GO'ET TOING 2
321. Neka nai mungke
Neka nai mungke rantang do tues wiga toe tunggeng
Neka ranga mbunger rantang jiri motang kules
Neka ranga pampang api rantang toe jari laing
Nia kali ga.....
Ranga tawa kudut pande imus hae ata
Nai bahi kudut jari laing
Nai ngalis kudut kaing dani
JPS, 31 Oktober 2014; 24 Desember 2014, 19 Okt. 2016
322. TOMBO AGU KOKONG
Tombo agu kokong
Bajar agu wakar ( darat)
Jotel agu londe
Bija agu ata pele sina
Curup agu buru
JPS, 31 Oktober 2014 - inspirasi ruang kelas 5A. Mengenang wafatnya Mamad Megy, 29 Okt. 2014.
323. MASA TAUNG TAWA
Sapet taung daler
Sepet taung gejek
Sanger taung wange
Masa taung tawa
Hirus taung imus
Hanang ata manga kali ga....
Lanar lu' mata
Kiruk isung
Ndaes jaek
Sengkeng reweng
Bares tae
Ba taka tobo kole golo
Ba taka rapu kole mbaru
Ba taka wakar kole tana
JPS - HI - Stasiun Cakung - KA, 31 Okt 2014 - . Mengenang wafatnya Mamad Megy, 29 Okt. 2014. Ketik: JPS, 1 Nop. 2014
324. MATA BAKOK
Mata bakok tanda kudut lako
Kain bakok te ambos (sambol) du lakom
Nain bakok toto nai bakok
JPS, 6 Nop. 2014
Ruang kelas 1B, JPS, 6 Nop. 2014. Mengenang wafatnya Mamad Megy, 29 Okt. 2014.
325. NDURUS WAE LU'
Ndurus wae lu'
Lanar wae mata
Bares tae
Leli seli
JPS, 9 Nop. 2014, 19 Okt. 2016
326. TULUK WAKE KUKUR
Tuluk wake kukur (muku/mundung)
Kawe wake waek (lale)
VMG - JPS, 9 Nop. 2014
327. IJU - AJU ......(serpihan go'et du tombo agu hia Om Tinus, Tanta Mm Esy, agu Ended Saver, tentang Ended Megy yang meninggal dunia pada 29 Oktober 2014 di RSU Ruteng).
Iju aju sama manuk wa ngaung
Mbi - mbor sama tojo tompok
Tadang koe ringing tis - nepo leso
Tadang koe rengka agu karot
Porong saung bembang ngger eta
Wake seler ngger wa mose dami (dise)
Aku poli tombo
Kudut mose molor
Neka jogot agu hae golo
Neka rangkat agu hae ata (tana)
Anak, molor hau lako ngger olo
Wancing nggaring ami musi mai
Lo'ang bate doal
Mbaru bate gauk agu gajut / bajut
Api bate kacik
Sapo bate ragok
Sala holi lako ndorik
Kole kamping hae gori
Kali olong roti le poti
Sala ramak lako sama
Kole kamping hae tana te la't ise papa mama
Kali poli arak le kakartana
(Tlpn Sabtu, 8 dan Minggu, 9 Nop. 2014). JPS, 9 Nopember 2014
dan inspirasi ngobrol via Telepon agu ise Yulin - ase de mama Megy - agu tanta Mm de Mm Megy - , Minggu 2 November - Wela (dengan Yulin) dan Tanta Mm's Esy, Minggu, 9 Nopember 2014. Reke te ikut acara syukuran wisuda diha Yulin, Sabtu, 8 Nopember 2014, padahal keburu meninggal, 29 Oktober 2014.
328. TEPO TESONG
Tepo (renco) tesong
Doal dongkar
Pau' pajung (ambung)
Wakak nawa
Patung Kuda - Aralia - JPS - Harapan Indah, 9 Nop. 2013
329. Lako pado pande sampo
Lako pado pande raos
Lako pado pande sampo
Lako pado pande aok
Lakopado pande ngai ngaok
Lako pado pande kaco
Terinspirasi dari peristiwa Ended Megy yang meninggal dunia pada 29 Oktober 2014 di RSU Ruteng)
JPS - 13 Nopember 2014
330. LANGGOR SALONG
Langgor salong
Pungger tundel
Nggebak rempa
Kimpur siku
JPS - VMG- Jl. Bulevar -, 10 - 13 Nopember 2014. JPS 13 Nop. 2014.
331. NDETAR NEHO PEKA
(É é)
Ndetar neho peka
Ndétér neho tédé
Dontor neho toko
Horo neho toko
Ropo neho nggor
Sangkol neho toko salong
(JPS, 14 Nopember 2014
332. TOE NGANCENG SAKAN MATA
Toe nganceng sakan mata
Toe nganceng tadun jadi rapu
Toe nganceng nori jadi poti
JPS, 15 Nopember 2014, pkl 23.00
333. LORANG BOA
Lorang tana boa
Asur watu tadu
Hamar tana kanang
Nggao panggol sambol
Dedam weang
Weong nai wajol lako toe ngaok
Pande sampo agu hae sapo
Pande rampo hae jaong
JPS, 16 Nopember 2014 pkl 13:00
334. Ndurus lu'
Ndurus lu'
Bara mata
Lanar wae mata
Mbitur isung
Ndaes jaek
Bares tae
Sengkek reweng
VMG, 19-20 Nopember 2014, JPS 21 Nop. 2014
335. Lako mane rantang mael
Lako gula rantang hena usang (kumal) - inspirasi saat tlpn agu hia ende Gina lau Lembor du la't ended Get.
Lako mane rantang mael
Lako leso rantang legong / redok
Lako wie rantang bike (tier).
JPS, 21 Nov. 2014.
336. Epang Pempang
Kengko peko eros
Epang pempang
Tegi beti
Saka daat
Tong ronco
(Toilet JPS, 25 Nop. 2014)
337. SARE LASER
Sare laser
Ropo ndondok
Reto telo
Duti p
Jagur m
(JPS, 26 Nop. 2014)
338. GAGUR ONE MBARU
Gagur one mbaru /dapur /kakus
Songka one lo'ang
Nilor one kilo
Nggorong one kilo
JPS, 26 Nop. 2014
339. ARONG JANTO
Sempong mbeko
Arong janto
Rakang pelambar
Lemba toe rewa
----------------------
340. ARONG HAMBOR
Sempong koe ngelo
Arong koe hambor
Lembo koe heal agu sehat
Katu koe melaju / gauk ata naun
Ra'um koe agu hae wau'
VMG - JPS, 27 Nop. 2014
341. PAU' WAU
Pau' wau
Wencu nembur
Koso long
Wear pempang
Teger one ses
Bus Hiba Utama, travel ke Puncak, Lembah Karmel, 23 Nop. 2014 n JPS, 27 Nop. 2014
342. TETI TOE DESING
Lakom toe baro
Tetim toe desing
Ngom toe tombo
We’m toe wente
Ba rapum kole mbaru
Ba tobom kole golo
Tadu matam kole tana
Toe manga ngaok kole
sapom
Lanar lu’ ma
Bares tae
Rimpung isung
Ndaes jaek
Hindi haes kawe
hae kaeng / tae / aleng)
Toe manga tua’m one uma
Toe ite piom
one kilo
Toem ita
gaukm one mbaru
Toem ita lar
peang natas
Toem ita raesm
peang wae
Eng ase momang…. kali
mora hau ga…
Hau poli we’ kamping
Kekes
Am hitu kanta de Mori Ngaran latang
hau sengata ata
Ai mose ditet mensia
ho’ toe nganceng saka ngoeng de Mori Ngaran
Ami musi mai hanang
bae gesar agu tilir
Molor laku de hau ngger
olo kamping Mori Wowo
Teing nggaring
ami musi mai
Nggalas ke nawa ami
iset lami anakm
Ami ngaji latang teu
Hau ngaji latang te
ami
Ite ngaji sama laing
JALAN TANPA PAMIT
Jalanmu tanpa beri tahu
keberangkatanmu tanpa pesan
kepergianmu tanpa pesan
kepulanganmu tanpa persiapan
Bawa jenasahmu pulang ke rumah
Bawa jasadmu pulang
ke kampung halaman
Tertutup matamu kembali ke tanah /kampung
Tiada suaramu kembali ke tungku –mu
Derai air mata
Parau suara
Bengek hidung
berderai panjang iler / ludah duka
Bingung linglung cari teman hidup /bicara /ngobrol
Tiada lagi kau muncul di kebun
Tiada lagi tutur halusmu di tengah keluarga
Tiada lagi tampak sosokmu
di rumah
Tiada lewatmu di halaman rumah
Tiada kehadiranmu di
pancuran / keran air
Yah… adik tersayang… ternyata kau telah tiada
Engkau telah berpulang kepada Induk Semang
Mungkin itu yang
Tuhan Pemilik kehendaki untukmu
Karena kita manusia
tak bisa menolak kehendak Tuhan Sang
Pemilik
Kami yang
ditinggalkan hanya bisa meminta dan
memohon
Semoga baiklah perjalanmu
kepada Tuhan Pembentuk
Beri kelapangan kami
yang ditinggalkan
Lapangan jiwa untuk mereka
yang mengurus anak-anakmu
Kami mendoakanmu
Engkau juga sudi
doakan kami
Kita sama-sama berdoa
Nuk ase Sisilia Sangur ( Mama’d Megy)
ata rowa, 29 Oktober 2014 one RSU Ruteng, Manggarai
(Mengenang adik Sisilia Sangur ( Mama’d Megy) yang
telah berpulang pada , 29 Oktober 2014 )
Bekasi, 29 Nopember 2014
Frans Jelata.
343. KEDUR - URUT
Kedur lise enu
Urut lise ndu
Hamar lisa nana
Kampung Bogor Bekasi, di atas motor dan JPS, 13 Des. 2014
344. WENANG TE BENANG
Wenang te benang
Meki te re'ing
Bereng te seheng
Kampung Bogor - Rawa Indah , di atas motor menuju JPS, 24 Desember 2014.
345. WETUNG DI MBETUNG
Wetung di mbetung
Do taka ngetuk
Wetung di mbetung
Do taka rengus
Wetung di mbetung
Toe manga rencu
JPS, 26 Desember 2014
346. NURU JULU
Tunu nuru julu
Tapa / panggang nuru wagal
Teneng nuru mete
JPS, 26 Desember 2014
347. GAUK DIHA AYUB
Nau gauk diha Ayup
Toe nggaut du lonto walu
Toe mbesik du reme dei'
Sor moso kamping Mori Wowo
Nggelak nata kamping Mori Perenta
Ngalis nai kamping Mori Jari
Toe rani nai kamping hae dading, landing rani tegi ngalis nai
Toe ngarat raha kamping hae ata, landing ngarat / ramak pande tawa
Toe utas te suba, landing utas te usaha agu gunan neteng gula kamping hae uwa
VMG - JPS, Minggu 28 Des. 2014.
348. MOLOR TOE NGANCENG PONGO
Molor toe nganceng pongo
Benar toe nganceng benang
Lutas toe nganceng tungga
Belar toe nganceng lema
KBT - Gereja St. Gabriel - Pulo Gebang , Jaktim dan JPS Harapan Indah Bekasi, 28 Des. 2014. Inspirasi ini muncul saat bawa sepeda motor.
349. UTAS (Trengginas = tocker = super)
Utas ba lutas
Lutas tanda uwa
Lutas randa tua'
JPS, 29 Desember 2014
350. Kangkar
Kangkar te labar
Kangkar te wangkal
Kangkar te gangga
Kangkar te palak
Kangkar te raha
Kangkar te pala
Kangkar te hang
Kangkar de masa agu mas hae ata
JPS, 29 Desember 2014
351. EMA BENGKES....
Ema bengkes, kali hiot hong bengkes laing pau cences
Ema deming, kali ata hiot deming laing kandit wai wiga pau' ngali
Her hoal nai woko tenang laing
Benet nai tenang laing mose kasi asi
Mori, ngger one sei kole ami bengkes agu deming?
Nggero one ite?
VMG n JPS 30 Des. 2014
352. TUKE GOLO SOSO
Wa Ajang kawe pakang
Bokong penong seroto
Labar kudut naka agu wa
Tuke Golo Soso lawa Ndoso
Te haeng le Golo Momol
(Inspirasi dari Face Book--- Vetty Kenaru dlm percakapan dgn keluarga / relasi : Jeromatsu Padmasai
https://www.facebook.com/photo.php?fbid=1832507589726&set=a.1174475539336.22473.1751516308&type=1&theater
JPS, 30 Des. 2014
353. TOE NDAES TEGI SAMPE ---- CU
Toe ndaes kawe sampe
Toe ndaes tegi sampe du mael
Toe ndaes hae te tegi laleng
Wednesday, December 31, 2014
354. SERANTANG HANG
Segantang/ serantang hang
Sekarung / sebakuk latung
Sebila ikang
Setongka koja
Sepenggek tete
Sebeka dea
Friday, January 2, 2015
355. NEKA TUNGGA SALANG DU'AT
Neka tungga salang duat
Neka kembe salang we'
Neka raput salang wau'
Friday, January 2, 2015
356. NEKA DORO LE RONCO
Mori, du sekeng dureng ho'
Tegi agu gesar dami, porong:
Neka doro le ronco
Neka ba / wa' le mbang
Neka su'ng le lus
Neka rengus / peruk le lewung
VMG - Kampung Bogor - Pom Bensi - Pertamina - JPS di atas motor, 3 Jan. 2014.
357. Ikang
Ikang dango wa mai Labuan Bajo
Ikang tembang wa mai Terang
Ikang ta' wa mai Nanga Pacar / Nanga Baras
Ikang pai wa mai Bari
Ikang teri wa mai Berit
Ikang Kencara wa mai Nanga Pacar
Ikang lure wa mai....
Ikang eros wa mai Reo
Ikang lea wa mai Terang
Ikang mongko / lolo komong sili mai Borong
Inspirasi dari telepon dengan saudari Yustina Jelita di Lembor, 10 Jan. 2015. Ikang dango wa mai L. Bajo
JPS, 10 Jan. 2015
358. Sama laki toto rani
Sama laki toto rani
Sama adak toto panggal / ranga
Sama rona toto mongkal
JPS, 10 Januari 2015
359. Pele le, panggu lau
Nggewit weki
Mai rau'p tau
Pele le, panggu lau
Saka wa, enam eta
Anggom awo
Ambe sale
Kedang ise ema
Kender ise ende
Medang ise weta
Toto nesa ata reba
Rambe ise ase - kae
Kongko lawa segolo
Lami tana pati
Riang tana widang
Hitu pedeng dise ende
Hitu mbate dise ame
JPS, 17 Januari 2015
(Inspirasi status: FB: Frederik Ricard Torar Mai raup tau...pele le panggu lau #savepede
Menolak Pantai Pede - Labuan Bajo diserahkan pengelolaannya ke pihak swasta Swasta
Rakyat menuntut agar tetap mejadi ruang publik).
360. Luang reme uwa
Luang reme uwa
Ledong reme lebor
Oke reme koe
Lako reme kango
Besang reme mea
(Terisnspirasi kasus kepergian ke alam baka almh. Sisilia Sangur - tinggalkan suami dan 3 orang anak).
VMG, 18 Jan. 2015, JPS 19 Jan. 2015
360. GELANG SAMA NERA
Paka gelang sama lako de nera neka dandak sama be weki de kaba
Paka komet sama lako de londe neka ali ole sama gangga de kode
Paka linggang sama ba weki de likap neka mejeng / bengge sama lako data beti pendere
Paka jintot sama be weki de tukang siro neka nenteng / ndenget sama wate tehek
JPS, Ruang komputer, 31 Jan. 2015 - Imaginasi kreatif.
361.Kengko beti eros
Kengko beti eros
Kengket beti mese
Walek beti mbareng
Sake beti mbareng
Kekas agu wesak beti mperang
JPS, 2 , 7 Peb. 2015
362.
Neka seot wejong
Neka sala lampa (pa)
JPS, 7 Peb. 2015
363
Gelang wewa paka gelang kole rema
JPS, 7 Peb. 2015
364.Neka gagur one mbaru
Neka gagur one mbaru
Neka mburuk one lutur
Neka ngaok one sapo
Neka tekal one leba
Neka lio'm one kilo
JPS, 9 Peb. 2015
365. NIA NGERU NITU WESUT
Nia ngeru nitu wesut /
Nia mame nitu kaeng
Nia benge nitu pehel
Nia nendong nitu lejong / lenjong
Nia rame nitu daet
JPS, 9 Peb. 2015
366. Helhoker kaka botek
Wie wileng
Helhoker kaka botek
Asa kaka katu data
Aik na....
Pepek pande peheng
Bobol neka retang toko / tobon
Ponggal neka retang ongkar
Terinspirasi dari kisah kae Largus Gagut, 6 Pebruari 2015 - kaka botek mbasuk mabaru pkl 20:30 , di Golo Karot - Lembor).
367. Juek dureng
Juek dureng
Kembak weang
Lempang weang
Nggel nggaur watu / haju
Kembe lambang tana
Wa' watang
Lenteng tete / mbe
Kerkantang tana one salang
Lanar tana one salang
Wigos ngo peang libong
Winggar te liba wae mbilar
VMG - Kampung Bogor - JPS - , 9 - 10 Peb. 2015 - Inspirasi Banjir JABODETABEK 9 Peb. 2015.
368. Kain bakok toto nai bakok
Mata bakok tanda kudut lako
Kain bakok sambol / kumbu lako
Kain bakok toto nai bakok
Kain wuwus to pungkut peti rening
VMG - Kampung Bogor - JPS - akhir Oktober - Nopember 2014 dan 10 Peb. 2015
(Mengenang kepergian Mm Megy, Ende Regon, Ende Selina (Doni Dajus, + di Wela 9 Peb. 2015, pkl 08:30 am).
369. Neka mejeng
Neka dandak sama ba weki de kaba
Neka mejeng sama ba weke data bengge
JPS, 10 Pebruari 2015
370. WULANG NCERENCUANG
Wulang ncerencuang
Hamar hang toe manga
Husur nuru toe dumpu
Kawe nakeng toe haeng
Enam belak toe ite weang
Lelo hanang ata geong
Kengko weong one wie eros
Teka nuk one lobo ,motor - Rawa Indah - Aralia - Patung Kuda - JPS, 11 Pebruari 2015, pkl 06:30
JPS, 16 Maret 2015
371. SONGGI KOPI
Songgi hang koil / kokis
Songgi inung kopi
Tambang hang / ute nangka
Sogang ute lomak
Tahing ulu / ute wani
Duang ute lusa / tuak
Songgi kopi
Duang tuak
Towol nuk rongko
Pinggiran KBT Jakarta Timur, di atas motor, 11 Peb. 2015, saat pergi ke kampus STF Driyarkara J..
dan JPS, 11 Peb. 2015, pkl 21:30; JPS 14 Peb. 2015.
372. MOSE WA MAI ROKOT (= TO' / MAJU WAJOL MAUS = MEKAR KARENA MEMAR?)
Mose wa mai rokot
Wuk toe ludung
Mipis isi
Pau maus
Wau maus
JPS, 13 Peb. 2015
373. LENGGE LEONG
Lengge leong wase deko
Paeng toe haeng
Hang toe manga
Uwang toe tua
Mbaru toe sau / kapu
VMG - JPS, 14 Peb. 2015
374. BONGKOK PANDE MOLOR
Bongkok te lonto torok pande molor
Landuk te ka'ur / karuk gauk te pande maju
Lutur to dumpu curup ba mujur
Tembong te asi mendo kudut mose ngelo
Gendang te tebang rantang behas
Nggong te tolos bobol tegi molor
JPS, 14 Peb. 2015
375. HIANG WINA RONA (Terminal Mena Ruteng)
Hiang wina rona
Neka hang toe tanda
Neka inung toe nipu
Neka toko toe mopo
Manggaraian
LOCAL WISDOM in Terminal Mena Ruteng. If only every Manggaraians live
accordingly then Manggarai Raya will quickly develop and improve toward a
better and better condition...
Fransiskus Borgias M Bless Loph'family Blessing, artinya, JGN MAKAN SEMBARANGAN, JGN MINUM SEMBARANGAN, JGN TIDUR SEMBSRANGAN, DLM HIDUP BERKELUARGA. MAKAN, MINUM, TIDUR ADALAH METAFOR UTK PETILAKU MORAL. YG BUKSN MILIKMU (BC:ISTERI/SUAMI) JGN KAU AMBIL (DIMAKAN DIMINUM, DITIDURI SEMBARANGAN). BGITU...
Sumber:
https://www.facebook.com/groups/budayamanggarai/
Diakses pada 14 Pebruari 2015, pukul 15:06
JPS, 14 Peb. 2015
376. TOROK TAE / TUDAK LATANG ATA MATA
Porong neka koe nggoko le golo kut
tua lee Mori Wowon,
neka koe pae du pate kut tua le Mori Kraeng,
porong
sanged gauk dia dite latang ami, tiba koe sina, senget koes lee,
rantang beheng tite cences le Jeheng,
Kraeng Agus dia dia lako porong
neka peleng dedek tiba itey.
JPS, 14 Peb. 2015
377. NEKA LAT HANG
Neka lang hang rantang runi bara / lako mbalang one bara
Neka lat inung rantang toe nipu wintuk / ilmu
Neka lat toko rantang weleng longkor
Neka lat wela rantang tombo / gesar le meka
JPS, 15 Peb. 2015.
378. ONGGA WIGA BOAT
Pepek sampe jenget
Bobol sampe bongot
Ongga sampe boat
Weda sampe berat
Berek sampe welet
(Inspirasi bobok koa pake sapu one Mbaru, VMG, 19 Peb. 2015).
379. GESAR AMPONG (tulisan Herimias Jebaru - status di FB - nya).
Mori sala Dami mori landing le tingul toe ngaji leso minggu,
toe ngaji lete bari tambang nendep Dami nai, mori,
bo bajar sala data ami anakm mori, kali penong pumpuk kin sala deru,
karukak one Natas toe nuk pa”u ngampang mori amponhs lite mori.
Hitus tegi agu gesar Dami anakm mori.
(Herimias Jebaru, 24 Agustus 2014, sumber: https://www.facebook.com/groups/budayamanggarai/), unduh pkl 19:15, pada tanggal 19 Peb. 2015.
380. KACIK WATU LANCING
Kacik watu lancing
Tapa watu tahang
Kantis watu dali
Rewut watu tewuk
Ahir watu pasir (laing)
JPS, 28 Peb. 2015
381. Kaka Waga
Telo ndejol
Lae' kedarek (langger) / mbareng
Kaka wagang
JPS, 28 Peb. 2015
382. WEWA NERA
é
Wéwa néra ata (reba) Wela
Wénang pande wéla
Nggeka pandé (tambang) belar
Réga pande (tambang) séhat
Beréng pande hesé / besé
Réing pande héntit (kéki)
VMG - JPS - , 1 - 2 Maret 2015
383. WATU LANDUK (Batu penjuru)
Watu landuk neka manur rantang pau'
Watu landuk paka kapu neka pau, pola neka gomal
Watu landuk paka su'ng eta ulu, sepak eta ledar
Watu landuk paka asur
Watu lanur paka dadang aku
JPS, 6 Maret 2015
384 =329. WATU TANA LAU
Watu tana lauNampe tana sale
Nampar tana wa
JPS, 22 Peb. 2015
385 = 330. Apa betuan sekola
Apa betuan sekola?
Sekola kudut:
tua hang gula
remong hang leso
haeng hang mane
gaji lete bari
wua neteng gula
pegawe bilang mane
ako neteng kampong
wesak wela neteng bendar
JPS, 7 Maret 2015
386. LOLAR DE KOMBAK
Lolar seroda de kombak
Kete mejeng haju lente
Wara wahak haju ara / nasa
VMG - JPS, 7 Maret 2015
387. Neka hemong beo
Neka hemong beo rantang jelong / wedol
Neka mamur hae wau rantang jangi-jangut wiga pau salang lau
Neka hemong hae beo rantang mbaki mbekot
Neka mbetak ema rantang mbehar berkak
Neka hejek / mbele ende rantang toe manga delek
Kamar mandi, VMG -, 9 Maret 2015
388. SUMANG ONE TUKA
Sumang / ungang / wula / pulang one tuka
Remong one kemok
Babang / rasa le bara
Jakarta, Metromini 47, 10 Maret 2015,, JPS 12 Maret 2015 - babang hang le bara, hang ses sale Rawasari/ Melamia, 10- 3 - 2015.
389. Tungkal le usang
Tungkal le usang
Rampas le warat
Basa ranga
Mas mata
Kerkantang salang wajol sabol mata
(JPS, 11 Maret 2015 - usang du mai le mai mbaru, VMG, usang du ngo kuliah, KBT, 11-3-2015) - Mose kasi asi.
390. Toe bae pael
Toe bae pael
Toe mopo polok
Toe amot (ramot) papong
Kamar mandi VMG, 13 Maret 2015 pkl.
391. Manga pohang one kaeng osang
Manga pohang one kaeng osang
Manga mata one kaeng tana
Manga susa one kaeng mukang
Manga jujur one mose "gurung"
Manga ro'e ngoel one mose
Manga do'ng one kaeng golo
Manga lo'eng one mose
Somba Mori.....
Sala wajol toe hiang anak rona
Sala wajol hemong te keor kelo,
Sala wajol hemong we' kete (kekes)
Mori ampong...
Kekep manuk te we' kamping kete
Eok rempong te keor kelo
Wentong te kawe mbehok agu nggelok
Somba amak rona
Manga sala lampa
Manga seot wejong
Ite mori ata imbi dami
Te riang agu lami
Nipu riwu, ongko do
Somba landing sala
Hio peang tana kaba
Te wasa sala
Te wasi saki
Teing oke nai nggaring, nggalas nawa
JPS, 14 Maret 2015, pkl 21:30
392. PANCE BANGGENG TEING AME
Pante tuak teing tua'
Pante banggeng teing ame
Pante mince teing ine
Tawa empo data tawa ndarut empo daku tekek lele le........
(sumber: labar te embong anak koe, umur 2 - 6 ntaung)
JPS, 16 maret 2015
393. ANDOK O NDOAK E
Ando o ndoak e...
Ndoak wako koja
Asi peang lawir
Tepo ka'ung nggiru - nggarung a..o... sunding
(sumber: Andok ko ndoak e.....labar te embong anak koe, umur 2 - 6 ntaung)
JPS, 16 maret 2015
394. ROBO AME JONTO ( PAU' PANTE LOBO LASER ?)
tuak Ame Kula,
tong Robo,
Robo Ame Jonto,
pante cala laser
Laser Ame Pake oooo... telelelek'
- copyright >> EndeBert
