natas mbate dise ame
ledong dise empo.
Robertus Pelita
Pater, Caka cama natas bate labar ai hitu natas mbate dise ame, ledong dise empo...
Robertus Pelita
https://www.facebook.com/photo.php?fbid=1511176165875818&set=a.1402443333415769.1073741826.100009503475910&type=3&theater
JPS 9 Januari 2016
Reca rangga, walik ntaung
Rm. Inosensius Sutam
Dalam hitungan jam kita akan beralih dari tahun 2015 ke tahun 2016. "Reca rangga dan walik ntaung," kata orang Manggarai.
Reca rangga oné lacang,
walik ntaung oné landuk,
Na’a ntaung manga ata gawasn,
werus ntaung weru ata nggelukn,
kapus ata naud oné ntaung ata laun,
pingas ata di’ad oné ntaung ata sinan
ambis ata jarid oné ntaung ata cai,
Noings sanggéd gori tela toni
Nuks sanggéd runcung dempul wuku
Haéngs sanggéd taé agu papé ata raésd
Néténg gula ngo duat,
Néténg mané manga pandé
Néténg wié manga cikéng
Néténg leso manga peno,
Néténg minggu manga nipu,
Néténg lu’ang manga duha
Néténg wulang manga uwa,
toé wulang cara ncuang
Ca ntaung ata laun manga kapu,
toé ntaung cala ma’u
Saka hiat Ngaran landing manga hang,
Lipur hiat Nipun landing manga inung
Rindang hiat Pingan landing manga ni’ang
Séndong hiat Émbongn landing manga wéngko
Roés hiat Bonén landing manga mosé
Ruteng, 31 Desember 2015
https://www.facebook.com/inosensius.sutam.9?pnref=lhc.friends
JPS, 9 Januari 2016
walik ntaung oné landuk,
Na’a ntaung manga ata gawasn,
werus ntaung weru ata nggelukn,
kapus ata naud oné ntaung ata laun,
pingas ata di’ad oné ntaung ata sinan
ambis ata jarid oné ntaung ata cai,
Noings sanggéd gori tela toni
Nuks sanggéd runcung dempul wuku
Haéngs sanggéd taé agu papé ata raésd
Néténg gula ngo duat,
Néténg mané manga pandé
Néténg wié manga cikéng
Néténg leso manga peno,
Néténg minggu manga nipu,
Néténg lu’ang manga duha
Néténg wulang manga uwa,
toé wulang cara ncuang
Ca ntaung ata laun manga kapu,
toé ntaung cala ma’u
Saka hiat Ngaran landing manga hang,
Lipur hiat Nipun landing manga inung
Rindang hiat Pingan landing manga ni’ang
Séndong hiat Émbongn landing manga wéngko
Roés hiat Bonén landing manga mosé
Ruteng, 31 Desember 2015
https://www.facebook.com/inosensius.sutam.9?pnref=lhc.friends
JPS, 9 Januari 2016
Ceka paka hena, tusuk paka burut
Oleh Rm. Inosensius Sutam
Ho’o leso remong, tantu ra’up,
cehéng reké, rapak tanggal
cumang wulang, cau ntaung
Pilkada, bantang cama ka’éng tana
Kudut pili ata rinding, lonto cimping
Kudut lir ata lilikn, lonto cicing
Kudut ninik siri, lonto siding
Kudut cicir ata jiri, lonto jingging
Kudut cumang ata uwa/wuan, lonto gula
Kudut petot ata petok/letok, lonto leso
Kudut kawé ata raés, lonto mané
Kudut pilé ata cikéng, lonto wié
Kudut porong ata molorn caca mbolot
Kudut werus ata nggelukn pandé becur
Kudut lélo ata nggélokn pandé rémbong
Kudut repet ata helek pandé cedek
Latang méu kraéng, ata wintuk kudut rangkangn pilkada:
Wéngké di’a té-pé-és (TPS) boto génggél oné wié mésé
Pedeng reweng ata poli lepet, boto manga ata ketekd
Néka wetoks ata poli petokd boto rehongs agu renos
Néka juts ata poli ujungn, boto muntungs ruku tu’ung
Néka pandé bukang surat undang pandé rudak
Néka ceka ceha, pandé wentang ata menang
Néka tiba séng boto péhéng, mosé toé léwé
Néka rantang pilkada, mai nakay cama-cama
Néka léwang bénta, néka wéléng té-pé-és (TPS)
Néka sala mata, néka cidé limé, néka rungkut nuk
Papang maki te can, pandé rangka lama
Ngguang nomor te suan, pandé uwa agu wua
Néka ceka landing jera diha amé jenang boto lengkar
Néka tusuk dudung-pur pandé rucuk toé dumpu
Ceka paka hena kudut manga letang pandé beka
Tusuk paka burut kudut manga mut pandé ludung
https://www.facebook.com/inosensius.sutam.9?fref=nf
diunduh pada 9 Desember 2015, pkl 13:40
Asé-ka'é.... Nomor 1 ko 2, anak dité taung, weki dité taung... Hambor ka'éng kampong, lémbor ka'éng béo... Pandé salang cama-cama kudut langkas nawa, néka pandé calang
Pilkada : pandé salang ko pandé calang ?
Oleh Rm. Inosensius Sutam
Pilkada pandé salang kudut langkas nawa, ko….pandé calang kudut mbasak nawa
Pilkada pandé salang kudut rangkang ka’éng tana, ko…. pandé calang kudut radak ka’éng tana
Pilkada pandé salang kudut wénggos ka’éng béo, ko…. pandé calang kudut mbékot ka’éng béo
Pilkada pandé salang kudut léros lonto léok, ko…. pandé calang kudut wéntong lonto léok
Pilkada pandé salang kudut ra’um ka’éng mbaru, ko…. pandé calang kudut rasung ka’éng mbaru
Pilkada pandé salang kudut riwok ka’éng kilo, ko…. pandé calang kudut timpok ka’éng kilo
Pilkada pandé salang kudut nggelis oné weki, ko…. pandé calang kudut pengki oné weki
Pilkada pandé salang kudut nggalas wakar, ko… pandé calang kudut da’at oné wakar
Pilkada pandé salang kudut ngalis nai, ko… pandé calang kudut rabi nai
Pilkada pandé salang, kudut nanang haé ata, ko… pandé calang, kudut rangkat haé ata
Pilkada pandé salang kudut kapu ha’é wa’u, raés asé-ka’é
ko…pandé calang kudut pampung haé wa’u, raék asé-ka’é
Pilkada pandé salang kudut indang anak-wina, momang ana krona
ko… pandé calang kudut cikat anak wina, poka ana krona
Pilkada pandé salang, kudut pandé mo’éng agu mosé ro’éng le roés agu loréng
ko... pandé calang, kudut pandé kosé agu copél ro’éng wajol lopét agu lowér
Pilkada pandé salang, kudut ola bora conda rowa disét boat agu mosé capur bokak
ko… pandé calang, kudut kolang bora pandé rowa isét boat agu mosé capur bokak
Pilkada pandé salang kudut rombéng mosé, ko pandé calang kudut longké mosé
Pilkada pandé salang, kudut pandé uwa haé mukang, mut ha’é lumpung
ko…. pandé calang, ai pandé munda haé mukang, rutu haé lumpung
Pilkada pandé salang, kudut kékép agu pélét ata méséd agu léwéd, ninik ata jiri agu cirid
ko… pandé calang, kudut kékép agu pélét séng pandé lénggé, ninik ringgi pandé ringing tis
Pilkada pandé salang, kudut loléngs ata moséd, tadang oné mai ata matad
ko… pandé calang, ai nanang ata matad, okés ata moséd (nanang jarang mata, oké jarang mosé)
Pilkada pandé salang, kudut sakas ata mangkang agu rapakd oné ka’éng cama,
ko… pandé calang, ai pampangs agu rampas ata mangkang agu rapakd, ka’éng cama
Pilkada pandé salang, kudut lumung luju mu’u te pu’ungn curup ata pukul sanggéd ruku
ko… pandé calang, kudut dundung agu curu cungkut sanggéd ruku, landing mu’u rukus
Mai ga ité…
Ngaji agu Jari, sawal agu Ngaran, kéng agu Dédék, tombo agu Wowo…
Pandé randang pili adak ka’éng tana, kudut manga salang pandé rangkang
Pandé raés pili amé, kudut ambé agu rambéng ka’éng tana Nuca Lalé
Pandé kais pili laki ko wai, kudut ambi, rani nai, main dani tana Manggarai
Kudut sembong tana serong disé empo, kudut lendarn tana letang disé ema,
Kudut lerén tana pedé disé endé, kudut mbaék tana mbaté disé amé
Kudut pili ata rinding, lonto cimping
Kudut lir ata lilikn, lonto cicing
Kudut ninik siri, lonto siding
Kudut cicir ata jiri, lonto jingging
Kudut cumang ata uwa/wuan, lonto gula
Kudut petot ata petok/letok, lonto leso
Kudut kawé ata raés, lonto mané
Kudut pilé ata cikéng, lonto wié
Kudut porong ata molorn caca mbolot
Kudut werus ata nggelukn pandé becur
Kudut lélo ata nggélokn pandé rémbong
Kudut repet ata helek pandé cedek
Latang méu kraéng, ata wintuk kudut rangkangn pilkada:
Wéngké di’a té-pé-és (TPS) boto génggél oné wié mésé
Pedeng reweng ata poli lepet, boto manga ata ketekd
Néka wetoks ata poli petokd boto rehongs agu renos
Néka juts ata poli ujungn, boto muntungs ruku tu’ung
Néka pandé bukang surat undang pandé rudak
Néka ceka ceha, pandé wentang ata menang
Néka tiba séng boto péhéng, mosé toé léwé
Néka rantang pilkada, mai nakay cama-cama
Néka léwang bénta, néka wéléng té-pé-és (TPS)
Néka sala mata, néka cidé limé, néka rungkut nuk
Papang maki te can, pandé rangka lama
Ngguang nomor te suan, pandé uwa agu wua
Néka ceka landing jera diha amé jenang boto lengkar
Néka tusuk dudung-pur pandé rucuk toé dumpu
Ceka paka hena kudut manga letang pandé beka
Tusuk paka burut kudut manga mut pandé ludung
https://www.facebook.com/inosensius.sutam.9?fref=nf
diunduh pada 9 Desember 2015, pkl 13:40
Asé-ka'é.... Nomor 1 ko 2, anak dité taung, weki dité taung... Hambor ka'éng kampong, lémbor ka'éng béo... Pandé salang cama-cama kudut langkas nawa, néka pandé calang
Pilkada : pandé salang ko pandé calang ?
Oleh Rm. Inosensius Sutam
Pilkada pandé salang kudut langkas nawa, ko….pandé calang kudut mbasak nawa
Pilkada pandé salang kudut rangkang ka’éng tana, ko…. pandé calang kudut radak ka’éng tana
Pilkada pandé salang kudut wénggos ka’éng béo, ko…. pandé calang kudut mbékot ka’éng béo
Pilkada pandé salang kudut léros lonto léok, ko…. pandé calang kudut wéntong lonto léok
Pilkada pandé salang kudut ra’um ka’éng mbaru, ko…. pandé calang kudut rasung ka’éng mbaru
Pilkada pandé salang kudut riwok ka’éng kilo, ko…. pandé calang kudut timpok ka’éng kilo
Pilkada pandé salang kudut nggelis oné weki, ko…. pandé calang kudut pengki oné weki
Pilkada pandé salang kudut nggalas wakar, ko… pandé calang kudut da’at oné wakar
Pilkada pandé salang kudut ngalis nai, ko… pandé calang kudut rabi nai
Pilkada pandé salang, kudut nanang haé ata, ko… pandé calang, kudut rangkat haé ata
Pilkada pandé salang kudut kapu ha’é wa’u, raés asé-ka’é
ko…pandé calang kudut pampung haé wa’u, raék asé-ka’é
Pilkada pandé salang kudut indang anak-wina, momang ana krona
ko… pandé calang kudut cikat anak wina, poka ana krona
Pilkada pandé salang, kudut pandé mo’éng agu mosé ro’éng le roés agu loréng
ko... pandé calang, kudut pandé kosé agu copél ro’éng wajol lopét agu lowér
Pilkada pandé salang, kudut ola bora conda rowa disét boat agu mosé capur bokak
ko… pandé calang, kudut kolang bora pandé rowa isét boat agu mosé capur bokak
Pilkada pandé salang kudut rombéng mosé, ko pandé calang kudut longké mosé
Pilkada pandé salang, kudut pandé uwa haé mukang, mut ha’é lumpung
ko…. pandé calang, ai pandé munda haé mukang, rutu haé lumpung
Pilkada pandé salang, kudut kékép agu pélét ata méséd agu léwéd, ninik ata jiri agu cirid
ko… pandé calang, kudut kékép agu pélét séng pandé lénggé, ninik ringgi pandé ringing tis
Pilkada pandé salang, kudut loléngs ata moséd, tadang oné mai ata matad
ko… pandé calang, ai nanang ata matad, okés ata moséd (nanang jarang mata, oké jarang mosé)
Pilkada pandé salang, kudut sakas ata mangkang agu rapakd oné ka’éng cama,
ko… pandé calang, ai pampangs agu rampas ata mangkang agu rapakd, ka’éng cama
Pilkada pandé salang, kudut lumung luju mu’u te pu’ungn curup ata pukul sanggéd ruku
ko… pandé calang, kudut dundung agu curu cungkut sanggéd ruku, landing mu’u rukus
Mai ga ité…
Ngaji agu Jari, sawal agu Ngaran, kéng agu Dédék, tombo agu Wowo…
Pandé randang pili adak ka’éng tana, kudut manga salang pandé rangkang
Pandé raés pili amé, kudut ambé agu rambéng ka’éng tana Nuca Lalé
Pandé kais pili laki ko wai, kudut ambi, rani nai, main dani tana Manggarai
Kudut sembong tana serong disé empo, kudut lendarn tana letang disé ema,
Kudut lerén tana pedé disé endé, kudut mbaék tana mbaté disé amé
Ruteng, Agustus-September 2015
https://www.facebook.com/inosensius.sutam.9?fref=nf
diunduh pada 9 Desember 2015, pkl 13:40
*******
https://www.facebook.com/inosensius.sutam.9?fref=nf
diunduh pada 9 Desember 2015, pkl 13:40
*******
Palas Rawuk leso Rabu
Le Inosensius Sutam
1
Rawuk hitu ngong lénggé, niwi-naés ….
Wiku wakut wa rawuk ného acu
Pili latung wa rawuk, le lénggé capur békék
Wa rawuk be wa, rangan toé pecing taran
Pesé rawuk ces, toé paés apa
2
Rawuk hitu te sémbéng, nggiling weki…….
Conda le rawuk kolang poti loha boto rowa
Cucang le rawuk kudut ndasel sampeng
Cagur le rawuk kudut mora wau, toé ruis uli
Rahit le rawuk api boto mai ular mbani
3
Rawuk hitu ngong dempul wuku, tela toni….
Cau rawuk, kudut cain api pukul mut
Kudut keté api, paka cukung nus, ra’up awus agu rawuk
Weda rawuk wa, maik pandé bémbang léba éta
Wa rawuk tombo, lobo watu wintuk
Maram ata tu’a ciri rawuk, tama anak ciri api
4
Rawuk leso Rabu, leso Rabu Rawuk…
Palas oné gala kudut nggalas wakar
Rujut oné uluy te kukut ata tu’ungn oné pucu
Hitu rawuk te tadu sanggéd rasung
Hitu rawuk te teser ba helek kudut merep
Hitu rawuk te cumang tau agu Mori Andung
Hitu rawuk te koso jogot, wégo ndékok
Te holés oné mai gonggém, tadang oné mai ngampang
Toé wéléng, mai randang salang de Ngaran
Ruteng, 17 Februari 2021
JPS, Harapan Indah - Bekasi, 21 Feb. 2023.
Tidak ada komentar:
Posting Komentar