26.Hi Lawang Agu Lawung (sumber: Kanis Jehola - Pos Kupang)
(Catatan: Tombo seki Kode - JPS, 5 Sept. 2015)
Hi Lawang Agu Lawung
Sabtu, 15 Maret 2014 11:30 WITA
Sumber: http://kupang.tribunnews.com/2014/03/15/hi-lawang-agu-lawung
EME tombo bugu ciwal uma, toe nganceng
haengn bugu de Lawang. Neteng ntaung hia tiba uma one mai tu'a teno sua moso.
Konem mesen uman e.. maik nganceng kin tangkon liha ciwaln. Itu tara ngengur
taung ulu data tu'a ca beo, ai neteng ntaung hia dani latung agu woja.
One ca ntaung, melet keta hi Lawang toe tiba moso agu ata don. Hia rimu tobok ledong dise ende agu ema lopon pande uma. Uma hitu leok ali pong mese one mai cicingn. Penong kole kode agu motang.
One ca ntaung, melet keta hi Lawang toe tiba moso agu ata don. Hia rimu tobok ledong dise ende agu ema lopon pande uma. Uma hitu leok ali pong mese one mai cicingn. Penong kole kode agu motang.
Bo du pu'ung
rimun, tapa nang agu weri latung agu woja toe manga co'o-co'on. Nenggitu kole
du todo latung agu woja nang agu wuad. Bengkes keta nain hi Lawang woko lelo
wua latungn wole keta. Ae co'o te toe wole laing woko toe sendo todo remang
uman hi Lawang.
Pu'ung
weleng sa'in hi Lawang ga du pu'ung ici ca-cad latung situ. Nia toe weleng sa'i
laing hia. Ai cang te cai hia, lelo one cicing poli koles wa'ekd latung wole
ga. Toe manga baen ceing keta ata takod latung situ.
Ali nggitu
terus neteng leso, ca leso hi Lawang ngo ngapeng. Hia mekep one bombo woja agu
latung agu saung tago. Nenggitu pedek leso, denge li Lawang ninut dere reweng
de anak molas. Hemel keta rewengn, pande lemot nai. Ali denge dere hitu, hi
Lawang ngo kawe. Lako diha pesot kaut ae boto denge runing wa'in.
Cai one ruis
ata dere hitu dengeng kole hi Lawang. Ai lelo liha ata molas eros remeng wa'ek
wua latungn. Eme neho tae data tu'a, nggade keta bokakn. Loke wekin bakok
keta, halep neho dea rakot.
Nenggitu ita
anak molas hitu, hi Lawang denter keta nain. Hia lako pesot wa'in maing musi
mai toni de anak molas hitu. Woko ruis gi, hi Lawang nggao maing musim mai
tonin anak molas hitu. "Ho'o keta haengm laku hau, kaling ko hau keta
taung ata tako latung daku. Ceing ngasang de hau?" "Ngasang
daku Lawung," wale de enu hitu.
Ali mberes
bailn nggao de Lawang, hi Lawung toe nganceng wulin. Hia uncang wekin
kaut: "E... nara nia kaut pande dite, maram mbele le kope aku lite leso
ho'o toe co'on."
Ali wale
hitu di Lawung, wa kole nain hi Lawang. "Nggo'o kali enu ga aku toe
co'o co'om laku hau. Landing hau paka gori kawing agu aku, jadi wina daku laing
hau." Mai wale de Lawung, "Eng laku tae de hau nana. Landing ca kali
tegi daku, eme tu'ungm hau ngoeng agu aku neka hang nuru kode hau. Paka neka
lage le hau tae daku hitu."
Pu'ung nitu
maid ga hi Lawang agu hi Lawung jadi wina rona. Kaeng kilo dise rejek keta. Toe
manga lewang agu ngaok taud nang agu manga anakd ise.
Ca leso du
ngo teku wae hi Lawung, hi Lawang ngo bang acu one pong. Cai one mbaru olong hi
Lawung. Toe beheng kole cain hi Lawang ba agu nurun. "Ho'o nuru ba daku,
tenengs kali enu ga."
Bo keta
olong laing bengkes keta nain hi Lawung ali delek nuru hi Lawang. Ai pisa
wulang ise toe manga hang nurud. Landing nenggitu cengka rokotd ga, lemar muing
wekin hi Lawung, agu gelek wae lu'un. Ai lelo liha nuru te ba de Lawang nuru
kode. Hitu kin rempa limed.
"Landing
woko lage le hau bantang dite nara ga, e...bete ite te sua ga. Hau ngai haun,
aku ngai akun." Poli tae hitu wewak kaut wa agu Lawang anakn hi Lawung,
poli hitu lako hia ga agu ciri kode kole. Pu'ung nitu main bete ka'eng kilo
dise te sua ga.
Ka'eng kilo
de uwa weru te ho'on ga do kole ata cama neho ka'eng kilo dise Lawang agu
Lawung. Apa te poli retus bantang cama du toe di kawing lage le ru kole du poli
kawing. Ata rona ilang wina data ko anak molas data. Ata wina kole nenggitu,
ilang rona data ko anak reba data. Cai olon ga ngaok tau terus poli hitu bete
kaeng kilo, behas wina rona. Poli behas hitu ngoeng kawing kole. Pande hitu one
anak taung rasan, mose dise hindi haes. (kanis jehola)
Berita
Terkait: Tombo tombo
·
Tai Emas
Penulis:
Kanis_Jehola
Editor:
Kanis_Jehola
Sumber: Pos
Kupang Cetak
27. Tai Emas
Sabtu, 8 Maret 2014 11:14 WITA
Sumber: http://kupang.tribunnews.com/2014/03/08/tai-emas
MANGA ca keluarga one ca beo. Keluarga hitu
manga telu anakn, ata rona taungs. Ata ngaso ngasangn Teus, anak te suan
ngasangn Remus, anak te telun ata cucu ngasangn Edus.
Iru pu'ung cekeng, kraeng tua teno keboro sanggen taung weki one beo, ai kudut bagi lodok uma ga. Hi Teus, Remus agu Edus kole ngo keboro hitu ai kudut tiba lodok kole ise. Ai ise te telu anak reba taungs ga. Nganceng taungs ciwal uma.
Cai du leso pati lodok, Teus, Remus agu hi Edus kole ngos. Ise te telu tiba lodok cimping taus. Hi Teus anak ngaso delek one wanang, hi Remus one reha, agu hi Edus one cupu leo.
Nenggitu kudu pu'ung rimu dise uma ga, mai ca tekur. Tekur hitu cai one uma de Teus tegi kudu ceba ruisy. Nggo'o taen: "O... Teus Teus a ta'i tangging no'o aku wag, cio cinggong no'o aku wag." Mai wale de Teus, "O... neka e..."
Ali benang li Teus, tekur hitu lelap ngo one uma de Remus tegi kudu ceba ruis kole. "O... Remus Remus a ta'i tangging no'o aku wag, cio cinggong no'o aku wag." Mai wale de Remus kole, "O... neka e..."
Ali benang kole uman hi Remus, tekur hitu lelap kole ngo one uma de Edus kudu tegi ceba ruis. "O... Edus Edus a ta'i tangging no'o aku wag, cio cinggong no'o aku wag." Mai wale de Edus ga, "O... com ta'ih ma."
Woko poli wale sendo kaut li Edus e.. tekur hitu ta'i tu'ung. Du poli ta'in tekur hitu, ngo lelo lise Edus. Kali ata keluar one mai tuka de tekur hitu toe te ta'i tuung, kaling ko emas. Ali ita emas hitu hi Edus langsung tekar senang. Pu'ung nitu main hi Edus jadi ata bora mese. Eme ise Teus agu Remus wi kali ga menyesal tu'ung. Ise cemburu laing agu hi Edus.
Hitu tombo dise ende agu ema danong du areng toko remeng koe ye ite. Toe baen ga tu'ung ko co'oy tombo hitu. Landing eme nuk lite tombo hitu e.. toe wolengn agu wintuk dite te uwa weru ho'o. Ai ite te uwa weru ho'o eme bergaul poro lelo atan. Ata bora bergaul agu cama ata bora kali. Eme mai lejong ata bora ko tuang mese, itu po tiba di'a. Landing eme ata mai one mbaru dite ata kasi asi, ko rasa toe cama agu ite, ite toe tiba di'a. Emak toe teing wae kolang koley. Ite toe pernah pikir ise situ kole manusia cama agu ite. Emak ise situ ata kasi asi te ba rejeki latang iten.
Sifat dite te uwa weru kole, eme manga ata boran baling mai ite, ko ase ka'e dite irihati laing. Toe bo te usaha kerja ga, pas nga te nes atas situ te di'a mosed. Manga kole iwon sampe janto pake mbeko. (kanis jehola)
28. WATU TIRIIru pu'ung cekeng, kraeng tua teno keboro sanggen taung weki one beo, ai kudut bagi lodok uma ga. Hi Teus, Remus agu Edus kole ngo keboro hitu ai kudut tiba lodok kole ise. Ai ise te telu anak reba taungs ga. Nganceng taungs ciwal uma.
Cai du leso pati lodok, Teus, Remus agu hi Edus kole ngos. Ise te telu tiba lodok cimping taus. Hi Teus anak ngaso delek one wanang, hi Remus one reha, agu hi Edus one cupu leo.
Nenggitu kudu pu'ung rimu dise uma ga, mai ca tekur. Tekur hitu cai one uma de Teus tegi kudu ceba ruisy. Nggo'o taen: "O... Teus Teus a ta'i tangging no'o aku wag, cio cinggong no'o aku wag." Mai wale de Teus, "O... neka e..."
Ali benang li Teus, tekur hitu lelap ngo one uma de Remus tegi kudu ceba ruis kole. "O... Remus Remus a ta'i tangging no'o aku wag, cio cinggong no'o aku wag." Mai wale de Remus kole, "O... neka e..."
Ali benang kole uman hi Remus, tekur hitu lelap kole ngo one uma de Edus kudu tegi ceba ruis. "O... Edus Edus a ta'i tangging no'o aku wag, cio cinggong no'o aku wag." Mai wale de Edus ga, "O... com ta'ih ma."
Woko poli wale sendo kaut li Edus e.. tekur hitu ta'i tu'ung. Du poli ta'in tekur hitu, ngo lelo lise Edus. Kali ata keluar one mai tuka de tekur hitu toe te ta'i tuung, kaling ko emas. Ali ita emas hitu hi Edus langsung tekar senang. Pu'ung nitu main hi Edus jadi ata bora mese. Eme ise Teus agu Remus wi kali ga menyesal tu'ung. Ise cemburu laing agu hi Edus.
Hitu tombo dise ende agu ema danong du areng toko remeng koe ye ite. Toe baen ga tu'ung ko co'oy tombo hitu. Landing eme nuk lite tombo hitu e.. toe wolengn agu wintuk dite te uwa weru ho'o. Ai ite te uwa weru ho'o eme bergaul poro lelo atan. Ata bora bergaul agu cama ata bora kali. Eme mai lejong ata bora ko tuang mese, itu po tiba di'a. Landing eme ata mai one mbaru dite ata kasi asi, ko rasa toe cama agu ite, ite toe tiba di'a. Emak toe teing wae kolang koley. Ite toe pernah pikir ise situ kole manusia cama agu ite. Emak ise situ ata kasi asi te ba rejeki latang iten.
Sifat dite te uwa weru kole, eme manga ata boran baling mai ite, ko ase ka'e dite irihati laing. Toe bo te usaha kerja ga, pas nga te nes atas situ te di'a mosed. Manga kole iwon sampe janto pake mbeko. (kanis jehola)
Watu Tiri ho' manga lau lupi beo Wae Mege, Kecamatan Lembor Selatan. Waru Tiri neho bentuk de kepal. Empo data Munting am mai peang mai pake kepal hitu. Poli hitu empo hitu lako ngger one beo Munting. Iset Munting / Amba, eme leng bail lena tana wiga mata po'ng wajol toe manga usang, ise ngo pande wajo mora one Watu Tiri hitu. Du poli wajo mora (mbele ela / manuk), tu'an usang, wiga nganceng mose po'ng (woja, latung, ute) one satar Lembor hitu. Wae Ara, Wae Sewo wa'.
(Sumber: Tombo diha Bovan, ata Lembor Selatan - , VMG - 25 Maret 2014, pkl 21.00).
29. KULENG
Mede manga sua ata rona mose le Golo Inerie - Bajawa, Ngada. Ngasangd hia Kap agu Dap. Hia Dap lako ngger se' tana Manggarai, kaeng awo Golo / Poso Rana Ka. Eta lobo poso Rana Ka manga rana (sano). Rana hitu dekit mai Ka, wiga ngasang ga Rana Ka.
Hia Dap duat uma lupi Rana hitu. Weri liha one uma hitu latung, ndesi, timung, koja, woja, lusa, tete, muku, tese, kei, moat, boncis, labu, agu dot kaut po'ng kudut te hang laing. Wua po'ng sot dua't diha Dap. One sa leso, lelo liha, rehong wuat po'ng so't duat diha. Heran hia ai ata bae diha hanang koen hia ata kaeng eta Rana hitu. Toe manga mensia bana. Eme ne nggitu sei ata emid wua po'ng so?. Rana hitu donde mai kaka Ka. Mesen keta ngoeng diha Dap ho' te bae so tara meha wau po'ng diha so'. Sa leso, bokong liha sala manga ata mai te emi wu'a po'ng diha so'. Tepeng hia. Idek go... kali manga ine wai molas ata mai te emi wua' po'ng diha so'. Ngapeng terus liha. Woko le mane tana, ata molas so' emi loke kodo te tadu weki poli hitu mber bimber nger eta awang. "Oh.. .. po'ng daku so' emi le ini wai molas sio. Landing ise so' kali ka. Kaeng de ga eta awang beta," jaong diha Dap one nain. Neho diang, bokong kole liha. Olo hia one uma. Lelo liha, Kaka Ka so' sai kole mai hang wua po'ng diha so'. Ita liha sa ka' ho' loak loke kodon poli, seha liha one loke haju, poli hitu hitu ngo one uma te kawe hang. "Som emi laku, loke kodo de ine wai ho' poli hitu wa one mbaru," jaong one nain. Pande liha getn hitu. Rapat du mane tana mai kole ngo one uma hitu hia. Sangged kaka ka iwod itan loke kodod poli hitu mber ngger eta awang. Manga sengata ine wai, hese medek kin one uma hitu toe nganceng kole ngger eta beon eta awang beta. So tara toe nganceng kolen hia? Ai wajol seha diha Dap loke kodon. Tundu kin hia tenang nuk ase kaen siot mber ngger eta awang beta. Melo keta rangan hia. Du reme milong keta rangan, mai hia Dap. Tombo-tombo ise. Ine wai molas ho' tombo so sampit tara daet nitun. Hia Dap kole tombo so duat diha wiga ngance wua sangget po'ng diha one uma hitu. Sangka ise sua te kaeng sama. Dade one mbaru liha Dap ine wai ho'. Mori Kraeng tombo kamping ise: "Meu sua kawing te pande beka wiga manga do mensia one tna lino," jaong de Mori Kraeng agu teing berkat one mose dise. Kaeng kilo ise. Manga anak. Ngasang hia Kuleng. One sa leso, wina diha Dap ho' bersi dapur. One likang api, ita liha loke kodo diha ho'."Idek go... kali ho... loke kodo daku. Som kole ngger eta beog aku, eta awang beta."Mber lelap diha ga. Musi mai hanang koen hia Dap agu Hia Kuleng. Molas dia diha Kuleng ho' ai anak de darat agu mensia. Hia Kuleng ho' semol jiri empo de uku Kuleng awo Lambeleda.
(Sumber: Manggarai dan Wujud Tertinggi, Pater Jilis Verheijen, SVD p. 199-200).
30. KAMBU LAWANG
Manga sengata ata one lino. Halang koen kali hia. Ngasang hi Kambu Lawang. Lako nger le ... nger lau hia u te kawe hae ata. landing toe manga sumang hae atan. Hia ho' mose agu kaka; Kode hae mosen, kaba - jarang hae labar. Toe ketam nisang agu ramak lain liha mose ho. Hia protes agu Mori Kraeng kudut te'ing koe liha hae diding. Teing le Mori Kraeng ho "Tekur Jawa" (?). Deko liha tekur Jawa landing.... tiba-tiba hia sau ine wai molas. Kaget kole hia.Teing ngasang liha ine Wai Molas dia ho' Wela Runus. Jangka ise te mose sama. Kaeng kilo ise. Hia kambu Lawang ho' kudut ngo eta Mori Kraeng te wali dia latang berkat ine Wai molas ho' jiri toko rasp diha. Weki mendon hia Wela Runus. Kudut lako ngoe ata Mori Kraeng hia Kambu Lawang. Re'ing liha Wela Runus. Ta Kambu Lawang, neka wug lako. Olo gerak tana koe di aku itu po lako dite," tegi diha Wela Runus. "Toe nganceng. Aku paka lako du ho'. Pede daku kamping ite enu: "Eme ata rona anak dite hitu sepisa, tinu le hau. Landing eme inewai, mbele le hau, ati ga, suing, na' te hang daku," pede diha Kambu Lawang. Sedi keta nain hia Wela Runus landing idep ket pede hitu liha one nain. Lako hia Kambu Lawang. Pisa wulang wa ga.... loas hia Wela Runus. Ata apa anak koen? Ata Ine wai. Molas de anak koe ho', teot tu'ng. Bangka keta nain hia Wela Runus te Mbele anak koe ho. Hia teing ngasang anak koe ine wai ho' : Jong Java. So cara diha Wela Runus kudut neka mbele hia Jong Java ho? Hia podo anak koe ho ngger one Mori Kraeng (Empo Ete?). So' kudut wale hia Kambu Lawang liha sepisa. "Aku mbele mbe , poli hitu emi atin kudut teing hia Kambu Lawang," jaong diha Wela Runus one nain. Pande liha rencana hitu. Sinan liwa laun ntaung. Kole mbeot diha Kambu Lawang. "Wela Runus, poli loas hau one pisa?" rei diha Kambu Lawang. "I o mori, poli gerak tanak aku olo," wale diha. "Ata apa anak koe hitu?" rei diha Kambu Lawang. "Iwe wai koe Mori," wael diha Wela Runus. Dia' eme ne nggitu ga. Nia damang atin?" tegi diha Kambu Lawang. Emi liha Wela Runus latang taing hia Kambu Lawang. Ha'ng liha Kambu Lawang, landing dion keta noing liha."Wela Runus, hau adong aku. Toe ati diha Jong Java ho, landing ati de mbe. Kurang ajar hau. Kawe nia hia Jong Java, paka mbele eme toe mbele hau laku," jaong diha kambu Lawang. Rantang hia Wela Runus. Hia retang... tegi sampe agu Empo ete... Sangged paeng (mbe, kaba,) momang hia Wela Runus. Kaba teing wekin te sambe hia Jong Java. mata kaut kaba, mbelas toto atin. Teing ba oe hia kambu Lawang liha Wela Runus landing to ngoeng hia Kambu Lawang. Ne nggitu kole paeng iwo, mata, mbleas toto atid te sambe hia Jong Java. lanting sangged situ toe manga tibad liha Kambu Lawang. Poka ati diha Jong Java," perenta diha Kambu Lawang. Reteng hia Wela Runus, tegi sambe diha Jong Java hiot poli sondo liha one Empo ete. Ne nggitu kaut hia Empo Ete (Miri Kraeng), katu gia Jong Java . Dade liha Wela Runus hi Jong Java olo mai ranga diha Kambu Lawang. "Kambu Lawang ho' anak ine wai de hau. O.. mbe le le rum. Aku ogok te mbele anak bara, wua tuka, ai rai ati rasang rak aku te loas anak koe ho," sondo diha Wela Runus. Jengkek hia Kambu Lawang te jelok anak koe ine wai ho'. Buka mu'n hia Jong Java. "Eme Kambu Lawang, du toe di jelok aku dite, senget wada daku. "Ene aku toe anak bara, wua tuka dite, golo dite mbose one weki daku wiga concang dara wa tana. Landing, eme aku anak bara wua tuka dite, golo dite toe manga sai one weki daku," jaong diha Jong Java. Idep liha Kambu Lawang. Wuli hia kudut jelot hia Jong Java. hitun kali wulin agu jelokn hia landing golo diha toe manga saing one hia Jong Java. Kamer hai ga. Mai jaong, "Enu, te tu'ng hau anak bara, wua tuka daku," lata te ganti weki de hau, aku mbele....(Kaba)???. O mbele paeng ga te ganti hia Jong Java.
(Sumber: Manggarai dan Wujud Tertinggi, Pater Jilis Verheijen, SVD p. 200??. Tolong periksa lagi).
JPS, 26 Maret 2014).
31. WATU WAJA LAU
PAGAL – CIBAL
Mede, lau Cibal manga
rani tau Motang
agu Waja. Waja
ho’ mose one
Sano. Wajo tau motang
agu Waja. Motang
ho’ oncor sano ho’t
kaeng de Waja.
Wa’ keta taung
waen wiga meti Sano’
ho’. Meti wae, kolang
leso, mora hang one
sano ho'. Mata waja wajol
kolang agu toe manga hang (ikang, kuse, tuna,
ute.). Mata Waja ho’ wiga jiri
watu. Hitu de Watu
Waja lau Pagal – Cibal. Beo Pagal
ho’ neho keta
sano taran.
(Nunduk diha Trisno, Wisma 25, Minggu, 30 Maret
2014), JPS 2
April 2014
32. PONDIK 1: WERI SAI KABA ONE PURANG / TIWU
Manga sa beo. Bora keta beo hitu. Manga do emas. Denge liha pondik tombo bora one beo hitu. Hia kudut emi / tako emas one beo hitu. So caran liha kudut hedong ata beo hitu kudut emi taung liha emas situ?
Hia ita salang te adong ata situ. Hia paki kaba data poli hitu tente haju one purang / tiwu. Na' one haju hitu liha kawa ho', pande liha neho kaba ko' reme keta uling te losa one mai tiwu / purang ho'. Hia penta ata one lupi beo hitu te sampe te poto kaba ho rantang mata. Sanggen taung lawa ngo porong agu poto kaba ho'. Kedang taung weki. Linga longgong one beo. Reme keta sibuk porong agu poto kaba ho dise, sara nain hia pondik emi emas one beo dise so'. Sampai jam 3.00 le mane to tara nganceng poto kaba ho' lise. Nganceng poto kaba ho lisa e mane tana. Lelo lise kaba hitu kali sai kanang. Te manga wekin. Mesen keta rabo dise latang hia Pondik. Kali hia Pondik adong ise. Kawe lise hia Pondik ho' landing toem haengn. Rabo ise. Ise periksa emas lise one beo hitu. Toe manga itan. Kali poli tako liha Pondik. Landing hia Pondik ho' dia golon lakon ga.
(VMG, 5 April 2014 - tombo diha Yu - ata Rua', Wae Ri', Manggarai).
33. PONDIK 2: PIKA NGGONG KALI WANI RANI
Hia Pondik jago te adong ata. One Sa leso, dia tiwit wani. Neho tiwit karung liha wani situ. Du sai one sa beo, dia tombo agu ata tentang ngong mas diha ho'. "Nggong ho nganceng runi eme buka one mbaru landing paka tadu taung para, lewo agu nua. Nceong keta runin," ganda diha Pondik. Nanga sebeka mu' data senget tombo diha. Bantang ise ga. Jadi weli lata one beo hitu nggong mas ho'. "Meu tebang nggong ho' taong, eme aku sai eta golo. Ba one mbaru le meu ngong ho', tadung taung, para, lewo agu nua. Paka mai sanggen ata te senget ngong ho," jaong diha. Lako hia ga. Ata beo sot wegi ngong hitu, pande apa ata susung diha. Woko one mai mbaru keta taung ise agu poli tadu taung lewo agu nua, ise tebang ngong ho'.
Idek go..... mber agu akit kita sangged ata manusia situ wani ho'. Kali toe ngong emas ho bao ga landing wani rani. Gelang-gelang wuka para dise te losi. Berang taung rananga dise wajol akit le wani. "Kali pande rasung ite hia Pondik ho'. Kudut kawe lise landing one dia golon bo hia Pondik lako. Ise kali ga retang wajol seres akit de wani.
(VMG, 5 April 2014 - tombo diha Yu - ata Rua', Wae Ri', Manggarai).
34. SUA ANAK KOE AGU EMPO RUA
Manga 2 tau anak koe ata rona. Ise so' ngo kawe pake one wae.Ise ba agu nggurus ata poli tuk agu halok le wae. Ise sai one ngalor wai one sa tiwu. Denge lise runi pake: Uk.... uk...... One lupi tiwu hitu manga liang. One lupi liang manga haju mese. Ngo anak koe so te kawe pake hot runi. Du kudut kawe lise pake hitu, one liang kali manga empu rua agu asun. Ngasang asun hi Branga. Gega anak koe so', rantang empo rua. Lelo kawe pake lise. Ise losi, tuke one haju mese. Riket dise. Dingget kaut wai agu rakot lime, dampa tuke haju mese hitu. Lelo eta mai haju mese hitun lise hia Empo Rua. Emp Rua isuk lawer de manusia. Titut isuk liha lawer situ. "Ho' ruis te haeng nuru aku. Laer rinsi ransang - lawer weki de manusia - ho" jaong de empo rua. Kawe liha. Landing toe ita. Kole ngger one laing hia. Hia teneng hang. Poli hitu koeing asun. "O... Branga.... one lewing mese hang rasung, one lewing koe hang dia'., jaong de empo Rua. Senget agu idep de dia de anak koe so. Anak koe so darum. Ise tako hang de empo rua. Nuk lise hang dia one lewing koe. hang lise hang one lewing koe, poli hitu, gali lisa hang one lesing mesi ( hang rasung - na' one lewing koe -. Sain asu diha hia Branga. Hang hang one lewing koe. Mata keget asu ho - wajol hang hang rasung -. Meti nain Empo Rua wajol mata asun ho. Isuk kid liha wau weki de manusia - lawer rinsi - ransang -. Geker kid 2 anak koe ata rona so eta lobo haju. Simpung ise eme nganceng tuke one lobo haju hitu hia Empo Rua. Titut isuk kin le empo rua ho' hia main lawer rinsi -ransang - manusia - ho'. Lelo ngger eta haku hia, ita 2 anak koe so'. "Ole kali ho etas nakeng daku. So cara de me tuke haju mese hitu tara sai eta itus meu? Rei diha empo rua. Hia ngo one haju hitu tanda tuke landing toe nganceng. Empo rua ho' mese wekin. Lorong nggitu kole mese nua ritun. "Nana, so cara tuke de meu bao tara haeng eta itus meu?" rei de empo rua. Mai wale de anak koe ata rona so': "Empo engger wa sai agu lime, negger eta wai', sengka wai dite tembi one haju mese ho'. Lorong le empo eua. Lako le lime hia, ngger wai sai, ngger eta riti wiga mbongang nua ritin. Reme keta mbongang nua ritin hia, worang de wai nggurus de anak koe ata rona so'. Mas riti diha empo. Retang agu siek. "Ole, sampek ta...., sampek, so koe cara rewos mas agu kolang ho.." pasang agu siek de empo. Wale le anak koe so': "Empo, kawe watu lolo dite poli hitu tente one watu lolo hitu riti dite." jaong diha. Lut le empo. Ita watu lolo. Tente nitu ritu diha. Tente mese-mese liha wiga bike, mgongang riti, reu, watu sampe burut one sai le empo. Mata empo ho'. Nak koe so' wau kole one mbaru de ata tuad.
(VMG - Minggu, 13 April 2014 - Sumber Ende Regina Jenaut, Wela - Yustina Jelita - Golo Karot - Lembor).
35. EMPO GOLO RONGGOT
Danong one sa beo lau Golo Ronggot, manga sa kilo. Ise manga anak. Manga ata wai sale Ranggu Kolang. Anak iwod lami beo. Tua lopo ata tua' so. Todo iko. Landing toe tara mata. Kamer anak te teing hang agu tinu. Jangka ise ga so ata dia'n rantang kamer anak te sakong. "Tak anak, dade wa liang lupi ngalor wae ami le meu ge, kudut kaeng wa hituk ami," jaong data tua' ende agu atau tua ema kamping anak. Bo du wangkan toe sendo le anak'd. Landing woko tegi terus - terus lise, sendo le anak so'. Eko wa one liang one lupi ngalor wae lise ata tua ende agu ema so'. Neteng leso ise ba hang latang ata tua so'. Ata tua so homos ngo kawe pake, ikang, tuna one wae. Lahos wa ga kaeng one wae ise. Woko mai nak so, toe manga one liang lise. "Benta le anak: Ole ende... oe ema, nia meu....." lahos wa mai ise."Anak... neho meu walang ga.... neka ba hang latang le ami. Bae lami mese momang de mau. Ami nganceng kawe le ru hang ga. Ngger olo, meu benta ami TAE. Ami kaeng wa wae ho' ga. Eme wa' wae, benta kaut ami le meu. Ami sampe meu te limbang wae," jaong de tae so'. Ata tua' so ga jiri waja, kaeng wa wae. Sa leso, nuk anak hot wai sale Ranggu ata empo so. Mai loleng wae hitu lau mai. Tua sale Wae Impor, wae wa mai beo Ranggu. Nitu manga ata reme sebong. Empo ho' tegi sampe one ata ho'. "Damang benta koe hia hitu lite eta beo Ranggu, manga perlu laku," jaong de ata tua ende ho'. Lut lata hot tegi sampe de empo. Ngo ata hot perlu ise empo so'. Sa wa, tua ata tua ende agu ata tua ema. Tombo ise. "Ole ende - ole eme, so'p tara kaeng no' dite, mai ga ngo eta mbaru, eta beo Ranggu. "Anak, kong sumang no' kaut dite. Ai ami ga kaeng one wae, te lawi wae ho'. Eme ngoeng teing hang (sepe) - sepa mame ko sepa ta' - kamping ami meu, bai kaut ruha agu manuk - wada le meu poli hitu ga boet one wae," ne nggitu jaong de empo so'. Ngo eta ise. Ba ruha lise, wada agu manuk , mbele manuk poli hitu boet one wae. Ruha agu manuk hitu te hang de ende agu ema (empo) ata lame wae. Hitu te pu'ng so tara pande takung one wae de ata Manggarai, te hiang empo ata lami wae.
(One Golo Ronggot - Datak? - manga istana Ular) - Golo Ronggot - Lale.
(VMG - Minggu, 13 April 2014 - Sumber Ende Regina Jenaut, Wela - Yustina Jelita - Golo Karot - Lembor).
NB: Versi lain nunduk Golo Ronggot damang rai Kraneg Kons sale mai Lale - Welak, Manggarai Barat.
Sale Lale, Wela Manggarai Barat, manga Istana Ular. One Istana Ular hitu, do keta ular. Ata nganceng benta ular situ wae de empo........., ai ise situ wae / terunan de empo situ. Empo dise situ ne mai Ular / Nepa.
36. EMPO......
Wa Terang, Boleng, Komodo, Manggarai Barat manga Haji Dola. Empo lise agu waja wangka pu'ng sa', one mai manusia. Manusia kaeng one tana masa. waja kaeng one wae / tasik. Wa Terang manga piara Mbe (Bembe) de Dima situ. Dekit mora Mbe. Wa hitu manga sengata Guru. ngasangn Guru....... Guru ho' manga mbeko te kunci mu' de waja wiga toe nganceng akit manusia / mbe. One sa leso manga mora mbe de ima so'. Ita lise hang le empo / waja. Tegi sampe one guru ho ise. Le guru ho', areng le nakeng/ nuru mbe lise.Mai emp so'. Hang lise nuru mbe ho'. Du hitu, haeng lise Emp (waja) ho'. Mbele lise (liha) guru ho'. Pisa leso wa ga, mai kawe le ase kaen. Ngee' sala manga ata deko ase kae dise. Guru ho' losi ngger lau Bima. Rantang rabo empo so' , hambor ise. Ise mbele mbe te takung rantang rabo empo so'. Biasa' empo so't rani empo mai peang mai uku. Eme ata sa dara (uku) biasan kaeng meler, toem hang / mbele sama tau. (Tombo diha Hila Gudin, Wisma 25, Hari Raya Paskah, 20 April 2014).
37. RANI TAU KABA SODO AGU KABA ANAK:
NUNDUK UKU MINANGKABAU ONE MANGGARAI (perlu terjemahkan ke dlm bah. Manggarai)
38. UKU WALI SALI LASANG ---- so tara wali kaut para mbaru. Hitu tara ngasang Wali.
Manga ata mensia mose lupi wai' Poco Kuwus, Kolang, Manggarai - Barat. Manga 2 ata rona, ase agu kae. Ase ho' neho nakal. Hia dekit katut weta. Rabo kae ho'. Wur ase ho hia. Lako ase ho. Du lako hitu hia, gawek iwon Poco Kuwus. Hia asi one pisa tempat:
1. Wae Wali - Lasang .
Nggo rei one kaen: "Ndo aku kae ko..." " rei diha. "Toe...lau-lau koe....." wale de kaen. Du teti pinda tempat..... manga temek / wae nitu. Hitu Wae Wali. Lako kole hia. Sai one sa tempat. Tempat te suan:
2. Berang Nangis (Pong Lasang ?):
Rei kole liha one kaen:: "Ndo aku kae ko..." " rei diha. "Toe...lau-lau koe....." wale de kaen. Du teti pinda tempat..... manga temek / wae nitu. Hitu Wae / Pong Berang Nangis. . Lako kole hia. Sai one sa tempat. Tempat te telun:
3. Pong Poru - Ranggu (?) Rei kole liha one kaen:: "Ndo aku kae ko..." " rei diha. "Toe...lau-lau koe....." wale de kaen. Du teti pinda tempat..... manga temek / wae nitu. Hitu Wae / Pong Poru. . Lako kole hia. Sai one sa tempat. Tempat te pat:
4. Bea Kalo - (Pong Bea Kalo) -
Rei kole liha one kaen:: "Ndo aku kae ko..." " rei diha. "Toe...lau-lau koe....." wale de kaen. Du teti pinda tempat..... manga temek / wae nitu. Hitu Wae / Pong Bea Kalo. . Lako kole hia. Sai one sa tempat. Tempat te liman:
5. Bea Kojong (Pong Bea Kajong) :
Rei kole liha one kaen:: "Ndo aku kae ko..." " rei diha. "Toe...lau-lau koe....." wale de kaen. Du teti pinda tempat..... manga temek / wae nitu. Hitu Wae / Pong Bea Kojong. Lako kole hia. Sai one sa tempat. Tempat te enem:
6. Watu Umpu (lau mai beo Labe / Semang)
Rei kole liha one kaen:: "Ndo aku kae ko..." " rei diha. Toe manga walen le kae, Poco Kuwus ho'. "Tantu, eng liha kae te kaeng no' aku. Temapat ho' sendo liha te kaeng daku. One bea watu Umpu hitu reme te' woja data Labe / Semang. Tiba - tiba teti ngger eta taung woja te' situ. Nitu jiri golo. Hitu Golo Umpu.
Ata Wali, eme ngo ngger lau watu Umpu te poro / soso haju, neka nggo jaong: Ami ata Wali, rantang poe le empo Umpu ai anggap ase kae. Eme jaong le mai Wali / Lasang, pole le empo Umpu. Ngong se betuan? Mata. Maka eme ngoe te mose, paka wale: ami le mai Kolang. Neka ami ata Wali / Lasang.
Ngobrol rei one hia Ende Gina one telepon : VMG 25 Desember 2014. Pkl 20:30 pm
Refleksi: Watu Umpu - Poco Kuwus. Ise ase kae. Mensia. Manga hubungan golo - beo - wae / temek - watu.
So' tara perlu riang golo / poco? Golo / poco tempat kaeng de empo / leluhur
So tara perlu riang temek /po'ng ? Po'ng hitu wae / )(keturunan / anak ) de empo. Pong ase kae de mensia.
So' tara perlu riang watu? - watu compang / boa ? Ai watu hitu lamnamh empo. Nitu kaeng de empo.
JPS, Minggu, 28 Des. 2014
Toe baen so musi olen, wali kaut para mbaru. Hitu tara ngasang ata Wali dise.......(damang rei hia Ende Gina ko Tua John sale Lasang. Denge sekoe one mai hia tua John. Lasang, 1 Juli 2014 - Disalin di JPS 12 Juli 2014) .
Ngobrol rei one hia Ende Gina: 25 Desember 2014.
Sale Lasang, manga pisa Uku: Wali - Paka - Ker
Ndewur welu
39. COMPANG TODO (Silahkan terjemahkan ke dalam bahasa Manggarai)
http://www.sunspiritindonesia.com/2014/07/12/muasal-pangan-legenda-dari-manggarai.php
JPS, 15 Oktober 2014
42. RUTUNG AGU HIA TIMUNG TE'.
Wangka pu'ng seki Rutung
Danong, one tana Manggarai manga usa tau ine wai molas, hia Timung Te' agu asen. Timung Te' ho wai wiga na' kilo. Kawing ise. Timung Te' dapat rona ata maeng eros. Sangged paeng (kaba, jarang, mbe, ela, japi) agu tana pika taung. Poli taung gade paeng. Gade apa kole poli hitu? Gade winan, hia Timung Te'. Ogo hia Timung Te' ho landing paksa kin liha. Ongga hia Timung Te' wiga mata. Denge de ase diha Timung Te tombo susa ho. Ngo kudut la't / kais liha. Landing...du sai one beo hitu, kilo diha Timung Te' agu hae reban deko ase diha Timung Te' ho agu pongo one siri bongkok one ngaung mbaru. Siek ase diha Timung Te'. Siek tombo agu wewa gauk de kilo diha Timung Te' ho. Du siek hia.... tiba-tiba mora poti hot reme loling agu bete wase ata pungkut hia one siri bongkok hitu. Manga mai do runtung. Rutung situ karong salang te latang te hia te kole ngger one beon. Sake salang wa tana Rutung situ. Selamat ine wai ho' sai one beon. Latang wali dia' kamping Rutung so', wae de inewai ho' agu kilon toe hang Rutung. (One Manggarai, uku ata seki Rutung, manga uku.....le Rai, sili Todo (/) Satarmese.
JPS, 21 Maret 2015
43. EMPO TUKE (EMPO DE UKU LENTANG / LENTENG)
One tana Manggarai (Nusa Lale), one beo Lentang (Lenteng ?) manga nunduk. Manga sa kilo, wina agu rona. Nemba eros sai nitu. Do mata. One beo bana kole nemba. One beo hitu, retang sengata inewai ata reme weki mendon. Sedi nain ai mata / rowa sanggen hae beo / waun'. Retang hanang koen hia. Weong nain wajol mose hanang koen. Hia bola (nasar - bah. Indonesia) / tilir kamping wura, tombo kamping wowo, najar kamping Ngaran. Emi manuk lalong bakok liha poli hitu torok kamping wowo. Ne nggo tilir diha one ngajin hitu: " Mori, nemba one lino ho'. Sanggen ata rowa taung. Reteng aku kanang. Weong nai daku kaeng hanang koe. So' te jiri hae wau agu latang beka ngger olon wae daku? Ho' manuk lalong bakok te baro agu tegi kamping ite. Gesar agu tilir daku: "Ai reme weki mendog aku. Eme eng lite, eme anak one tuka daku ho' ata rona, eme tua'y se pisa, jiri rona laong laku, kudut beka agu buar wae daku. Ho' manuk lalong bakok te baro. Denge lote le, pinga lite sina". Mbele liha manuk ho'. Poli hitu teing helang kamping Mori agu Ngaran. Apa beruan poli hitu? Pisa wulag wa ga, loas hia. Apa apa anak'n? Ata rona, sama tegi diha one gesar agu tilir. Tinu liha anak koe hitu. Ngasangn hia Tuke. Woko tua' anak koe hitu jiri rona laing liha. Beka agu buar's ise. Lanar anak diha Tuke.Hitu nunduk uku Lenteng / Lentang, termasuk wau' dise Romo Max Nambur,Pr. agu wetan.
(Perlu rai kole agu iset Lenteng / agu Lentang) -
Tombo ho'lut tombo de Kraeng Paulus Jalu, 60 thn, ata ikut Misa syukur diset Leteng / Lentang ntaung 1980- an. Di hitu Rm Max Nambur Pr, tombo Nunduk ho' one misa. Kraeng Polus ikut misa ai luk lawa caci. Meka landang du hitu, iset Goloworok. Kraeng Polus lut ise Goloworok.).
Tombo one Mbaru Gendang Wela ntaung 1980 -an, Tombo kole sale / lau Bintaro, Tangerang, Banten , Minggu, 29 Maret 2015, pkl 14:00. JPS, 31 Maret 2015.
44. “ATA DO – ATA DO!”
“ATA DO – ATA DO!” (sumber: https://yorisdampuk93.wordpress.com/majalah-musafir-2014/nunduk/)
Oleh: Fr. Toni Mbukut
(TOR)
Danong Rangang agu Lali jadi mendi te jera de Mori Kraeng. Eme manga perlu ca ko can Mori Kraeng pasti jera kat ise.
Ca leso Mori manga get te bae kreba de manusia one tana lino. Leso hitu nuk tu’ung keta liha manusia sot dedek Liha one mai tana.
Rapak de ge ite, benta le Mori hi Rangang. “ Rangang” tae de Mori. “ io Mori” wale di Rangang. “ Leso ho’o hau ngo wa tana lino, lelo lehau wa itu cala mangan kin manusia ata kaengn ne!”, jera de Mori te hi Rangang. “ io Mori nia kat tae Dite , hitu ata pande daku mendim”, wale di Rangang pio-pio.
Toe kat rempe-rempe di Rangang e ite lampuk lelap ngger wa tana lino. Cai wa hia pas keta tua musi mai mbaru data. Mbaru data ho’o toe di manga kakus. Toe kat di cai wa tana hi Rangang, denge liha lawer ceba deu data mbaru hitu ga. Sehingga du cai wa tanan hia, lampuk kaeng beta mai ta’i. Bo lelo-lelo liha cala manga atan ruis hitu, landing toe ma can ata delek ne. Cait ta’i wa mai pu’u kopi sembong keta hot kaeng diha bo. Co kong ita de liha ata.
Toe nais ne wa, kole de hi rangang ngger eta surga. Lampuk keta ngo cumang Mori Kraeng ne. “ Rangang co kreba ata ba dehau?”, rei de Mori Kraeng.
“ o Mori, bo du ngo daku wan, lik keta one tana lino. Toe manga can laku ita manusia”, wale di Rangang. “ Ole asa keta kreba dehau ho ta?”, tae de Mori Kraeng demeng jer pucun. “ eme nggitu ge damang di ngo hi Lali ngger wa itu, cala dion ke tong kreba diha”, tae de Mori Kraeng.
“Lali damang de hau ngo ngger wa tana lino, lelo cala manga kin manusia wa itu!”, jera de Mori. “ io Mori”, wale di lali.
Lelap de hi lali ngger wa tana lino. Cai wa hia pas keta wa’u one mbaru data laring pesta. Nisang keta nain ita hang do one pesta hitu. Lelo kole liha penong manusia nitu. Reges lima leke, tawa lima gantang hi Lali.
Woko poli becur tukan hi lali ho’o, lampuk lelap kole ngger eta surga. Du cai eta hia, mai rei de Mori, “ Lali co kreba ata ba dehau?”. “ BO du ngo daku Mori, penong keta ata wa tana lino, werawaes kid hang de, am lari manga pesta”, wale di Lali.
“Ole nia de ata tu’ung kreba de mau ta, pande keta jeleb sa’i Daku”, tae de Mori.
Rapak du turung cemoln ge ite, mai Mori emi tana lino. Mai Hia pande kengkung cekoen. Ciek de manusia ga “ ata do yo Mori, ata do!”. Denge ciek hitu Mori Kraeng mai taen “ ole kalit ata do kin manusia wa tino lino”. Pu’ung du hitu, eme manga gego tan lino, “ ata do – ata do”, ciek de manusia kut denge le Morin.
45. NDERU BULAN (?)
One sa beo manga sengata Raja.
Hia sio one lewo. Wa ngaung manga lawo. Lawo hitu inung sio de raja. Dekit sion raja, dekit kolen inung sion lawo hoo'. Lawo hoo jirin ga weki mendo, wiga loas. Kali anak inewai mantarn lawo hoo. Molas de anak koe hoo. Wuk lembis. Ngasan anak koe ho' hi NDERU BULAN.
Terjemahan dari tuturan Bahasa Indonesia: Yosef Kopertino Arman
NB: NDERU BULAN? Atau Nderu Wulang ? Menurut saya Nderu Wulang.
Sumber: https://www.youtube.com/watch?v=5s4pFv_olIA
JPS, 19 Januari 2019
56. WEKU WUA AGU LALO KOE
Danong manga ase kae sili Todo, Satamese. Ngasan dise Wengke Wua agu Lalo Koe. Hia Wengke Wua kae, hia Lalo Koe ase. Ise soo reme mongkald. Sili Todo Pu' mannga sa pu' Nderu. Nderu ho' manga suad ke wuan, sa ata te', sa ata ta'an. Wengke Wua agu Lalo Koe ngo one Pu' Nderu hitu. Seang nai dise ai ia wua nderu soo. Pua lise Nderu soo. Hia Wengke Wua pua ata Teen, hia Lalo Koe pua ata ta'n. Nderu so' berubah tarad jiri mensia, ine wai. Nderu Tee jiri ine wai tua', Nderu taa jiri ine wai molas hiot reme uwan. Senang nai diha Lalo Koe ai data inewai uwa agu molas taran. Milong ranga diha Wengke Wua ai dapat ine wai tua. Hia mas nai latang hia Lalo Koe. Manga bet nain hia latang wina diha Lalo Koe. Hia pikir rencana co' kudut ngance agu hian wina di Lalo Koe. "aeh pande mata kaut hia Kala Koe hoo". pikir diha Wengke Wua. So caran?
Ne ngoo caran. Reje ngo bang motang liha iha Lalo Koe. Eng liha Lalo Koe. Lakod ngo bang ise, ba agu asu. Ita sa nua ata hle ketay. "Lalo Koe ngo one nua ho' dite, tantu manga do motang one nua hoo," jaoong diha Lalo Koe. Lorong liha Lalo Koe. Ngo one Nua ho. hi Webgke Wua agu asun. Du one nua hia Lalo Koe, tadu le watu mese agu le tana nua hitu wiga toe ngance kole pe'ang. Daet one Nua hia Lalo Koe.
Hia Wengke Wua hoo kole ngger one Mbaru. Hia tompo kamping one wina diha Lalo koe bahwa Lalo Koe mora one puar du bang motang. Landing toem imbin de wina diha Lalo Koe. Bengkes kin liha bahwa mannga sekeng sepisa hae kilon kole wiga ise mose sama one kilod. Hia Wenke Wua manga belut nain latang wina diha Lalo Koe. Landing ogo wina diha Lalo Koe. Pikir diha, mose kin hia Lalo Koe. Hia Wengke Wua, paksa wina d Lalo Koe, kudut kawing agu hia, landing ogo terus wina diha Lalo Koe. Du kudut ngo tokon liha wina diha Lalo koe, toto le wina diha lelo koe ho' dara one limen. "Lelo le hau kae ga, ite toe ngance sumang tau, air reme sai wulangd aku," jaong we wina diha Lalo Koe. Ng nggitu terus pannde agu wale de wina diha Lalo Koe. Kali Wina diha Lalo koe hoo pake loke uwu te pande ndereng limen agu towen wiga lelo neho dara liha. Ise toe ngance toko sama.
One Nua, hia Lalo Koe ita do Rutung. Ramen kole mose wa mai tana hoo. Du hitu hia Lalo Koe agu Rutung reje. Hia Lalo Koe tegi kamping Rutung te sake salang kudut ngannce ngo be eta mai tana. "Ngannce lami pande. Landing tegi dami, pu'ng one mai ite wiga sangged dara dite, neka keta manga hang ami agu wae dami," jaong de Rutung. "Mau Mori, hitu tombo hitu. Aku sau tombo ho'. Ite ming seki daku agu sangged wae daku ngger wan," wale diha Lalo Koe. Sake salang le Rutung. Hia tua be eta mai tana. Nisang nain.
Du hitu mangan sasi (caci) sili Todo. One Caci hia Lalo Koe agu Wengke Wua. Ise par sama taud. Ta;ng hia Lalo Koe. Pak,i liha Wengke Wua. Toem henan. Hia Lalo Koe kelong agu deren. Denge le winan reweng hitu. Hia wau one mai mbaru ngo poorong sasi (caci) hitu. "Ho' rona daku,: jaongn, diha one nain. Hia Wengke Wua agu Lalo Koe ruda labar sasi (caci). Hia Lalo Koe paki, hia Wengke Wua ta'ng. "Ho keta haenngm hau ata pannde mata aku danong. Som pande matah du sasi ho'h laku," jaong diha Lalo Koe one nain. Paki hia Wengke Wua liha Lalo Hoe du (caci) hitu. Tiirik keta one gontung liha, wiga jejit boat wiga rowan hia Wengke Wua. Rowa hia Wengke Wua. Emong muing sasi (caci) du hitu. Du poli sasi (caci) sumang taud hia Lalo Koe agu winan. Ise kaeng sama oned kilod.
JPS 8 - 9 Februari 2019.
Sumber:http://www.komodolinenews.com/Tipu-Daya-Isteri-Lalo-Koe-Menyelamatkan-Keperempuanannya
_________________________________________
57. NUNNUK WANGKA PUUNG MENSIA MANGGARAI
Wangka pung ensia Manggarai dedek one mai mberit mata leso hiot heno one betong. Mai nitu main bengkar su tau manusia, ine wai agu ata rona. Ise kaeng neki agu kawing wiga manga anak ata rona. Ise wengko saung haju lale te tadu wekid one mai ses buru ko usang.
Ise mang anakd ata rona. Ise toe manga hang. Kraeng Ema manga nipi. One nipi hitu, hia susung le Mori Kraeng te mbele anak lesan one compang umad.
Neho diang, pande liha apa ata ita one nipin. Hia reje anakn ngo one uma. Hia siap agu kopen. Sai one uma, mbele liha anak koe hitu. Daran liha worang ngger wa tana, nuru agu tokon wesak one uma ata poli duat liha. Poli hitu kole ngger one mbarun hia.
Du sai one mbaru hae kilon rei hia: "Nia hi nana?". "Ai toe di sai see? Pado hia bao," walen. "Toe dim tuan," walw de hae kilon.
Ise sedi naid ai toe ite anak lesad. "O...eme toe tua see mbaruy, mora mbitu hia nana," walw de ronan. Weong nai dise sua.
Pisa leso wa ga, winan hoo ngo one uma. Sai one uma, do ita po'ng liha. Tiba-tiba denge reweng liha:"Ende neka see bail, aku hoo see" reweng ata denge liha. Gega hia. Kawe kawe ata nitu liha anding toe manga. Rapakn wa ga, hia ide, anak dise jiri po'ng, neho woja,latung, sela, mesak, ndesi, timung, tago (lole), muku, merkedila, markis, jembu, nangka, rambutan, jembu mente, agu sangged menan.
Poli hiru hia kole ngger one mbarun. Tombo one hae kilon hia. "Aku denge reweng diha nana wa uma," Oh...hai nana jiri po'ng lain te jiri mose dite.
Ise aki / pua po'ng situ t mose leso-lesod.
JPS, 8 Mei 2020
_________________________________________
58. WANGKA PUUNG ULAR SALE ISTANA ULAR WETA, DESA GALANG, KEC. WELAK
32. PONDIK 1: WERI SAI KABA ONE PURANG / TIWU
Manga sa beo. Bora keta beo hitu. Manga do emas. Denge liha pondik tombo bora one beo hitu. Hia kudut emi / tako emas one beo hitu. So caran liha kudut hedong ata beo hitu kudut emi taung liha emas situ?
Hia ita salang te adong ata situ. Hia paki kaba data poli hitu tente haju one purang / tiwu. Na' one haju hitu liha kawa ho', pande liha neho kaba ko' reme keta uling te losa one mai tiwu / purang ho'. Hia penta ata one lupi beo hitu te sampe te poto kaba ho rantang mata. Sanggen taung lawa ngo porong agu poto kaba ho'. Kedang taung weki. Linga longgong one beo. Reme keta sibuk porong agu poto kaba ho dise, sara nain hia pondik emi emas one beo dise so'. Sampai jam 3.00 le mane to tara nganceng poto kaba ho' lise. Nganceng poto kaba ho lisa e mane tana. Lelo lise kaba hitu kali sai kanang. Te manga wekin. Mesen keta rabo dise latang hia Pondik. Kali hia Pondik adong ise. Kawe lise hia Pondik ho' landing toem haengn. Rabo ise. Ise periksa emas lise one beo hitu. Toe manga itan. Kali poli tako liha Pondik. Landing hia Pondik ho' dia golon lakon ga.
(VMG, 5 April 2014 - tombo diha Yu - ata Rua', Wae Ri', Manggarai).
33. PONDIK 2: PIKA NGGONG KALI WANI RANI
Hia Pondik jago te adong ata. One Sa leso, dia tiwit wani. Neho tiwit karung liha wani situ. Du sai one sa beo, dia tombo agu ata tentang ngong mas diha ho'. "Nggong ho nganceng runi eme buka one mbaru landing paka tadu taung para, lewo agu nua. Nceong keta runin," ganda diha Pondik. Nanga sebeka mu' data senget tombo diha. Bantang ise ga. Jadi weli lata one beo hitu nggong mas ho'. "Meu tebang nggong ho' taong, eme aku sai eta golo. Ba one mbaru le meu ngong ho', tadung taung, para, lewo agu nua. Paka mai sanggen ata te senget ngong ho," jaong diha. Lako hia ga. Ata beo sot wegi ngong hitu, pande apa ata susung diha. Woko one mai mbaru keta taung ise agu poli tadu taung lewo agu nua, ise tebang ngong ho'.
Idek go..... mber agu akit kita sangged ata manusia situ wani ho'. Kali toe ngong emas ho bao ga landing wani rani. Gelang-gelang wuka para dise te losi. Berang taung rananga dise wajol akit le wani. "Kali pande rasung ite hia Pondik ho'. Kudut kawe lise landing one dia golon bo hia Pondik lako. Ise kali ga retang wajol seres akit de wani.
(VMG, 5 April 2014 - tombo diha Yu - ata Rua', Wae Ri', Manggarai).
34. SUA ANAK KOE AGU EMPO RUA
Manga 2 tau anak koe ata rona. Ise so' ngo kawe pake one wae.Ise ba agu nggurus ata poli tuk agu halok le wae. Ise sai one ngalor wai one sa tiwu. Denge lise runi pake: Uk.... uk...... One lupi tiwu hitu manga liang. One lupi liang manga haju mese. Ngo anak koe so te kawe pake hot runi. Du kudut kawe lise pake hitu, one liang kali manga empu rua agu asun. Ngasang asun hi Branga. Gega anak koe so', rantang empo rua. Lelo kawe pake lise. Ise losi, tuke one haju mese. Riket dise. Dingget kaut wai agu rakot lime, dampa tuke haju mese hitu. Lelo eta mai haju mese hitun lise hia Empo Rua. Emp Rua isuk lawer de manusia. Titut isuk liha lawer situ. "Ho' ruis te haeng nuru aku. Laer rinsi ransang - lawer weki de manusia - ho" jaong de empo rua. Kawe liha. Landing toe ita. Kole ngger one laing hia. Hia teneng hang. Poli hitu koeing asun. "O... Branga.... one lewing mese hang rasung, one lewing koe hang dia'., jaong de empo Rua. Senget agu idep de dia de anak koe so. Anak koe so darum. Ise tako hang de empo rua. Nuk lise hang dia one lewing koe. hang lise hang one lewing koe, poli hitu, gali lisa hang one lesing mesi ( hang rasung - na' one lewing koe -. Sain asu diha hia Branga. Hang hang one lewing koe. Mata keget asu ho - wajol hang hang rasung -. Meti nain Empo Rua wajol mata asun ho. Isuk kid liha wau weki de manusia - lawer rinsi - ransang -. Geker kid 2 anak koe ata rona so eta lobo haju. Simpung ise eme nganceng tuke one lobo haju hitu hia Empo Rua. Titut isuk kin le empo rua ho' hia main lawer rinsi -ransang - manusia - ho'. Lelo ngger eta haku hia, ita 2 anak koe so'. "Ole kali ho etas nakeng daku. So cara de me tuke haju mese hitu tara sai eta itus meu? Rei diha empo rua. Hia ngo one haju hitu tanda tuke landing toe nganceng. Empo rua ho' mese wekin. Lorong nggitu kole mese nua ritun. "Nana, so cara tuke de meu bao tara haeng eta itus meu?" rei de empo rua. Mai wale de anak koe ata rona so': "Empo engger wa sai agu lime, negger eta wai', sengka wai dite tembi one haju mese ho'. Lorong le empo eua. Lako le lime hia, ngger wai sai, ngger eta riti wiga mbongang nua ritin. Reme keta mbongang nua ritin hia, worang de wai nggurus de anak koe ata rona so'. Mas riti diha empo. Retang agu siek. "Ole, sampek ta...., sampek, so koe cara rewos mas agu kolang ho.." pasang agu siek de empo. Wale le anak koe so': "Empo, kawe watu lolo dite poli hitu tente one watu lolo hitu riti dite." jaong diha. Lut le empo. Ita watu lolo. Tente nitu ritu diha. Tente mese-mese liha wiga bike, mgongang riti, reu, watu sampe burut one sai le empo. Mata empo ho'. Nak koe so' wau kole one mbaru de ata tuad.
(VMG - Minggu, 13 April 2014 - Sumber Ende Regina Jenaut, Wela - Yustina Jelita - Golo Karot - Lembor).
35. EMPO GOLO RONGGOT
Danong one sa beo lau Golo Ronggot, manga sa kilo. Ise manga anak. Manga ata wai sale Ranggu Kolang. Anak iwod lami beo. Tua lopo ata tua' so. Todo iko. Landing toe tara mata. Kamer anak te teing hang agu tinu. Jangka ise ga so ata dia'n rantang kamer anak te sakong. "Tak anak, dade wa liang lupi ngalor wae ami le meu ge, kudut kaeng wa hituk ami," jaong data tua' ende agu atau tua ema kamping anak. Bo du wangkan toe sendo le anak'd. Landing woko tegi terus - terus lise, sendo le anak so'. Eko wa one liang one lupi ngalor wae lise ata tua ende agu ema so'. Neteng leso ise ba hang latang ata tua so'. Ata tua so homos ngo kawe pake, ikang, tuna one wae. Lahos wa ga kaeng one wae ise. Woko mai nak so, toe manga one liang lise. "Benta le anak: Ole ende... oe ema, nia meu....." lahos wa mai ise."Anak... neho meu walang ga.... neka ba hang latang le ami. Bae lami mese momang de mau. Ami nganceng kawe le ru hang ga. Ngger olo, meu benta ami TAE. Ami kaeng wa wae ho' ga. Eme wa' wae, benta kaut ami le meu. Ami sampe meu te limbang wae," jaong de tae so'. Ata tua' so ga jiri waja, kaeng wa wae. Sa leso, nuk anak hot wai sale Ranggu ata empo so. Mai loleng wae hitu lau mai. Tua sale Wae Impor, wae wa mai beo Ranggu. Nitu manga ata reme sebong. Empo ho' tegi sampe one ata ho'. "Damang benta koe hia hitu lite eta beo Ranggu, manga perlu laku," jaong de ata tua ende ho'. Lut lata hot tegi sampe de empo. Ngo ata hot perlu ise empo so'. Sa wa, tua ata tua ende agu ata tua ema. Tombo ise. "Ole ende - ole eme, so'p tara kaeng no' dite, mai ga ngo eta mbaru, eta beo Ranggu. "Anak, kong sumang no' kaut dite. Ai ami ga kaeng one wae, te lawi wae ho'. Eme ngoeng teing hang (sepe) - sepa mame ko sepa ta' - kamping ami meu, bai kaut ruha agu manuk - wada le meu poli hitu ga boet one wae," ne nggitu jaong de empo so'. Ngo eta ise. Ba ruha lise, wada agu manuk , mbele manuk poli hitu boet one wae. Ruha agu manuk hitu te hang de ende agu ema (empo) ata lame wae. Hitu te pu'ng so tara pande takung one wae de ata Manggarai, te hiang empo ata lami wae.
(One Golo Ronggot - Datak? - manga istana Ular) - Golo Ronggot - Lale.
(VMG - Minggu, 13 April 2014 - Sumber Ende Regina Jenaut, Wela - Yustina Jelita - Golo Karot - Lembor).
NB: Versi lain nunduk Golo Ronggot damang rai Kraneg Kons sale mai Lale - Welak, Manggarai Barat.
Sale Lale, Wela Manggarai Barat, manga Istana Ular. One Istana Ular hitu, do keta ular. Ata nganceng benta ular situ wae de empo........., ai ise situ wae / terunan de empo situ. Empo dise situ ne mai Ular / Nepa.
36. EMPO......
Wa Terang, Boleng, Komodo, Manggarai Barat manga Haji Dola. Empo lise agu waja wangka pu'ng sa', one mai manusia. Manusia kaeng one tana masa. waja kaeng one wae / tasik. Wa Terang manga piara Mbe (Bembe) de Dima situ. Dekit mora Mbe. Wa hitu manga sengata Guru. ngasangn Guru....... Guru ho' manga mbeko te kunci mu' de waja wiga toe nganceng akit manusia / mbe. One sa leso manga mora mbe de ima so'. Ita lise hang le empo / waja. Tegi sampe one guru ho ise. Le guru ho', areng le nakeng/ nuru mbe lise.Mai emp so'. Hang lise nuru mbe ho'. Du hitu, haeng lise Emp (waja) ho'. Mbele lise (liha) guru ho'. Pisa leso wa ga, mai kawe le ase kaen. Ngee' sala manga ata deko ase kae dise. Guru ho' losi ngger lau Bima. Rantang rabo empo so' , hambor ise. Ise mbele mbe te takung rantang rabo empo so'. Biasa' empo so't rani empo mai peang mai uku. Eme ata sa dara (uku) biasan kaeng meler, toem hang / mbele sama tau. (Tombo diha Hila Gudin, Wisma 25, Hari Raya Paskah, 20 April 2014).
37. RANI TAU KABA SODO AGU KABA ANAK:
NUNDUK UKU MINANGKABAU ONE MANGGARAI (perlu terjemahkan ke dlm bah. Manggarai)
This is
the end busway. I stop at Harmony. Wow…. my money less, while no public car to Cempaka Putih /
Percetakan Negara. I decide to go to
Sarina shelter. I looking for BCA
ATM. I exit from busway. I ask at Gedung Jaya – Menara Thambrin. “Please
go the Menara Thambrin bulding. There 24 hour available ATM. I entrance.
“This place I often entrance when join on Prudential training.
I take money there. Than I looking for food for supper. I eat fried food with cost Rp 10.000. For
first I eat on margin road of Jl. Thambrin, near BPPT building. Than I I cross shelter busway. I looking for taxy. I use EXPRESS taxy.
In taxy we by the way. We
introduce one to the others.
“I from
Padang. I’m Jomy.” He say. “I’m Frans, from
Manggrai Flores. In story from ancient,
our ancient from Pagarujung,
Minangkabau, Padang, West Sumatra. There is
story about fight of buffalo,” I
say.
BATTLE MAJAPAHIT VERSUS PARARUJUNG _ MINANGKABAU _ PADANG
“Oh yes, there was war between Pagarujung vs Majapahit. If war
of army, Majapahit is big kingdom, have
strong army than Pagarujung.
Pagarujung think how win war without
army war. Please battle of animal,
especially buffalo. This is
alternative war. They suggest it to Majapahit kingdom. Majapahit accept it. The
……(utusan) of Pagarujung …..(mengintai) buffalo that Majapahit use when
battle of buffalo. “Oh…they use the….(betina) buffalo that have
big body, long ……(tanduk) , have ……..(susu yang panjang)” the ….(utusan) say.
“Please prepare the small buffalo that still suck (?) …. (menyusui). We put
and…….(ikat) knife on …..(tanduk) . They
separate the child
buffalo with mother buffalo, so the
child buffalo hungry and thirsty. The deal time for
battle come. The big buffalo
(from majapahit) and small buffalo (from
Pagarujung) battle. The child .
small buffalo think the Majapahit buffalo is his mother. So, it come and
run to …..(suck) …(menyusui). The big buffalo can not …..(seruduk) and lose
the little buffalo. The small
buffalo suck while make ……(luka) the body of
big buffalo. The big buffalo ….(luka) and death. So the little buffalo
win. Finally Pagarujung win. “ he say. “Wow… this story same with story that I
hear in Manggarai that I know from Mr. Bone Kaso when we are still childhood. ‘
I say. I thank you to Mr. Jomy because from his history I clear the story that still
…..(kabur) to me. We by pass Menteng –
Jl Imam Bonjol – Jl Diponegoro - Jl.
Kramat Raya – Jl. Pemuda – Rawasari – Percetakan Negara - . I pay
Rp 30.000. I arrive on 01.00 am, wow…. go back from Office on middle night. I’m so
slow. Please repair myself.
....................(Please translate).
38. UKU WALI SALI LASANG ---- so tara wali kaut para mbaru. Hitu tara ngasang Wali.
Manga ata mensia mose lupi wai' Poco Kuwus, Kolang, Manggarai - Barat. Manga 2 ata rona, ase agu kae. Ase ho' neho nakal. Hia dekit katut weta. Rabo kae ho'. Wur ase ho hia. Lako ase ho. Du lako hitu hia, gawek iwon Poco Kuwus. Hia asi one pisa tempat:
1. Wae Wali - Lasang .
Nggo rei one kaen: "Ndo aku kae ko..." " rei diha. "Toe...lau-lau koe....." wale de kaen. Du teti pinda tempat..... manga temek / wae nitu. Hitu Wae Wali. Lako kole hia. Sai one sa tempat. Tempat te suan:
2. Berang Nangis (Pong Lasang ?):
Rei kole liha one kaen:: "Ndo aku kae ko..." " rei diha. "Toe...lau-lau koe....." wale de kaen. Du teti pinda tempat..... manga temek / wae nitu. Hitu Wae / Pong Berang Nangis. . Lako kole hia. Sai one sa tempat. Tempat te telun:
3. Pong Poru - Ranggu (?) Rei kole liha one kaen:: "Ndo aku kae ko..." " rei diha. "Toe...lau-lau koe....." wale de kaen. Du teti pinda tempat..... manga temek / wae nitu. Hitu Wae / Pong Poru. . Lako kole hia. Sai one sa tempat. Tempat te pat:
4. Bea Kalo - (Pong Bea Kalo) -
Rei kole liha one kaen:: "Ndo aku kae ko..." " rei diha. "Toe...lau-lau koe....." wale de kaen. Du teti pinda tempat..... manga temek / wae nitu. Hitu Wae / Pong Bea Kalo. . Lako kole hia. Sai one sa tempat. Tempat te liman:
5. Bea Kojong (Pong Bea Kajong) :
Rei kole liha one kaen:: "Ndo aku kae ko..." " rei diha. "Toe...lau-lau koe....." wale de kaen. Du teti pinda tempat..... manga temek / wae nitu. Hitu Wae / Pong Bea Kojong. Lako kole hia. Sai one sa tempat. Tempat te enem:
6. Watu Umpu (lau mai beo Labe / Semang)
Rei kole liha one kaen:: "Ndo aku kae ko..." " rei diha. Toe manga walen le kae, Poco Kuwus ho'. "Tantu, eng liha kae te kaeng no' aku. Temapat ho' sendo liha te kaeng daku. One bea watu Umpu hitu reme te' woja data Labe / Semang. Tiba - tiba teti ngger eta taung woja te' situ. Nitu jiri golo. Hitu Golo Umpu.
Ata Wali, eme ngo ngger lau watu Umpu te poro / soso haju, neka nggo jaong: Ami ata Wali, rantang poe le empo Umpu ai anggap ase kae. Eme jaong le mai Wali / Lasang, pole le empo Umpu. Ngong se betuan? Mata. Maka eme ngoe te mose, paka wale: ami le mai Kolang. Neka ami ata Wali / Lasang.
Ngobrol rei one hia Ende Gina one telepon : VMG 25 Desember 2014. Pkl 20:30 pm
Refleksi: Watu Umpu - Poco Kuwus. Ise ase kae. Mensia. Manga hubungan golo - beo - wae / temek - watu.
So' tara perlu riang golo / poco? Golo / poco tempat kaeng de empo / leluhur
So tara perlu riang temek /po'ng ? Po'ng hitu wae / )(keturunan / anak ) de empo. Pong ase kae de mensia.
So' tara perlu riang watu? - watu compang / boa ? Ai watu hitu lamnamh empo. Nitu kaeng de empo.
JPS, Minggu, 28 Des. 2014
Toe baen so musi olen, wali kaut para mbaru. Hitu tara ngasang ata Wali dise.......(damang rei hia Ende Gina ko Tua John sale Lasang. Denge sekoe one mai hia tua John. Lasang, 1 Juli 2014 - Disalin di JPS 12 Juli 2014) .
Ngobrol rei one hia Ende Gina: 25 Desember 2014.
Sale Lasang, manga pisa Uku: Wali - Paka - Ker
Ndewur welu
39. COMPANG TODO (Silahkan terjemahkan ke dalam bahasa Manggarai)
Kisah Compang Todo: mendo agu
heal
Dunia manusia dengan dunia peri (dewa-dewi) tampaknya berlawanan (oposisi). Apa yang
berat bagi manusia tampak ringan bagi peri (dewa-dewi). Demikian sebaliknya.
Konon, ada orang yang
membuat balok kayu. Saat dia sedang membelah dan merapihkan balok, terdengar
bunyi gonggongan anjing (asu nggowe)
yang mengejar sesuatu. Ternyata yang
dikejar adalah tikus mulut runcing (lawo
munggis). Lawo munggis bagi peri ibarat
babi hutan. Lawo Munggis ini berhasil
ditangkap manusia pembuat balok .
Peri terus mencarinya di sekitar daerah kerjaan manusia. Peri menanyakan tikus mulut runcing ini kepada manusia.
Binatang ini sangat penting bagi peri. “Apakah binatang ini yang kamu cari?” Tanya
manusia kepada peri. “wahai manusia, kamu begitu baik mendapatkan binatang yang
saya butuhkan. Saya mengalami kesulitan bagaimana membawa dan mengantar
binatang ini. Apakah kamu bisa menolong?” Tanya peri. “Okay, saya bisa
membantu. Saya langsung mengantarkannya ke tempat yang kamu mau. Bolehkah juga
kamu membantuku juga?” Tanya manusia. “Apa kebutuhanmu?” Tanya peri . Saya dan warga kampung saya membutuhkan
mesbah (compang). Bolehkan kamu membantu membuatkannya dalam semalam?’ Tanya
manusia. Tentu boleh. Peri memerintahkan
pasukannya untuk membuat mesbah
(compang) dalam semalam. Manusia
mendengar mereka sibuk mengerjakannya tapi mereka tak melihat seorangpun. Keesokan paginya mereka melihat bahwa mesbah
batu (compang) sudah dibangun, Itulah compang Todo.
(Sumber: Stefanus Husen, 60 – an
tahun, Rumah Gendang Wela, 27 Juni
2014).
40. MELOMBONG
Melombong: kisah dari
Pacar – Manggarai
Melombong seorang pemburu hebat. Dia menuju Terang untuk
berburu. Dia mendapat banyak hewan buruan. Dia
membawa banyak daging buruan. Dia membawanya menggunakan kuda. Setiba di
kampung Raut, dia sangat haus. Dia telah mengkonsumsi daging dengan sangat
banyak. Tumpukan daging yang dia bawa tampak seperti bantal. Sebagai
kenangannya sekarang di dekat raut
ada batu yang tampak seperti bantal
(watu tange). Mblombong lelah dan haus.
Di depan tumpukan daging berbentuk bantal itu dia mengeluh :”oh…. Seandainya
ada air tentu puas dan puaslah hatiku dan hilang haus dahagaku,” katanta. Tiba-tiba dia mendapat ide seolah-olah ada perintah: “Ambillah
parangmu dan belahlah pada batu di depanmu.” Demikian bunyi perintah inspirasi
itu. Diapun melakukukannya. Dia . Dia mengayunkan parang membacok batu. Parang menembusi batu lalu seketika menyembul air . Melombong
girang bukan kepalang. Dia meminum sampai puas.
Hingga kini di Raut ada mata air dengan batu bekas tancapan parang.
Lo’eng de
nggowe - dengang de ……
Loeng koen……dengang de……
“Aku – mensia – pola motang, hau
pola compang – “
(Sumber: Stefanus Husen, 60 – an
tahun, Rumah Gendang Wela, 27 Juni
2014).
41.NUNDUK TENO
41.NUNDUK TENO
Mede,
one Manggarai, manga manga sua tau mensia, wina rona ata kaeng
one mbaru niang (gendang/tembong). Ise manga 13 anak. 6 inewai, 6 ata
rona, sengata ata banci. Darus eros ise. Geong hang. One sa wie
toko ise. Manga ita one nipi. Eme kudut manga do hang meu paka
mbelek le meu anak hiot banci, daran ga worang ngger wa tana. " ne
nggitu susung de empo one nipi. Pande de emad de anak koe so'.
Mbele jojeng anak koe hot banci. Mata. Rapak pisa leso wa, manga do
todo woja, latung, ndesi, timung agu haju teno one uma hitu.
Senang nai dise ai logur woja, latung, ndesi, timung.Ite pati tana
hitu. Haju teno hitu te jiri lodok lain dise. Sangged iset 12 dapat
tana loodok hitu. Pati gisi arit lise, singke gisi iret. Po'ng
hitu ase kae de mensia
http://www.sunspiritindonesia.com/2014/07/12/muasal-pangan-legenda-dari-manggarai.php
JPS, 15 Oktober 2014
42. RUTUNG AGU HIA TIMUNG TE'.
Wangka pu'ng seki Rutung
Danong, one tana Manggarai manga usa tau ine wai molas, hia Timung Te' agu asen. Timung Te' ho wai wiga na' kilo. Kawing ise. Timung Te' dapat rona ata maeng eros. Sangged paeng (kaba, jarang, mbe, ela, japi) agu tana pika taung. Poli taung gade paeng. Gade apa kole poli hitu? Gade winan, hia Timung Te'. Ogo hia Timung Te' ho landing paksa kin liha. Ongga hia Timung Te' wiga mata. Denge de ase diha Timung Te tombo susa ho. Ngo kudut la't / kais liha. Landing...du sai one beo hitu, kilo diha Timung Te' agu hae reban deko ase diha Timung Te' ho agu pongo one siri bongkok one ngaung mbaru. Siek ase diha Timung Te'. Siek tombo agu wewa gauk de kilo diha Timung Te' ho. Du siek hia.... tiba-tiba mora poti hot reme loling agu bete wase ata pungkut hia one siri bongkok hitu. Manga mai do runtung. Rutung situ karong salang te latang te hia te kole ngger one beon. Sake salang wa tana Rutung situ. Selamat ine wai ho' sai one beon. Latang wali dia' kamping Rutung so', wae de inewai ho' agu kilon toe hang Rutung. (One Manggarai, uku ata seki Rutung, manga uku.....le Rai, sili Todo (/) Satarmese.
JPS, 21 Maret 2015
43. EMPO TUKE (EMPO DE UKU LENTANG / LENTENG)
One tana Manggarai (Nusa Lale), one beo Lentang (Lenteng ?) manga nunduk. Manga sa kilo, wina agu rona. Nemba eros sai nitu. Do mata. One beo bana kole nemba. One beo hitu, retang sengata inewai ata reme weki mendon. Sedi nain ai mata / rowa sanggen hae beo / waun'. Retang hanang koen hia. Weong nain wajol mose hanang koen. Hia bola (nasar - bah. Indonesia) / tilir kamping wura, tombo kamping wowo, najar kamping Ngaran. Emi manuk lalong bakok liha poli hitu torok kamping wowo. Ne nggo tilir diha one ngajin hitu: " Mori, nemba one lino ho'. Sanggen ata rowa taung. Reteng aku kanang. Weong nai daku kaeng hanang koe. So' te jiri hae wau agu latang beka ngger olon wae daku? Ho' manuk lalong bakok te baro agu tegi kamping ite. Gesar agu tilir daku: "Ai reme weki mendog aku. Eme eng lite, eme anak one tuka daku ho' ata rona, eme tua'y se pisa, jiri rona laong laku, kudut beka agu buar wae daku. Ho' manuk lalong bakok te baro. Denge lote le, pinga lite sina". Mbele liha manuk ho'. Poli hitu teing helang kamping Mori agu Ngaran. Apa beruan poli hitu? Pisa wulag wa ga, loas hia. Apa apa anak'n? Ata rona, sama tegi diha one gesar agu tilir. Tinu liha anak koe hitu. Ngasangn hia Tuke. Woko tua' anak koe hitu jiri rona laing liha. Beka agu buar's ise. Lanar anak diha Tuke.Hitu nunduk uku Lenteng / Lentang, termasuk wau' dise Romo Max Nambur,Pr. agu wetan.
(Perlu rai kole agu iset Lenteng / agu Lentang) -
Tombo ho'lut tombo de Kraeng Paulus Jalu, 60 thn, ata ikut Misa syukur diset Leteng / Lentang ntaung 1980- an. Di hitu Rm Max Nambur Pr, tombo Nunduk ho' one misa. Kraeng Polus ikut misa ai luk lawa caci. Meka landang du hitu, iset Goloworok. Kraeng Polus lut ise Goloworok.).
Tombo one Mbaru Gendang Wela ntaung 1980 -an, Tombo kole sale / lau Bintaro, Tangerang, Banten , Minggu, 29 Maret 2015, pkl 14:00. JPS, 31 Maret 2015.
44. “ATA DO – ATA DO!”
“ATA DO – ATA DO!” (sumber: https://yorisdampuk93.wordpress.com/majalah-musafir-2014/nunduk/)
Oleh: Fr. Toni Mbukut
(TOR)
Danong Rangang agu Lali jadi mendi te jera de Mori Kraeng. Eme manga perlu ca ko can Mori Kraeng pasti jera kat ise.
Ca leso Mori manga get te bae kreba de manusia one tana lino. Leso hitu nuk tu’ung keta liha manusia sot dedek Liha one mai tana.
Rapak de ge ite, benta le Mori hi Rangang. “ Rangang” tae de Mori. “ io Mori” wale di Rangang. “ Leso ho’o hau ngo wa tana lino, lelo lehau wa itu cala mangan kin manusia ata kaengn ne!”, jera de Mori te hi Rangang. “ io Mori nia kat tae Dite , hitu ata pande daku mendim”, wale di Rangang pio-pio.
Toe kat rempe-rempe di Rangang e ite lampuk lelap ngger wa tana lino. Cai wa hia pas keta tua musi mai mbaru data. Mbaru data ho’o toe di manga kakus. Toe kat di cai wa tana hi Rangang, denge liha lawer ceba deu data mbaru hitu ga. Sehingga du cai wa tanan hia, lampuk kaeng beta mai ta’i. Bo lelo-lelo liha cala manga atan ruis hitu, landing toe ma can ata delek ne. Cait ta’i wa mai pu’u kopi sembong keta hot kaeng diha bo. Co kong ita de liha ata.
Toe nais ne wa, kole de hi rangang ngger eta surga. Lampuk keta ngo cumang Mori Kraeng ne. “ Rangang co kreba ata ba dehau?”, rei de Mori Kraeng.
“ o Mori, bo du ngo daku wan, lik keta one tana lino. Toe manga can laku ita manusia”, wale di Rangang. “ Ole asa keta kreba dehau ho ta?”, tae de Mori Kraeng demeng jer pucun. “ eme nggitu ge damang di ngo hi Lali ngger wa itu, cala dion ke tong kreba diha”, tae de Mori Kraeng.
“Lali damang de hau ngo ngger wa tana lino, lelo cala manga kin manusia wa itu!”, jera de Mori. “ io Mori”, wale di lali.
Lelap de hi lali ngger wa tana lino. Cai wa hia pas keta wa’u one mbaru data laring pesta. Nisang keta nain ita hang do one pesta hitu. Lelo kole liha penong manusia nitu. Reges lima leke, tawa lima gantang hi Lali.
Woko poli becur tukan hi lali ho’o, lampuk lelap kole ngger eta surga. Du cai eta hia, mai rei de Mori, “ Lali co kreba ata ba dehau?”. “ BO du ngo daku Mori, penong keta ata wa tana lino, werawaes kid hang de, am lari manga pesta”, wale di Lali.
“Ole nia de ata tu’ung kreba de mau ta, pande keta jeleb sa’i Daku”, tae de Mori.
Rapak du turung cemoln ge ite, mai Mori emi tana lino. Mai Hia pande kengkung cekoen. Ciek de manusia ga “ ata do yo Mori, ata do!”. Denge ciek hitu Mori Kraeng mai taen “ ole kalit ata do kin manusia wa tino lino”. Pu’ung du hitu, eme manga gego tan lino, “ ata do – ata do”, ciek de manusia kut denge le Morin.
45. NDERU BULAN (?)
One sa beo manga sengata Raja.
Hia sio one lewo. Wa ngaung manga lawo. Lawo hitu inung sio de raja. Dekit sion raja, dekit kolen inung sion lawo hoo'. Lawo hoo jirin ga weki mendo, wiga loas. Kali anak inewai mantarn lawo hoo. Molas de anak koe hoo. Wuk lembis. Ngasan anak koe ho' hi NDERU BULAN.
Terjemahan dari tuturan Bahasa Indonesia: Yosef Kopertino Arman
NB: NDERU BULAN? Atau Nderu Wulang ? Menurut saya Nderu Wulang.
Sumber: https://www.youtube.com/watch?v=5s4pFv_olIA
JPS, 19 Januari 2019
56. WEKU WUA AGU LALO KOE
Danong manga ase kae sili Todo, Satamese. Ngasan dise Wengke Wua agu Lalo Koe. Hia Wengke Wua kae, hia Lalo Koe ase. Ise soo reme mongkald. Sili Todo Pu' mannga sa pu' Nderu. Nderu ho' manga suad ke wuan, sa ata te', sa ata ta'an. Wengke Wua agu Lalo Koe ngo one Pu' Nderu hitu. Seang nai dise ai ia wua nderu soo. Pua lise Nderu soo. Hia Wengke Wua pua ata Teen, hia Lalo Koe pua ata ta'n. Nderu so' berubah tarad jiri mensia, ine wai. Nderu Tee jiri ine wai tua', Nderu taa jiri ine wai molas hiot reme uwan. Senang nai diha Lalo Koe ai data inewai uwa agu molas taran. Milong ranga diha Wengke Wua ai dapat ine wai tua. Hia mas nai latang hia Lalo Koe. Manga bet nain hia latang wina diha Lalo Koe. Hia pikir rencana co' kudut ngance agu hian wina di Lalo Koe. "aeh pande mata kaut hia Kala Koe hoo". pikir diha Wengke Wua. So caran?
Ne ngoo caran. Reje ngo bang motang liha iha Lalo Koe. Eng liha Lalo Koe. Lakod ngo bang ise, ba agu asu. Ita sa nua ata hle ketay. "Lalo Koe ngo one nua ho' dite, tantu manga do motang one nua hoo," jaoong diha Lalo Koe. Lorong liha Lalo Koe. Ngo one Nua ho. hi Webgke Wua agu asun. Du one nua hia Lalo Koe, tadu le watu mese agu le tana nua hitu wiga toe ngance kole pe'ang. Daet one Nua hia Lalo Koe.
Hia Wengke Wua hoo kole ngger one Mbaru. Hia tompo kamping one wina diha Lalo koe bahwa Lalo Koe mora one puar du bang motang. Landing toem imbin de wina diha Lalo Koe. Bengkes kin liha bahwa mannga sekeng sepisa hae kilon kole wiga ise mose sama one kilod. Hia Wenke Wua manga belut nain latang wina diha Lalo Koe. Landing ogo wina diha Lalo Koe. Pikir diha, mose kin hia Lalo Koe. Hia Wengke Wua, paksa wina d Lalo Koe, kudut kawing agu hia, landing ogo terus wina diha Lalo Koe. Du kudut ngo tokon liha wina diha Lalo koe, toto le wina diha lelo koe ho' dara one limen. "Lelo le hau kae ga, ite toe ngance sumang tau, air reme sai wulangd aku," jaong we wina diha Lalo Koe. Ng nggitu terus pannde agu wale de wina diha Lalo Koe. Kali Wina diha Lalo koe hoo pake loke uwu te pande ndereng limen agu towen wiga lelo neho dara liha. Ise toe ngance toko sama.
One Nua, hia Lalo Koe ita do Rutung. Ramen kole mose wa mai tana hoo. Du hitu hia Lalo Koe agu Rutung reje. Hia Lalo Koe tegi kamping Rutung te sake salang kudut ngannce ngo be eta mai tana. "Ngannce lami pande. Landing tegi dami, pu'ng one mai ite wiga sangged dara dite, neka keta manga hang ami agu wae dami," jaong de Rutung. "Mau Mori, hitu tombo hitu. Aku sau tombo ho'. Ite ming seki daku agu sangged wae daku ngger wan," wale diha Lalo Koe. Sake salang le Rutung. Hia tua be eta mai tana. Nisang nain.
Du hitu mangan sasi (caci) sili Todo. One Caci hia Lalo Koe agu Wengke Wua. Ise par sama taud. Ta;ng hia Lalo Koe. Pak,i liha Wengke Wua. Toem henan. Hia Lalo Koe kelong agu deren. Denge le winan reweng hitu. Hia wau one mai mbaru ngo poorong sasi (caci) hitu. "Ho' rona daku,: jaongn, diha one nain. Hia Wengke Wua agu Lalo Koe ruda labar sasi (caci). Hia Lalo Koe paki, hia Wengke Wua ta'ng. "Ho keta haenngm hau ata pannde mata aku danong. Som pande matah du sasi ho'h laku," jaong diha Lalo Koe one nain. Paki hia Wengke Wua liha Lalo Hoe du (caci) hitu. Tiirik keta one gontung liha, wiga jejit boat wiga rowan hia Wengke Wua. Rowa hia Wengke Wua. Emong muing sasi (caci) du hitu. Du poli sasi (caci) sumang taud hia Lalo Koe agu winan. Ise kaeng sama oned kilod.
JPS 8 - 9 Februari 2019.
Sumber:http://www.komodolinenews.com/Tipu-Daya-Isteri-Lalo-Koe-Menyelamatkan-Keperempuanannya
_________________________________________
57. NUNNUK WANGKA PUUNG MENSIA MANGGARAI
Wangka pung ensia Manggarai dedek one mai mberit mata leso hiot heno one betong. Mai nitu main bengkar su tau manusia, ine wai agu ata rona. Ise kaeng neki agu kawing wiga manga anak ata rona. Ise wengko saung haju lale te tadu wekid one mai ses buru ko usang.
Ise mang anakd ata rona. Ise toe manga hang. Kraeng Ema manga nipi. One nipi hitu, hia susung le Mori Kraeng te mbele anak lesan one compang umad.
Neho diang, pande liha apa ata ita one nipin. Hia reje anakn ngo one uma. Hia siap agu kopen. Sai one uma, mbele liha anak koe hitu. Daran liha worang ngger wa tana, nuru agu tokon wesak one uma ata poli duat liha. Poli hitu kole ngger one mbarun hia.
Du sai one mbaru hae kilon rei hia: "Nia hi nana?". "Ai toe di sai see? Pado hia bao," walen. "Toe dim tuan," walw de hae kilon.
Ise sedi naid ai toe ite anak lesad. "O...eme toe tua see mbaruy, mora mbitu hia nana," walw de ronan. Weong nai dise sua.
Pisa leso wa ga, winan hoo ngo one uma. Sai one uma, do ita po'ng liha. Tiba-tiba denge reweng liha:"Ende neka see bail, aku hoo see" reweng ata denge liha. Gega hia. Kawe kawe ata nitu liha anding toe manga. Rapakn wa ga, hia ide, anak dise jiri po'ng, neho woja,latung, sela, mesak, ndesi, timung, tago (lole), muku, merkedila, markis, jembu, nangka, rambutan, jembu mente, agu sangged menan.
Poli hiru hia kole ngger one mbarun. Tombo one hae kilon hia. "Aku denge reweng diha nana wa uma," Oh...hai nana jiri po'ng lain te jiri mose dite.
Ise aki / pua po'ng situ t mose leso-lesod.
JPS, 8 Mei 2020
_________________________________________
58. WANGKA PUUNG ULAR SALE ISTANA ULAR WETA, DESA GALANG, KEC. WELAK
Mene manga sengata ata rona, ngasangn hi Latim one mai uku Liti. Hi Latim hoo lengge lences. wajol lalo ledong le rowas ata tuan. Sangged waun toem ngance samp hia te kawin agu sama mensia, ine wai molas. Leng lengge diha hoo. Hia hoo lako ngger one liang. Nitu hia kawing agu darat. Molas de darat hoo. Kawing ise. Ngasang de darat hoo hi Ndasam. Ndasam hoo darat. Hi Ndasam hoo ngance jiri ular. Hi Latim agu Ndasam hoo kaeng one liang.. One mai kawing dise sua soo, loas hia Abet hot kawing agu nia Nodia. Hia Latim lelo liha liang hoo neho istana. Hitu wangka puung nunduk Istna Ullar sale Weto, desa Galang, Kecamatan Welak, Manggarai Barat. Fores, NTT.
Ullar-ular one Istana hoo manga warna agu ngasangn.
Manga ular warna Ndereng, ngasann hi Sota. Soata kepala ular
Manga ular warna ................(cokllat) ngasangn Siti.
Nabgan Ular warna bakok ngasannya Jek, Jek hoo darat ine wai
Iset one Weto, Desa Galang hoo, ise ata uku Ronggot / Liti, hiot empo dise mensia agu darat hiot ngance jiri ular . Ular soo kakeng on liang hoo hoo nga jiri Istana Ular. Mese agu nggenggan n liang hoo sekitar 5- 7 km. Puung one mai Weto wiga wae Renu.
Tombo de ata pintar ata lami liang " Istana Ular:
Kio, kio........ami kio, ....ami (abi) Kio .....
Ata ireng laing eme laat ko ngo lelo Istana Ular" :
- Neka mbele /pande manuk. ai manuk ase kae de mensia / darat. Paka ba ruha manuk kampong te tuak emo kudut lelo liang Istana Ular.
- Jubur / tukang tombo ata ngara tana ata manga hubungan agu uku Liti / Ronggot
- . Ngalis nai, neka nendep nai.
JPS, 3 Agustus 2020.
59. GOLO CUCU
NUNDUK GOLO CUCU SALE KEMPO
Danong manga suad golo. Golo Kempo agu Golo Tantong (?) Sama langkasd. Ise imer taud. Wajol imer taud mai Golo Kempo tadok Golo Tantong peke nge one lupi Golo Gempo. Sua golo soo hese lupi/ simping taud, wiga lelod neho bentuk susu manusia. Manga pisad Golo lupi Golo Cucu. Hoos golo-golo situ: Golo Kempo, Golo Kelis, Golo Tantong.
Sumber
- Video di WA
- https://www.facebook.com/352726388706869/videos/295225605103377
JPS, 11 Maret 2021.
60. REWUNG BAKOK AGU KEMBANG EMAS
https://www.youtube.com/watch?v=19aZiUKac20
(Ada di tengah link).
SENDRATARI : Oleh Sanggar Luju Nai, Paroki St. Gregorius Borong, MATIM
Manga sa kilo. Hia Lanur rona, hia Timung Tee wina. Ise manga alo (8) anak. Ngasang anak te alon hia Rewung Bakok. Rewong Bakok ata ine wai. Manga sengata ata rona one mai uku bana, Uku Minangkabau , ngasangn hi Kembang Emas.
Ata lawa one Nusa (Nuca) Lale mose raes.
One sa beo, manga sa kolo, ronan, ngasangn hia Lanur, winan ngasangn hia Timung Tee. Ise soo manga alod (8) anak ine wai. Sengata ngasangn hia Rewung Bakok.
Manga sengata ata reba, wae data Minang (Menangkabau). Hia belut nain kamping hia Rewung Bakok. Kembang Enas hoo reba agu dia' nain. Landing ne ga, dia manga ngoeng (hobi) ngo wonok agu poka haju.
Gauk diha hoo toe ketam hena one nai diha Rebung Bakok.
Dia Rewung Bakok agu Kembang Emas sumang tau. Ise belud naid sama taud.
One sa leso hia Kembang emas Kudut ngo taeng (Tuka Mbaru) hia Rewung Bakok. Landing taeng hitu toe tiba le ata tua' diha Rewung Bakok. Hia Kembang Emas pikir co cara kudut nagceng emi nai diha Rewung Bakok. Dumuk sain peti. Mai taen, " aku ngaceng sampe hau te haeng hia Rewung Bakok, landing hau paka emo pande mata kaka agu poka puar," jaok de peti hoo. Ise jangka soo caran kudut ngance haeng hia Rewung Bakok.
Sa leso, Rewung Bakok agu kae-kaen ngo one ngalor wae te sebong. Hia Kembang Emas mai lupi nitu. Du poli sebong, ise kole ngger . one mbarud. Hia Rewung Bakok doing toe dia' wekin, beti. Hia rasa kolang, neho muntung le utung api. Hi Lanus, ema dise, weleng sai'n wajon beti di Rewung Bakok hoo. So caran kudut pande ina beti diha Rewung Bakok? Hi Lanur wewa te lawa neteng bendar, " Oe lawa, sei ata nganceng rewos beti de anak daku, hia Lewung Bakok, hia agu anak daku, hi Rewung Bakok," wewa diha Lanur latang lawa neteng tana one Nuca Lale.
Do ata mai te damang kudut rewos hia Rewung Bakok, puung one mai ata rangan dia wiga ata ranga daat. Hia Rewung Bakok rasa kolang keta wekin, hia tegi wae te sebong neho one deren: "Tekug aku wae ca ya ...., tegug aku wa tau cebong" . Ata rona te sam damang te pande ina hia rewung Bakok. "Oe lawa aku kali ata ngace rewos hia Rewung Bakok e," jaongn. Hia gojing hia Rewung bakok landing ne ga toem tara inan hia Rewung Bakok. Hia Rewung Bakok pasar agu terus deren: "Tekug aku wae suan na ...., tegug aku wa tau cebong" Sai ata reba te suan : "Oe lawa aku ata ngace rewos hia Rewung Bakok" , taen. Gojing liha, landing toe tara inan hia Rewung Bakok hoo. Manga ata ranga daat, hi Ndibol ngasangn. Hia kole te damang te rewos hia Rewung Bakok. Gojing liha landing toe ngance inan hia Rewung Bakok hoo. Hia Rewung Bakok pasar kin, ne nggo deren koen: "Tekug aku wae te telun na ...., tegug aku wa tau cebong". Mai sengata ata reba te damang te rewos hia Rewung Bakok. " Oe lawa, aku ngaceng rewos hia Rewung Bakok. Hia ba tawu (robo) Wae . Hia teing one Ema diha Rewung Bakok robo hitu. Poli hitu hia, pake tawu (robo) hitu te going hia Rewung Bakok. Kembang ems wesar wae agu teing wae te inung diha Rewung Bakok. Sergagat toon hia Rewunbg Bakok. Hia sergagat toon, heal mosen, sehat. Senang keta nain hia Kembang Emas ai ngace pande sehat dia Rewung Bakok. Ne nggitu kole hia Lanur agu Timung Tee agu kae-kae diha Rewung Bakok. Semollnya kawing hia Rewung bakok agu Kembang Emas." Manga toing diha Lanur latang hia Kembang Emas; " Senget hau Kembang Emas, hau nganceng kawing agu hia Rewung Bakk landing hau neka keta wonok kole kaka agu neka poka haju / neka luca puar," jaong diha Lanur. " Sangged jaong agu toing dite aku naa one nawa, kukut / dukut one pusu," wale diha Kembang Emas.
Pede de Nunduk hoo: Ite paka riang Lino, neka poka puar, neka ropo golo, neka luca puar.
JPS, 18 Agustus 2022.
Tidak ada komentar:
Posting Komentar