ADAK PEDENG BOKONG LATANG ATA MATA: REINKARNASI

ADAK PEDENG BOKONG LATANG  ATA MATA

MOSE TOEM DOPON: LOAS KOLE ONE TARA KAKA: REINKARNASI

One curup du pedeng bokong:

Ho’ bokong latang ite

Neka ni’ang le ru dite:

Mawo one langkok

Woja peang sosa

Latung  one rangkung

Tete one penggek

Dea peang beka

Kuil (koil) / jumik  one luni

Nuru one bungku

Ikang peang likang

Delek one sewe

Labu  baling mbaru

Bokok  neteng moso

Bok one roto

Po’ng sili  tobok

Kaba – jarang peang satar

Japi peang rami

Asu – manuk  wa ngaung.

Ho’bokong  pedeng latang te hau (ite).

Neka los moso

Neka  nggelak  nata/ tee mi le ru.

Ai sangged situ latang mose dami musi mai.

Latang ata Manggarai, poli mata manga mose kole landing mose weru hitu one tara kaka (lawo, betu, rutung, rata, rengka, motang,tekur,peti,kula,kode). Ho’ngasang reinkarnasi.

Lako  molor  hau ngger olo. Leluk lakom  ngger olo ranga de Morin.

Neka  siro hae kilo

Neka poto hae toko

Neka bantang  anak  agu hae labar

Neka  benta kesa

Neka simpa  ipar

Neka reje hae leles

Neka hamar anak

Neka  dedam wela

Neka  koket wote

Neka omar koa

Molor   lako de hau ngger olo,

Ngaji tea mi musi mai

kudut ngance wancing nggaring – we’ang gerak