PUISI MANGGARAI

Ho'  toming  Puisi Manggarai:

TOING LE TOMING TAE LE PANDE

Posted Oktober 4, 2013 by Adrianus Suryanto in Puisi Manggarai. Tinggalkan Sebuah Komentar

http://drianyanto.wordpress.com/2013/10/04/toing-le-toming-tae-le-pande/

Toing ga Le toming
toming ata modis
tae ga le pande
pande kudut haengs sangged tae

neka bo tae ga bae
woko pande ga, toe kole bae
neka bot toing ga modis
te toming ga haed poti nggorik

tombo nger olo molor
nggitu koe eme koleh
toe koe ngonde holes
kudut moeng koe mose koem

tae le pande
tombo le molor’m
toing le toming
toming ata modis

eme modis de toingm
labar wa natas kanang ata nggalas
eme tae le pande
lako peang salang kanang ata tawa

hitus toing
hitus tae
bae, toe bae
tamal tae laku
TABE MANE

Sumber: http://drianyanto.wordpress.com/2013/10/04/toing-le-toming-tae-le-pande/

NDERES NDERENG LESO WE’E

Posted Oktober 9, 2013 by Adrianus Suryanto in Puisi Manggarai. Tinggalkan Sebuah Komentar

Nderes ndreng leso we’e
Tenang mane tana one natas.
wangkal agu hae labar, nggalas..
nggerle nggerlau kudu cama tau
neteng ranga manga tawa.
Ndres ndereng leso we’e
kaka ngkiong iok iok iok
lelap eta,enam neteng bendar,
kole labar neteng tana.
toe manga kendi one wekin,
apan kole manga ba..
Ndres ndereng leso we’e
inggos jihol ami kole masing kilo,
manga kid labar ata na’d
Le gula ndarut ruda dite cumang
Ndres ndereng leso we’e
denge laku landu lopo Nadus
tenang mose kae’eng tana
kanang ata kadi daku nai
lerem jejem tilu senget
Ndres ndereng leso we’e
com dopo no’o de leso ho’o
leso dion ndarut taung.
eme manga wangkal ata da’at
neka bass neteng ata,
one lesos lite ledong
peang natas lite na’ad.
Suryanto A.
Kuta, 08 Oct. 2013


sumber: http://drianyanto.wordpress.com/2013/10/09/nderes-ndereng-leso-wee/ 

NATAS

Posted September 30, 2013 by Adrianus Suryanto in Puisi Manggarai. Tinggalkan Sebuah Komentar

NATAS

natas dite cua agu dise
toe mesen, koen koe
pas hau agu aku, agu ise
landing toe ma co’on
bone natas ite labar
hau Hi Rondeng aku hi Rondong
hau ranga mancak aku ranga pas

NATAS

natas dite cua agu dise
one natas, manga tawa cegantang
manga imus ce kiwu

NATAS

natas, nitu ite nipu wintuk
nitu ite ita tara.
tara dehau, tara daku
neki ca le tawa

NATAS

natas dite cua agu dise
nitu ite labar cama
ita lite gerak wulang agu ntala

NATAS

natas dehau agu daku, agu dise
nitu dite bae mose
pung du wangka dengkir agu mata

NATAS

natas daku,
natas dehau,
natas dise
natas dite taung

 Sumber:http://drianyanto.wordpress.com/2013/09/30/natas/