ADAK KELAS
https://www.youtube.com/watch?v=YkYgzoOgSOI
Yuan@acara kelas adat manggarai
WIE RIKET ( ADAK MANUK TEING HANG) ?
Sako_ Tongka:
Yo.... ngong ite ngasang ase kae.
Dasar (rajan /sampitn) tara manga lonto torok , loce neki, padir wai' rentu sai' ,\nai ca nggit - tuka ca leng dite one wie hoo.
Ai sua ntaung one , ema dite, kae dite, hae kilon hi ende, emad dami ngasang anak
Tuju mata, kemu lime, wale tae - tiba tingka
Maig hiitun le ite, hoon cee.
Mangn lai cas bantang, ite ngasang ase kae, kongkos tombo
Kudut minakn ngasang tae, tente niang pesek, pande niang kaeng, rojon ninag mongko, paka dia'n ngasangn
Kae' dite, hae kilon hi ende, emag ami,
Neho reweng daku ngasang anak. ngasang ase, ngasang kae,
Ite, Ai hoo wie te caca dia' selek, lonto loce, pa toe dima (?), lonto toe hesot
Ai diang gerak tana, kudut pande niang kaeng, tente niang pesek ,
Helek dia' teing hang, ngasang ema, ngasang kae, ngasang hae kilon hi ende
Ite toe manga banan reweng daku,
Hoo titis tuak, kepok kamping ite ngasang ase kae'
(NB: Sengatan ata wale)
Wale - Ase Kae?
Yo.... tae di Vero, nggitu kole ngasang anakn hi Vero , nggitu kole ngasang ase kae
Nggitu kole ngaang atas po;i benta le dewa, awit le jari atan ata ngaso - wan ata cucu
Ai sua ntaung ole, benta le dewa, kaing (awit) le jari ,
Enas neu tae de ngasang anak, hae kilo'd hia Vero, kaes meu ngasang ase,
Hu hitu de ngasang toko wa luntur hia, ema meu ngasang anak, kilon hia Vero,
O wuwus de dite ata do, pedeng bokong, haeng nai,
welan koe telu wee, ngajin kole pat mpulu wie,
Ai / landing kudut pedeng bokong hia, kudut lonto le Mori Wowo hia, kaeng (asi) le Mori Jari
Pagat toe pat (pas)? - wengko toe wentong ?
Kudut ngasang paka dia'n hia
Manga bantang dire tanggal 21 bulan tuju (7) , diang ngong hitu ga
Wie hoo kali ga, ulu pukul wae padir dite , one mai ngasang anak - nggitu kole ase kae
Lonto torok, kudut dia' lonto locen hia pe'ang mai, benta mai hia pe'ang mai.
Kuudut lonto locen hia, ..................... (?), teing hang hia lite toong.
Diang adak paka dia'an, rantang manga paing (nangki) tai - itang dia'ng
Neho hia kali ga, lonto cama dite ngasang anak, ngasang ase kae, nggitu kole ami ngasang ase kae wae teku remong one Laci - Tado hoo.
Terima kasih
Sako- Tongka : Terima kasih.
Yo...... ngong ite ngasang weta salang, etan ata ngaso, wan ata cucu,
Ite, ai one wei hoo, lonto caca dia' selek, lonto loce lima, amang dite.
Diang gerak tana kudut pande niang kaeng, rojok niang mongko, tente niang pesek
Maik one wie hoo ga, poli benta main hia ga,
kudut lonto loce, paa neka ngangkak, lonto neka hesot
Ngong tombo kamping ite ngasang anak wina, etan ata ngaso - wan ata cucu
Hitu salangn tara manga liup lipur dite one wie hoo.
Ai kudut pande teing hang hia amang dite, ema dite,
Toe manga banan ite, hoo a titisn tuak (NB: Teti tuak)
Wale - Weta / salang / Anak Wina
Yo....ngasang weta salangm anak wina, etan ata ngaso, wa ata cucu.
Ai nggo bantang,
Ai bok aku bao lite
Kapu ngasang weta salang etan ata ngaso - wan ata cucu
Landing one mai wie hoo, kudut kapu ngasang hia amang,
Ema ngasang anak ine wai, ema lopo ngasang de empo
Poli de bo apa....., gulan diang
Ai di'ang gerak tana, kudut pande niang kaeng hia, rojon niang mongkon, tente niang pesek
One mai wie hoo kali, kudut ngger olon kali te pande Manuk teing hang
Kudut one wie hoo hia lonto cama neki ite sampe gerak tana diang
Ali nggo koe tegi dami anak Wina, kudut ngger olon adak teing hang, perlu kin tombo pisa sangged bantang wiga wali urat dia' , pisay. Ai bonto ne nggoo, naa sepulu sebu lami too e, kali dion tae de meu. Wan taung lami naan tong, mai kole tae de meu hion kin hitu, dion kin urat dia'.
Hutu tara nggon, masis keta pisa bantang wiga wali urat dia ta, pisay bantang.
Wale - Tongka
Yo , terima kasih mori
___________
TUDAK KELAS
https://www.youtube.com/watch?v=7XP-qu4YHjs
Tesi _ _(?);
Kae dami ase kae ata weda wuwung tau
Toae kolo wina tokon agu anak bara
Tae kole de ase kae do
Nggitu kole ase kae pa'ng agu ngaung
Nggitu kole tae de woe
Nggotu kole tae de ine ame
Jadi a, reweng hoo ite
Ami hoo, wiwir watug ami, lema mera (?)
One ite hituy lami imbin,
Tae de wina tokon lawang anak bara wua tukan, nggitu kole anak rona don situ
One itwy kali ata muu luju - lema emas hitu
One iey wiwir mipis - lema elang (?)
One itey pau' nai dami, reweng dami
Kudut tombon kamping Mori Wowo,
Hitu peang elan
Hoo reweng dami (NB teing tuak) ase kae do
Wale de: Tukang Torok ( Tiba tuak)
Sangged ite ema, sangged sase kae, paang agu ngaung agu sangged salang, nak Rona - Anak Wina
...............
Yo..........
Kudut lonto lete loce, hoo cepa latamg ite, kepok..... (Teing piring sepa, naa one tange)
Hoo kole tuak..... te tombo kaming ite, leso hoo adak Kelas, pedeng bokong dite - Kepok
(Teing tuak)
Tudak Kelas:
Oe......niang leng salangn
Denge lite empo (?) / ema.....
Tae de kilo toko dite
Tae de anak bara - wua tuka -
Tae de anak ata rona - agu wote
Tae de anak ine wae agu sangged koa'
Tae de empo - agu wela
Tae de sangged salang - woe - anak rona
Tae de sangged anak Rona
NB: (Toe dim poli tilis tudak hoo, wajol, toem dia' mike wajol mao' (bergema) wiga toe jelas tombon
JPS, 22 Juni 2022
__________
Hebat anak ini masih kecil tapi sdh bisa bicara Adat manggarai Flores (acara Tudak)
https://www.youtube.com/watch?v=_Mjtae8lqD0
Ata tudak:
Ai salang lonto torok - loce neki sangged taung ase kae pang olo - ngaung musi Semarang hoo
Nggitu kole ase kae, nggitu kole anak wina,
Nggitu kole sangged anak rona, wan ata cucu etan ata tua'
Reweng de hae kilo dite, ai woko poto de Wowo benta de Dewa dite one pisa
Awit le jari, renco tesong, pau' mbau
Nian kali reweng de hae kilo dite lawang agu anak dite
Wua tuka - anak bara , nggitu kole empo agu wela peang
Niang kali reweng dise ema ga,
Neho ite,
Neka manga lako demeng rabo
Neka manga tuka leng toni / neka manga ranga leng gong
Neka manga retang laing
Neka manga poto ata do
Neka manga siro hae kilo
Neka manga enam wela
Neka manga paong bangkong
Neka manga sumang du'ang
Neka manga retang laing
neka manga jengok one empo
Neka manga hamar one anak / amang
Hitu de caro one ela hoo lite ema
Sua leng duang kole....
Reweng de anak wina dite, wan cucu etan tua' (ngaso).
Ai salang lonto torok - loce neki sangged taung ite leso hoo,
Ai woko poto le wowo benta le dewa ngasang kesa laing ko amang laing tae de koa laing
Nian kali reweng dire ema ga
Neho ite neka manga ba rangkat, neka manga lako rabo
Neka ranga leng gong, neka tuka leng toni
Neka manga sumang du'ang, neka manga siro hae kilo
Neka manga enam wela , neka panga paong one bangkong
Neka mangan tengok one empo, neka manga hamar one anak
Porong dia' lako dite, porong molor lako ngger olo, porong ngaji latang ise musi mai
Poorong ite kali ga kudut jadi letang temba - laro jaong kamping Morin
kudut tombo one Mori Kraeg, olle uwa gula ise musi mai ta, bok leso,
Langkas haeng ntala, uwa haeng wulang
Hitu de ca rajan one hoo lite
Sua leng duang kole,
Reweng de anak rona dite, wan cucu etan tua;
Ai salangn lonto torok - loce neki dise lesho hoo ga
Ole, ai woko poto le Wowo - benta de Dewa dite ta, awit le jari
Renco tesong dite, pau' mbau
Nian kali reweng dise kali emma ga
Neho ite, neka manga lako rabo, neka manga ba rangkat,
Neka manga ranga le gong - neka manga tuka leng toni
Neka manga dade ata hae, neka manga siro hae kilo, neka manga poto ata do
Neka manga enam wela neka manga paong bangkong
Neka hamar one anak, neka duntak ata tua', neka manga jengok one empo
Porong ite kali ga, tadu dia lau - kepe dia' le
Porong lite pande wewet sangged usang rete - saka sangged usang warat
.........
Hit reweng de Anak rona dite Ema
Sua leng duang kole,
Reweng de ase kae pang olo ngaung musi weki Semarang hoo
Salang walang lonto torok - loce neki dite one leso hoo ga
Ole, kudut adak lepet buing ta, kudut congkos........
Ai woko benta le Dewa - awit le Jari dite one pisa
Ole hoo kin lise gasang nipun..........
........
JPS, 22 , 23 , 24 Juni 2022.
__________
ACARA ADAT MANGGARAI || PAKA DI'A || KELAS || adak paka di'a de ema NOBER Wangkung 2021
https://www.youtube.com/watch?v=MijpLewWlYU
1. Reweng de Bilik agu Kilo:
Neka koe poto hae lontom.
Neka koe dades ngasang hae kaeng
Neka koe hamar one anak,
Neka koe pau' (pao) one bangkong
Neka enam one wela.
Ngong ite kali ga,
Porong neka manga ronggo doong, lako ngger le Mori Wowom
Neka manga lamba watang, te cai le Mori adak
Ne nggitu reweng dami ngasang Bilik agu kilo.
One mai leso hoo kami Bapa Nober
Hitu peang ngasang ela kudut adak ngasang kelas ite, paka dia ngasangn.
Tedeng one mai anak sot pitu mongko dite sampe kole one bilik agu kilo.
nggitu koles ase agu kae Gendang telu .
Hitu reweng dami ngasang Bilik agu Kilo Bapa Nober. Terima kasih banyak
2.. Reweng De Ata Pukang Niang
Tabe keta taung, etan bisa, wan kapu
Ai manga taung ranga, peang lawang peang, one lawang onen
:au lawang laun, le lawang len
Manga taung rangan one leso hoo.
Ai one mai hitun,
Pecing agu bae le Morin , ngasang ema laing tae dise anak,
Ngasang kae laing tae dise ase laing
Hoo kali leson ga, rapat reke , kudut hia neng sina ge, ite neng cee
Dopo hia neng kali ga, irus one isung, luu one mata
Porong hia kali, nggeluk de lakon hia ngger le ranga de Morin,
geal tite musi mai .
Tedeng eta main, peang lawang peang, one lawang onen. Hitu ca salangn.
Ca salang kole ite, kudu hia pangga tae raja, tengkus tae wie.
Nggalu dia' ngaung, tungga dia' para olo , pangga pa'ng,
Dopo hia kali ga, irus one isung, luu one mata
Ratang manga ita (itang) diang, paing kole tai'
Hitu pe'ang tanay ngasang ela paka dia' .
Mori, kaeng cama agu itey one lso hoo. Sekian dan Terima kasih. Amen.
3. Reweng De Ase Kae Gendang Telu
Senget lite kae Nober, reweng de ase kae Gendang telu,
Etad kat (ket) ngaso, wan cucu
Ai benta le Mori Dewa dite one pisa
Toe manga peang rangad ase kae gendang telu e
Manga taung rangad jaga ite
Podo ite one mbaru tokod, dade ite one mbaru kaeng.
Toe manga peang rangad ase kae gendang telu .
Poi pande mbaru dite one pisa
Cama-cama kole ite lontod reke adak pedeng bokongm paka dia' dite
Woko hoo kali ga. leso remong, tantu raup, repak reke, adak pedeng bokong dite.
Reweng dami, hitu peang tana de ela, kudut adak pedeng bokong kudut be sina ite, be ceeg ami,
Neka paing kole tai, neka itang kole diang.
Kae Nober, reweng dami koley kamping ite ga
Ai hood ite , wee kole keted, keor kole beod, wee kamping Dedek dite
Kae Nober, paka dia-dia lako dite ngger le Mori Dedek,
Porong teing sehat ami musi mai.
Yooo... reweng dite kamping ase Kae Gendang Telu,
Toe manga celan ite, hoo kole tuak daku.
Hio peang tana elan.
4. Reweng de Wing agu Dading
Denge dia' le hau amang Nober.
Ai rnco teong, pau' sapu hau one pisa wulang olo.
Manga kole rangag ami. irus one isung , luu one matag landing tuju matam hau, kemu limem.
Hoo kole ami ngasang wing agu dading. Kudut adak lami ga ngasang adak pedeng bokong,
kudut wae be sinam hau, wae be ceeg ami , nagasang wing agu dading. wan koe etan tua'.
Uwa gulakm e, bok lesogm . toe manga cumang dungkagm ta, toe manga pala cala.
Ngong be le mai hitun,
Tegi dami kole ngasang wing agu dading ,
Paka sehat , neka manga ringing tis, nepo leso,
Neka mangay one ami ngonde holes.
Ai poli pedeng reweng , ngasang le ende, ngasang le ema kamping ami,
kudut padir wai' rentu sai' one lonto hoo.
Kudut cama laing adak pedeng bokong hau kudut molo koe lakom hau ngger olo Mori Wowo
agu heal ami musi mai.
........wan koe etan tua;.
Be le mai hitun weli ga, Kudut tombo taung ketas latang kamping ise kesa agu sangged taung
..... adu salang.
Ngasang wing agu dading,
Ai kudut ngom hau kudut adakm hau ngasang pedeng bokong kudut molor lako de hau ngger olo teing sehat / heal kamping ami musi mai.
Hitu tombo dami kamping ite.
Kepok.
5. Reweng De Anak Rona Mbohang
Yo.....yo..... mana leng lami ngasang sapo mese, likang langkas,
Ulu wae, wae teku , etan kae wan ase.
Mori. reweng dungka kaut agu kae geong, Kae Nober
Denge lite Kraeng tua'
One olo ca wulang ca ga
Tepo dongkar dite, seha dalin , pau' mbau. renco tesong.
Puung nitu maig de ami de, ngaji neteng bari. tegi tompal agu mohas de Mori Momang
Kudut ite lonto cama agu ata nggeluk eta Surga.
Toe hanang ami kole ngaji.
Wing agu dading dite, ase kae do , wua tuka dite,
ngaji cama laing tegi tompal agu mohas de Morin.
Imbi lami Kraeng tua' ga,
Lonto cama agu ata nggeluk eta Surga..
Tegi dami Kraeng tua' .
Porong ite de ngasangn ata letang temba, laro jaong . tukeng agu ndeng,
sangged ngaji de wua tuka anak bara site, wote, koa, empo dite.
Nggitu kole ngaji sangged ase kae do Gendang Wenus, Gendang Telu Wangkungm
Nggitu kole ase kae hae pecing dite.
Porong le letang temba dite teing koe cebo weki agu wakar ami musi mai,
Hitu salang Kraeng tua' reweng kamping Ite.
Salang te suan kole,
Porong lako dite ngger le Mori Wowo,
Neka keta manga tura rua, baro rabo, tombo jogot le Mori Wowo ,
Ai toe di kebang dite ye, latang siu sauk (?) urus ite du beti le wua tuka agu anak bara dite.
Porong ite weli Kraeng tua' ga.
Ngaji kamping Mori agu Ngaran teing koe sehat sangged wing agu dading dite, ase kae dite,
Kudut apa ata poli weri lite one nai dami agu ase kae do, ngances lami pande todod te beka
agu buar one kaeng cama cee Wangkung hoo.
Sua leng duang kole Kraeng tua',
Hitu peang de ngasangn tong de ela paka dia' ,
Toe' manga kole de ngasangn itang diang, nangki kole tai,
Hitu de ngong ite Kraeng tua;.
Yo.... latang ite ata tua' laing one mai Gendang telu Wangkung hoo,
Ite hitu peang neng elan e ite, paka dia; kae dami, kesa gami, Hoo lancungn. Kepok agu ite.
6. .........
Renco tesong, pau' sapu, doal dongkar, labang nanga dite ema Nober.
Toe manga hemong kengko, toe manga mamur tauk,
Mbaru sakit poli caing, rembong beo poli lejong.
Kali toe kin situ wale kid lite benta de Mori Dewa, awit de Mori Jari, eng tae de Mori Dedek.
Du hitu beheng , lonto torok , bantang sama, le cas de bantang, podo de ite le palang toko.
Landing woko...... rekok leso, tura wulang,
One wie de ngasang wie riket ge.
Hoo kali leso remong, rapak reke, tantu raup, pas tanggal, rekok de ngasang leso
Coo ga,
Ite hoo ne leso remong , tantu raup, rapak reke kudut adak paka dia', kelas,
kudut be sina hia, be cee dite, rantang itang diang, rantang nangki tai.
Tepeng kali ite kamping ngasang anak laing, one mai bilik agu kilo takeng anak rona peaag
etan ngaso, wa cucu, rao neho ajo, sawi (cawi?) neho wua, dole (kope ) oles, bantang cama,
Tuak kole aku. Kudut acer nao, wase wunut, ite kepok. Hoo tuak daku.
7. Tudak Kelas:
Sengat lite ema Nober.
Renco tesong , pau mbau, doal dongkar, labang nanga dite
Poli lami rekok leso lete hoo ga
One wie du wie riket
Hoo kali ga rapak reke
Tantu raup, pas tanggal bantang
rekok leso, tura de ngasang wulang
Hitu peang tana, ela kelas paka dia' dite
Tae de ngasang bilik agu kilo
Nggitu lawang tae de ata pukang Niang
Tae de gendang telu
Nggitu lawang kole tae de ase kae wae teku remong
Weta salangm anak rona, eta ata ngaso, wan ata cucu
Ngong ite hitu ga,
Neka hamar one anak,
Neka coleng one wote
Nek paong ngger one bangkong
Neka enam one welam
Nela cola kole ngasangm ngger one koa
Ngong ite hitu ga:
Neka poto hae lonto
Neka dade hae kaeng
Neka ba kole ngasang hae labar
Ngong ite hitu ga:
Neka lako rabo tie
Neka ba rangkat
Neka rua (ruap) tuka,
Neka rabo (rani) nai
Ngger le nai daat, ngger cee nai dia'm
Tonim nggari le, tukam nggari cee
Neka ranga laing gong
Neka tuka leng toni
Nggitu de tombon ngasangn ela paka dia' hitu peang
Kudu be sina tite, be ceeg ami
rangtang itang diang, rangtang nangki tai
Kali mana leng
Hitu peang tana ela
Ngong toe kopn ngasangn
Ela kelas paka dia' hitu peang.
Ngong ite hamar kin ngger one anak,
Coleng one wote,
Paong one bangkong
Dedam one wela
Cola kole ngasangn one koa
Ngong ite hitu ga:
poto hae lonto dite
Dade hae kaeng
Ba kole ngasang hae labar
ngong ite lako rabo
Ba rangkat,
Rua tuka, rabo (rani) naim
Ngger le nai daat, neger cee nai dia'
Tonim ngger le, tukam ngger cee
Ranga laing gong
Tuka leng toni
Somba ema
Hitu peang tana elan
Kudut adak kelas dite e
Ngong ite hitu ga:
Neka hamar one anak
Neka coleng one wote
Neka paong ngger one bangkong
Neka enam negger one wela
Neka cola kole ngasangm ngger one koa
Ngong ite hitu ga:
Neka poto hae lonto dite
Neka dades hae kaengm
Neka ba kole ngasang hae labar
Ngong ite hitu ga:
Neka lako rabo tite
Neka ba rangkat
Neka rua tuka
neka rabo nai
ngger le nai daat
Ngger cee nai dia'
Tonim ngger le, tukam ngger cee
Neka ranga lain gong
Neka tuka leng toni
Nggitu de tombo ngasang
ela paka dia' hiu peang
Kudit be sina tite, be ceeg ami.
Rantang nangki tai, rantang itang diang
Kali manga hitu leng tae
Kali manga leng hitu torok
Ngong torok ata kop
Pau' ata patun
Senget lehau le
Tiba le hau sina
Tura one urat
Baro one ati
Lema rempas
Molor lako dite
Uwa de diag ami musi mai
JPS, 28 Desember 2021
(Proses penulisan sekitar 3 jam, 18:30 - 21.30 pm).
________
acara adat manggarai (kelas)
https://www.youtube.com/watch?v=rtFdn003Tc4
S:
Sando tudak kelas tercetar di manggarai
https://www.youtube.com/watch?v=43AwKqK77G4
****
ACARA ADAT MANGGARAI ( KENDURI MANGGARAI TIMUR )
https://www.youtube.com/watch?v=I3Lu8shyQZI&t=751s
Acara Kelas ( Kenduri ) di desa tenomese, kec. elar selatan, kab. Manggarai timur Tarian Raga Sae... Adalah tarian perpisahan dengan arwah, yg biasa di pakai dalam acara kelas/kenduri di Teno Mese,
........ Wesak Wela, weras wua
Tidak ada komentar:
Posting Komentar