Ata Manggarai manga musik .Musik data manga pisa tarad neho: gendang, nggong, sunding. Gendang agu nggong,hitu keta ata isin. One Gendang manga do tarad runid sesuai agu tara onggad, neho tebang /ongga / paki:
- Tambur: tok...tok...tok...,neka rantang kraeng...neka rantang kraeng.....
- Ndundu ndake: ndundu ndake (2x)...tol-..tol..ngguteng nggong ngguteng....ndundundake (x)
- Mbata: ten...ndata..ta...ta...ten.(2x)
- Tutung: Te tuung loke Nggerang... (2x)
- .......................
Ongga Tutung ho'manga hubungan agu tombo Loke Nggerang.
Nggerang ho' ata molas dia (bakok loken, wuk rae, lembis, lewe) sale mai beo Ndoso,Manggarai Barat, Flores, NTT. Hia ho'anak de darat (enden) agu mensia (eman). Wajol le molasn, do ata nanang hia, termasuk raja Todo, Cibal agu Bima. Raja Todo agu Bima katu ata te taeng hia .Ogo hia Nggerang ho'. Nggerang ho' nganceng mora sekaut y, poli hitu manga koley. Hia manga mbekon wiga nganceng mora.Hia nganceng jiri apa kaut lorong agu belut nain.
Du hitu,one Tana Manggarai manga pisad rajan, neho: Cibal, Todo, Bima. Ndoso ho'perenta le raja Cibal,poli hitu Todo,poli hitu Bima. Sangged Mori raja so'manga naid latang hia Nggerang. Katu ata kudut taeng lise landing olo hia Nggerang. Woko lambu mbaru liba likang ata mai taeng so', tiba-tiba mora nggitu kaut hia Nggerang ho'. Weleng kole ata tua'n. Hitu kali sawal lata kudut tiba taeng de raja Cibal / Todo / Bima landing lewang kin liha.
Ngasang toe tiba taeng de Mori adak so' ga, Raja Bima perenta kudut siksa taung ata beo Ndoso.Ata tuan atu sanggen ata beo Ndoso sedi keta nain, lemas wekid, keti selid. Daripada mata taung,som maram hia Nggerang kaut ata mata. Katu rewung tengkem liset Bima lau Ndoso. Lelon liset Ndoso ga... neho bombang bakok pande kawo beo agu golo Ndoso. Idek go... daripada mata taung, som maram hia Nggerang kaut ata mata,"jaong de lawa beo Ndoso.Ise jaong agu ema diha Nggerang ga.. Bantang dise ga so cara kudut deko hia Nggerang kudut te mbelen. Pede de Raja Bima: "Woko toe ngoeng agu aku hia Nggerang,hia paka mbele, loken ga pande loke gendang laing," perenta de Mori Raja Bima. Kawe cara liset Ndoso agu le ata katu de Raja Bima. Benta sengata ata mbeko kudut deko hia Nggerang. Emi wase wunut ise te deko agu pongo hia Nggerang landing hia Nggerang toe nganceng haengn. Jaong data Mbeko ga, deko le wase puar, wase ajo lite hia Nggerang ho'. Pande lise, deko / karet le wase ajo. Haeng hi Nggerang ho'. Mbele lise, loke Toni agu loke baran pande gendang lain. Gendang loke tonin bal lise ngger lau Bima, Gendang Loke Baranba ngger sili Todo. Woko tebang gendang Loke Nggerang hoo,ne nggo runin: "Te tuung loke nggerang..., te tu'ng loke nggerang".
Tidak ada komentar:
Posting Komentar