ADAK DARA TA'

ADAK DARA TA'

Latanng  ata Manggarai manga  suad (2) tarad mata,
1. Mata benta le Mori (mata le beti, mata le renep)
2. Mata  wajol toe benta le Mori neho: mata rempe le oto, mata pau kepal, mata ala lata, mata le raha.

1. Mata benta le Mori (mata le beti, mata le renep)
Eme mata benta le Mori, acara adakn biasa: loling one lutur mbaru,  adak ela / manuk  haeng nai, wae lu',  mbele ela tekang tana,  mbele ela   saung ta',  du turung semoln ga mbele ela / kaba kelas.

2. Mata  wajol toe benta le Mori neho: mata rempe le oto, mata pau kepal, mata ala lata, mata le raha
Eme mata wajol toe benta le Mori,  mata rempe le oto, mata pau kepal, mata ala lata, mata le raha,   eme loling, loling be peang mbai mbaru. Ai ise situ ata mata toe neho biasan. Ise situt rowa (mata) wajol rempe le oto, raha, mbele lata, ise situ ngasang dara ta'.
Eme manga kid tobod, ise situ paka loling be peang mai mbaru, neka loling one lutur mbaru. Acara iwod ga sama neho mata le benta le morin.

Landing manga kole tambangn.
Eme mata mbele lata, apa kole mbele one tana  data, waka  hae wau' (beon) olo  pande adak. Ngasangn: "Songko dara, wiwid wakar". Kentau (benda) ata siapn du ngo one tempat rowa de ase kae situ  rowa le raha / mbele lata:  seekor ayam (warna apa) dan sebutir telur ayam kampung. Betuan  pande adak wiwit wakar songko dara ho', te bembeng wakar diha (dise) hot rowa te kole one beo ru, agu  te  bersi dara  ata poli concang one salang / tana  du   rowad.

(Sumber inspirasi: Acara Wiwit wakar - songko dara: Don agu Alo, eta mai Kusu agu Lait , Rahong Ruteng ata  rowa wajo paki lata Mbehal - Boleng , Manggarai Barat, 16 Janunari 2017.

Sumber  tulisan:  http://www.floresa.co/2017/01/20/puluhan-warga-kusu-datangi-lokasi-pembunuhan-di-mencerite/

JPS, 20 Januari 2017