nggerang ngger lau Bima, Sumbawa.Toe nganceng koleng le kepal (perahu) ho' bombang eros ho'. Bombang ho' sama keta mese bombang du eta Ndoso. Toe nganceng empang lise bombang hitu. Ise putar kole ngger se'. Ise loleng Nanga Ramut. Bombang poto ise ngger lau Pulau Sumba. Tua lau Sumba semol dise so'. toe ruda sai lau Bima, Sumbawa. Gereng de Mori Bima landing toe tara tua Gendang Nggerang ho'. Kali tua lau Sumba ise so'. Gendang Nggerang pekek lau Sumba. Ne nggitu kole ase kae siot padong Gendang Nggerang. Ise mose lau Sumba. Wiga manga ase kae diha Nggerang lau Sumba. So tara toe sai lau Sumbawa, lau Mori Bima Gendang Nggerang ho'? Ai wajol toem jodon hia Nggerang latang kawing agu Raja Bima, wiga empo diha Nggerang katu bombang eros te poto iset ata ba Gendang Nggerang wiga ise tua lau Pulau Sumba, toe tua lau Bima, Sumbawa. Gendang loke tukan (bara) hia Nggerang ga na one Ndoso. Du kuasa le adak Todo diset Ndoso, loke tukan Gendang Nggerang ho' wendo ngger sili Todo le adak Todo. Adak Cibal sampe adak Todo wiga Todo nganceng ba gendang Nggerang ngger sili Todo.Eme tebang Gendang Nggerang denge lau istana Raja Bima.Ne enggo runin:"Te tu'ng loke Nggereang, te tu'ng loke Nggerang,". Woko runi Gendang Nggerang, sai usang mela lau istana Raja Bima. Woko denge runi gendang hitu, idep le Mori Dima (Raja Bima) ga rowa hia Nggerang . Toe kolem itan liha cias nera ngger eta awang one mai tana Manggarai. Sultan Bima ho', empo de raja Kerajaan Majapahit.
Lau Ndoso. Rowa hia Nggerang ga. Hia boak lau pa'ng Ndoso. Adak Paka di'a (kelas) lise ga. Rencana kelas le kaba biasa (miteng) le wau' diha Nggerang. Hia Para (nara diha Nggerang, anak woleng ended) manga nipi. Nipi diha, tegi le empo paka hia Nggerang kelas le Kaba Pada (kaba wing rana). Kawe diha Para ho' ga temu Manggarai landing toe manga itan. Tegi sampe one wetan, hi Hendang, hiot wai lau Wontong, Rego. Sampe nara ho' hia Hendang. Pande adak di liha te tegi sampe de empo kudut mangan kaba pada ho'. Ita one nipi liha, paka pande takung di: mbele Mbe Kondo, Ela Rae agu Lalong Sepang. Ise pande takung hitu lau sano (Hano) Ndoeng- Wontong. Telu wulang wa ga, ita lise kaba Pada ho' lau temek Pateng, lupi Leong. Ise wali dia kamping empo ai ita (manga) Kaba Pada te kelas hia Nggerang. Ise mbele kole Mbe Kondo, Ela Rae agu Lalong Sepang lau hano Ndoeng, Wontong te takung empo. Ba ngger le Ndoso lise kaba ho'. Sai lau ngalor lupi Rado, berbek tain' kaba ho'. Sampe ho'n lau hitu manga Watu Pada (Kaba Pada), neho belbetes tai le kaba one watu mese hitu. Sau lau beo Leleh, losa sion kaba ho'. Manga kin bekas neho siret sio de kaba lau Leleh. Ngasangn Lumpung Leleh. Lako terus hitu lai mai lake wae mese, Wae Ncuring. Lako hitu lau mai hampir sewulang hitu po sai lau Ndoso. So tara lahos bailn? Ai lahos todang kaba Pada hiot hejap keta lakon.Sai lau Ndoso, paki kaba Pada ho' te adak kelas hia Nggerang.
Kelas hia Nggerang ho' ga. Poli hitu lonto leok ine ame agu sangged woe. Woe Wontong (Hendang) tegi kamping anak rona (Para agu ase kae Ndoso) te bajar harga kaba Pada agu sangged taung biaya kentau do du kelas hia Nggerang. Idek go... toe manga seng (emas) the anak rona Ndoso (Para agu ase kae Ndoso) te koleng renta de Woe so'. So' bantang kali ga? Jangka du hitu ga, woe tegi kudut ase kae Ndoso sendo hia Para agu pinda ngger lau Rego, kudut ruis tau agu woe lau Wontong agu Pateng. Sendo de ase kae lau Ndoso. Toe hanang hia Para. Hia Howok (wai sale Kuleh) pinda kole ngger lau Rego. Pertama ise kaeng lau Wontong, poli hitu pinda ngger lau Pongkal. Anak Anak ine wai hot wai lau Pateng kole,pinda ngger wa Pongkal. Wae diha Para agu Howok, kaeng lau Pongkal dengkir ho'n. Sangged ase kae (seame) diha Nggerang kaeng lau Rego (Wontong - Pongkal).
Ntaung 1968, hia teriha Andreas Jeha (panga Kuleh) bantang sangged wae diha Awang - Tana - Hendang - te teti watu boa de empo Nggerang lau Ndoso te ba ngger lau Pongkal. Sua leso du ngo agu du kole) acara Teti watu de Empo Nggerang hitu. Watu boa hitu na one siri bongkok lau Mbaru Gendang Pongkal, loling selama telu (3) wie telu leso, poli hitu pande adak weri watu boa de Empo Nggerang. Paki kaba rae te takung seki (empo) du hitu. Poli hitu po weri watu boa de Empo Nggerang.
Latang wae diha Nggerang lau Pongkal, Pateng, Wontong, Empo Nggerang ba gerak latang sanggen waen (anak rona, anak wina, empo, bangkong, wela). Emas one weki diha Nggarang rapang te ba gerak nuk (rangga one sekola, pemerenta /pegawe). Jimak one tuka (baran) rapang rangga one ekonomi:" lancing dani, ragok langkok".
Penelitian de Uskup Mgr. Van Bekkum (1946) agu Damian Toda (1999) bahwa sili Niang Wowang Todo one siri bongkok Niang hitu manga Gendang Wela Loe, ata pande one mai loke de mensia,Nggerang. Gendang Wela Loe hitu = Gendang Loke Nggerang.
Menurut iset Todo, Nggerang ogo kawing agu ata bana.Hanang ngoeng kawing agu Raja Todo - Joma Jomi - . Nggerang kawing / sawung wakard kaut ai hia Nggerang mbele lise te takung empo du Randang Lingko Sembong (Sombeng) sili Todo - Pongkor. Loken de ine wai ho' lise pande Gendang. Sa' na' sili Todo (loke bara / tuka), sa na' sili Pongkor. Hot sili Pongkor ga poli muntung, du muntung Niang Wowang Pongkor (ntaung..............).
Uwa ho'n, hiang latang empo Nggerang hanang manga lau Pongkal, Rego. Landing manga keta kid kole lau Ndoso ata mengaku wae diha Nggerang. Ise situ manga lau Momol, Waning.
Lasa Tongong, 2006, wae diha empo Nggérang, Pongkal - Rego
Simon Samu, 2005, wae diha empo Nggérang, Rado - Rego
Andreas Jeha, (+). wae diha empo Nggérang, Pateng - Rego
Dion Pangul, wae diha empo Nggérang, Waning, Ndoso
Frans Medu,wae diha empo Nggérang, Golo Momol, Ndoso
Nunduk ho' tulis laku berdasarkan tulisan de kraeng Dr. Niko Got, wae diha Nggerang. Dr. Niko Got loas lau Pongkal, kaeng lau / awo Yogyakarta.
JPS, ......2013 sampai 21 Desember 2013.
Tidak ada komentar:
Posting Komentar