One Manggarai manga nunduk empo dehong (gorak). Ise siitu ata weki bakok. Tuang-tuang sot mai peang mai. Ise situ jago eros. Ise situ ngance pande mose kole ata mata. Ko ngance pande mata ata. Eme poli matan, pande mose kole lise. Eme poli boakn ata hitu, le wie mai ise one boa weru hitu. Sake kole lise boa hitu. Buka poli peti hiot poli tak le paku. Ise pande mose kole ata hitu. Ise isi kole nain. Mose kole ata hoo. Jera mburuk lise, kudut penong agu lancar lako de daran. Poli hitu lise mbele koley. Tong lise daran. Poli hitu rapon ga naa kole one peti, tadu, tak le paku, ploli hitu boak koley.
Te soon lise dara data hoo? Ata bakok soo manga proik (pproyek), rapang, kembatang. Dara data hoo, te campur agu bahan bangunan - semen-pasir - wae -. Soo betuan? Kudut kuat kembatang ko mbaru hot hese dise. Soo betuan. Betuan ne nggoo, kuudut eme manga mbang ko nupung, wakar data hot kaeng one kembatang ko mbaru - gereja ko mbaru sekola / mbaru sakit , siekL : aku / ami see", . Le denge reweng hitu, empo wae / kot nupung - idep, kali manga atan one kembatang ko mbaru hitu , wiga hia rehong nngger wa wae ko pande emo nupung, wiga wae ko mbaru sekola/ gereja hitu toem rusakn le wae ko le nupung. Kembatang ko mbaru hitu hese meler kin, toem rusakd.
One Wela, Kec. Ruteng, Manggarai, sekitar ntaung 1983, aku denge tombo hoo. Du hitu rowa hia teriha Tina Emol, wina diha Anton Epong. Du poli boakn le mane, le wie tana, mai ise Wonggor le mai Rumah Sakit Cancar. Hi Wonggor hoo ata lako wie (empo gorok / empo Dehong). Ise situ mai le wie, pande mose kole hia Tina Emol, jera mburuk lise, poli hitu mbele kole lise. Daran ga tong lise, naa one tem[at khususs. Poli hitu boak kole lise rapun hi Tina Emol hoo.
Danong, ata Manggarai ogod te masuk Mbaru Sakit eme betis? Coo tara ne nggiitun? Menurt ata Manggarai, one Mbaru Sakit manga ata te keker wakar data, sepisa ata beti matan. Ite senang eme mata ata hitu . Soo tara senang? Kudut pande mose kole lise , poli hiitu emi lisa daran, poli hiitu po boak kole.
Manga kode tombo ata lako wie. Ata nggera (bakok_ peang mai situ lako le wie. Eme mane tana ise ga mai le mai Cancar, kawe ata mata. Ise pake sepatu lewe hioot ngance lenting (mbetar lelap). Eme keje kaut one perkakar sepatu hitu ise ngannce lelap nbetar ngo one tempat ko beo ata ngoeng dise. Eme leso wa ise ga lakos ga ngo one beo-beo nga kawe ata mata, te pande mose kole lise poli hitu mbele te emi daran.
"Neka wee mane bail. Eme wee mane ngance sumang ata lako wie. Ise angance pande mata ite, Ise mei dara dite du toe di raung nai dite. Du lakod ise rongkos. Eme isuk lawer rongko du mane tana, hitu tandan ise manga ruis nitu. Ite paka gelang-gelang lose niitu mai ngo ngger one mbaru," ne nggitu tombo data tua. One Wela, salang data lako wie siitu, ngance lewat salang oto, ngance kole lewat salang potong, rapang one uma lokang, Nderu - Lida - Lale- Coal.
" Manga sa wie hia Ema Paulus Habung tuke one kalo te lelo agu bokong ata Lako Wie do tokong motang lau Lale. Ise situ biasad ba senter mmese te teas salang. Senter dise wali welok le wie.
JPS, 29 April 2020 dan JPS 4 Mei 2020
NB: Nunduk Empo Gorak / Empo Dehong / Ata Lako Wie hoo, kali toe hanang one Manggarai. Le Lembata kole manga nuncuk ne nggooo.
(Kisah orang barat yang memenggal kepala orang pribumi, ternyata ada juga di daerah lain di NTT, termasuk di Kabupaten Lembata. Bisa lihat di tulisan Ansel Deri: (https://ansel-boto.blogspot.com/2020/01/tuan-janssen-boto-dan-tuan-budi.html)
___________________________
Tidak ada komentar:
Posting Komentar