TOMBO LAU (AWO) MAI CIBAL

Tombo de Kraeng Bone (Emad Gio).

1. Compang Cibal. Compang cibal hitu watu  compang  ata  pande  de darat. Am kudut pande neho candi lise landing toe nganceng wajol denge  kakor de manuk, lolo acu, runi alu agu ngencung  tuk woja /latung /sela / kopi / ute  data (mensia). Pikir de darat so'gerak tana ga,wiga lego lise pande compang hitu. Du denge lise  kakor de manuk, lolo acu, runi alu agu ngencung data tuk, pikir dise gerak tana ga. Ise lego ne nggitu kaut pande compang hitu. Compang hitu toe dim polin sebenarn. Eme poli, am neho Candi semol. One Compang Cibal hitu boak sangged empo data Cibal. Ngengga  Compang Cibal hitu se hektar area (ha). * So' tara  lego kerja compang de darat  eme  par  leso? Darat hitu ata pele sina (toe ata raja). Ise manga aturan one mosed. Ise  nganceng  kerja  eme wie  tana.  Manga  sekeng te kerja  dise. Sekeng  kerja dise one nended / wie.Siling /ireng dise gerak (mataleso). Wiga woko denge  krangkuk alu agu ngencug one pande  tuk, pikir  dise par  leso, gerak tana ga. Ise toe nganceng wegi ireng /siling.Poli ko toe  poli  kerja ise koleone  osang'd.
2. Ntangis Bere. Ntangis hitu ngasang  paci de empo dise Kraeng Bone. Ntangis setu'n  ga  ngasang de kaka lelap mese siot nganceng sanga manuk, acu koe, ela koe. Eme lelap Ntangis, geker taungs manuk, terutama manuk ine siot reme  anor anak de. Latang ata Bere - Cibal, eme manga  mai Ntangis mange de betuan. Ntangis hitu  bahwa manga tombo susa. Runi de Ntangis hitu sama keta siek de empo dise ai manga  ata kudut legong lino. Ntangis hitu neho keta empo ata mai suru anakn. Rantang agu gega laing eme manga mai Ntangis lata Bere.  Ntangis hitu kole lata ata Bere ngong empo dise danong hiot mberes neho Ntangis. Emp Ntangis  regis, rantang lata  Kekop taung ata eme manga  Ntangis.Bere hitu beo ruis  Liang Bua
3. Nggaeng. Nggaeng hitu  ngasang benta lantang Kraeng. Danong, Kraeng situ hiang keta lata. Toe naun te  lelo, songa te lelo kraeng. Paka tengguk / ndegut. Eme benta kole, neka  nggepas landing saro kaut kot oteng mole. Neho benta  Kraeng, benta de roeng ga Nggaeng........ One dere manga dere: Nggaeng a..... nggaeng titong,  mo u o.......o..u... o  ise ema  lami Gendang, .....
4. Kraeng - Leke. Tombo one Tana Manggarai Danong. Manga Kraeng ata leke (tukang runing de kraeng). Ata leke toe nganceng lelo  dungka (langsung) Kraeng. Kraeng manga rangn. Neka nggepas eme benta  kali ga  paka pio-pio wale io.
5. Adak Cibal . Adak Cibal bagi tugas do rampas  danong. Manga ata te tombo / bantang,  manga ata te rampas, manga ata te pande sumpak. Ata Cibal kala perang wajol ata Todo pande Woe Nelu. Danong du rampas ngger sili Todo ise purak Todo. Ise kawing kole agu ata Todo. Manga ngasang beo sili Todo: ledong Telo.
6. Rampas Lait - Rahong.
7.  

(VMG, Blok B3/8, 16 Juli 2013)


WATU  LANUR  AGU  TIMUNG TE'

Awo  Wudi (Cibal)  agu  Kedel (Lamba Leda) manga  watu neho ata manusia ata nggao taud. Ngasad  Watu Lanur. Watu Lanur ho' awo Kedel, desa  Watu Lanur, Kec. Poco Ranaka. So' nunduk de watu situ?

Watu  hitu nggasangd watu Lanung agu Timung Te'. 

Danong manga   sengata ine Wai Molas agu sengata ata reba. Ata Molas ho' pake cincin one limen.  Beka agu uwa weki diha. Tambang mese, tambang  bese. Ne nggitu kole  rempa limen hiot  pake cincin. Keot cincin ho'. Beti lime diha wajol  ngeot le cincin.  Uling liha te na peang landing toe nganceng. Beti mese hia. Sotor one ata te na' peang cincin  ho' landing tetap toe nganceng. Tombo beti ho' bae lata neteng tana. Kamer hia Timung Te' wajol kawe ata te rewos beti ho'. Peang oned ata landing toe tara nganceng na' peang. Sondo mosen hia Timung Te' ho'. Eme manga ata nganceng sampe aku kudut nganceng na' peang cincin ho' one lime  daku,

maram  jadi agu hia hitu kaut aku - eme ata rona hitut  gojing aku," bola  diha Timung Te'. Denge lata Awo Kedel. Awo Kedel,Lambaleda (Kec. Poco Ranaka) , manga sengata ata  reba. Ngasan hia  Lanur. Denge liha  Lanur  tombo hitu. "Ole, ine wai molas hitut  beti ko? rei diha one ata. "Ole,  damang laku rewos  ine wai  molas  hitu ta. Baeng laing  eme toe  sampe ye." jaong wa  nain. Ngo  hia sale Wudi, Cibal. Sai sale Wudi, rewos  liha beti de ine wai hitu. Nganceng  na' peang liha cincin ho'.  Sanggen ata senang keta taung. Sehat hia Timung Te. Hia Timung Te' agu sangged lawa nuk reke (bola) diha Timung Te. Eme manga ata rona ata nganceng gojing aku maram agu hia kaut aku. Teing salam liha  Lanur. Tiba liha Timung Te'. Kawing ise so'. Kaeng cama. Itu tara manga watu nggepo tau lau Wudi,  Cibal  agu  awo Kedel, Poco Ranaka. Hia Timung Te'  sale mai Wudi, hia  Lanur awo mai Kedel, Lambaleda.  Sa len watu nggepo tau ho' manga lau Wudi, sa len awo Kedel (Poco Ranaka). Eme mora lau mau Wudi berarti awo Kedel. Eme mora awo mai Kedel  berarti  manga awo  Wudi.

(Dituturkan Egy Tantono, VMG HI, 23 Sept. 2013, pkl 20.00).