Gerep ruha hitu adak Manggarai te masuk one adak Manggarai. One adak tana Manggarai hanang ata rona ata tiba mbate dise ame, serong dise empo. Mbate situ neho rapang: tana, mbaru, paeng. Inewai toe manga tibad ai ata peang. Seing ko seing kaut ata kawing, eme masuk one beo (kilo) data rona paka gerep ruha te tanda hia masuk one adak de hae kilon (ronan). Ata ine wai hitu lego seki de run, tiba seki de ronan. One adak gerep ruha ho', ata inewai hitu loas weru (loas kole). Huia oke seki de run, ata ba one mai uku de eman, hia pake seki de ronan.
Du gerep ruha, perkakas ata perlu siapn: ruha agu saung mela (?). Adak gerep ruha pande one mbaru gendang (tembong). Wau' agu ase kae beo data rona merep weki, ongko te sama laing one adak gerep ruha ho. Ise dere. Biasan dere: Suru Nggee......; Ata iwon tebang gendang. Kedendit agu ndundu ndake. Eme sai one mbaru gendang, pengantin inewai wegi ruha le wain.Du wegi ruha, sendal agu sepatu lego di. Ruha ata pake laing du hitu paka ruha manuk kampong (toe ruha manuk ras). Poli hitu pengantin ata rona agu ine wai ngo one mbaru. Onto one lutur te ikut reweng se gewek de tua' adak. Biasan manga inung (tuak, kopi) agu hang (tete, daeng).
Gambar so wa, foto gerep ruha one Wela, Cancar - Ruteng, Manggarai, Flores de kraeng Robert Wardi (ata Wela) agu hae kilon, Netha Caroline (blasteran Rote / Sabu - Sunda / Jakarta).
Sumber gambar: https://www.facebook.com/robert.wardi?fref=ts
Gerep ruha sale beo Compang, Kempo, Manggarai Barat
3 atau 4 Agustus 2019, Pengantin Nelty Jivalny dan Itho Umar
Sumber: https://www.facebook.com/photo.php?fbid=1262231920605719&set=pcb.1262154840613427&type=3&theater
Tidak ada komentar:
Posting Komentar