Mbeko. Apa hitu? Mbeko hitu gejur data mensia one tara gauk wie kudut pande sopel hae ata. Pande sopel situ one tara pande beti, pande dendang (sengsara) agu pande rowa. Mensia siot manga mbeko ngasand ata mbeko. Wiga ata mbeko hitu ise siot panda beti, dendang agu rowa hae ata le gauk raja wie (wakar).
Ata mbeko siot pande rowa hae ata manga kole ngger one ise sai' data mata. Hitu ngasangn kole sai'. Sai' data siot poli mata tegi / tuntut kole sali kamping ata mbeko hitu. Kole sai' hitu nganceng hena one anak / empo / koa / wote. Ata situt manga mbeko biasan pio-pio one tombo, inggos ba weki. Hitu raja lesod. Landing one raja wied, dara kali nanang, ati kali ndaid, (ata kali nanangd, sai' kali ndaid).
So' tara janto ata data mbeko? wajol ise beti nai te latang hae ata. Weti nai wajo ata manga hang, paeng, seng. Hitu tara betid nai data mbeko. Wajo beti nai' ise janto ata.
Landing mose data mbeko toe danga senang lata. Toe danga lenjong lata mbarud. So' tara ne nggitun? Wajol ata rantang ngo one mbaru data mbeko, rantang hena janto.
Ata janto toe danga manga molor mose kilod. One gori toem danga hasil. Ne nggitu kole one anakd. Eme sekolas toem sai ole, mbitu mbatur le lau kauds.
One Wela, wae data mbeko situ do mata uwa, toe dim haeng umur 60 ntaung. Ise situ reko rebo - roe ngoel. Mata Gelang. Waen nusi mai ga mbitu mbatur. Dendang hae kilo te tinu anak. anak mbitu mbatur toe mopo korong, koe bae pael.
Na' mbeko toem danga guna laing.
(JPS, 23 Oktober 2013).
Tidak ada komentar:
Posting Komentar