KAMBU LAWANG

KAMBU LAWANG, manuasia hanang koe one reha kaka / paeng do.

Hia tegi hae (manusia)  one Emp Ete. Teing le empo ete sa  kaka lelap (merpati).  Tiba agu gugum liha. Idek go... ruduk sau kaut lime de ine wai molas dia. .Merpati ho'  jiri   ine wai  molas.  Kambu Lawang ho, sau lime de ine  wai molas dia. Ngasang ine wai ho'  Wela  Runus. Kawing ise. Weki mendon hi Wela Runus. Senang Kambung Lawang ho'. Hia kudut ngo eta awang  te  wali  sara dia'  diha  Empo Ete. Du kudut lakon, pede liha kamping winan," Wela Runus, agu kudut lako ngger eta awang. Eme loas hau, latang anak dite hitu, eme ata rona, piara le hau,landing eme ine wai, mbele le hau, atin  na kudut  hang daku,"pede di Kambung Lawang. Lako hia Kambu Lawang   ngo eta Empo Ete. Lahos lako diha. Loas hi Rela Runus. Ata apa? Ine wai. Teing  ngasang liha Wela Runus anak  koe ho'  : Jong Java.  Sedi nai diha Wela Runus. Pede di Kambu Lawang, mbele anak koe ine wai ho'. "Toe nganceng mbele anak momang ata carig ati, waga rak gaku,"jaong di Wela Runus one nain. Co caran kudut nganceng mose kin anak koe ho'? Podo eta Empo Ete  liha. Landing kudut senang nai di Kambung Lawang liha ga, mbele mbe (bembe)  liha, emi ati, suing one lobo api. Du kole hi Kambu Lawang, rei liha. Ata  apa anak dite, Wela Runus? Ine wai  wale diha Wela Runus. Dia eme nenggitu ga. Nia atin? " rei di Kambung Lawang. Emi liha  Wela Runus. Rasa liha, o.e... ati mbe ho' toe ati manusia. Rabo hia Kambu Lawang, ongga hia Wela Runus liha wajol  adong hia. Susung liha Kampung Lawang kudut kawe agu mbele  anak ine wai dise, Jong Java. One Salang, do sumang paeng hi Wela Runus.

Sumang Kaba, Ela,

Sangged taung paeng situ benggat agu benta hi Wela Runus. Weta, apa susa de hau ata nganceng sampe lamin?" rei dise. Tombo liha apa pu'ng tara weong nain . Eme nggitu neka simpung, emi kaut ati dami te ganti  ati diha Jong Java. Mata kaunt paeng so.Ba le  ranga diha Kambu Lawang li Wela Runus. Bae kin liha Kambu Lawang so ata adong / pali liha Wela Runus. Rucuk diha Wela Runus. Terus ngo kawe hi Jong Java hia. "Enu,.... sampe aku. Susa keta mose aku." jaong diha Wela Runus. Iyo, ende, ho'a ku anak dite," wale di Jong Java. Ise ngo sama one Mbaru. Senang keta nai hi Kambung Lawang ai kudut hang ati diha Jon Java kudut tambang tebel rang agu mbeko diha. Kambu Lawang mengkek keris / golo kudut  jelok agu joje hi Jong Java te emi atan  liha. Landing olo wada liha: "Eme te tu'ng hau anak daku, cincer daram le keris ho', landing eme toe,  mose hau," jaong diha Kambu Lawang ole wadan. Rimba  diha Jong Java: "Ema, Eme tu'ng aku anak dite, waga rak, carit  atim,  -  golo dite toem sai le akun," wada diha Jong Java. Wuli hi Kambung Lawang kudut jelok hi Jong Java. Jelok liha. Toe tama.  Uling-suku uling liha landing toem tama one hi Jong Java. Lego li Kambu Lawang golo (keris)  hoo. Hia nggao anak koe hitu. Benar sumpa di Jong Java. Menang hia.

Ise senang. Ise emi kaba kudut  pesta naka hi Jong Java.

(Sumber: Jilis Ver heijen, SVD - Manggarai dan Wujud Tertinggi)