Mede, lau Pararujung - Sumatra, kaeng hia Ence. Ence hoo dia keta gauk, tombo agu ba wekin. Nai di'a dihaa hoo bae tau'ng lata. One sa leso ngo one uma hia. Ita liha ngongo (nggeleng) reme pulang tau one woja diha. Lembi taung woja te' wajol pulang tau de ngongo so'. Rusak woja diha Ence landing gawas nai kin hia. Toem rabo ko bolang agu woda / bobol liha kamping ngongo so'. Hia sampe te pande begas ngongo so ngai dole tongger pulang tau.
Poli pampang panse begas liha ngongo so'.
Remok wa ga, ngongo so kali ata ba tara de ine wai eta mai awang. Latang te dia' giwat - nau gauk diha Ence hoo, ine wai awang so' reje hia' Ence ngo eta beo de ine wai awang so'. Ngo eta awang hia Ence ho'.
Dade one ranga de Mori Kraeng, Jari agu Dedek lise.
Mori Kraeng teing hadia latang nai dia diha Ence. Pili sa one mai sua hadia: Mas dalam mbaru mbaru mese ko paeng damang satar mambak. Landing hi Ence toe ongeng 2 hadia bora situ ai rantang rumbu le anakn tai. "Eme toe ngoeng bora, apa kali ngoeng de hau Ence ga?" rei de Mori Kraeng. "Mori, eme naun agu patun aku mendim te tegi kamping ite, taing koe nera api one mata leo kudut ngance gerak salang lako one lino, bae salang watu, ngampang; karong salang latang hae ata; te gerak lako de kaka lelep eta awang eme wie tana." geso diha Ence. "Yo, hitu tegi dite toe manga celan. Aku teing one hau gerak mata leo landing idep curup daku: Ngasang daku Mori Kraeng, gerak ata titong manusia one lino. Aku pati latang te hau supun ngasang daku. Hau nganceng benta Mori ko Kraeng kaut. Landing paka ba wekim Kraeng, reweng agu curupm kraeng, gauk agu wintukm kraeng, hau kraeng te rakang mendo data. Wajol hau rai naim te tuke ngger eta awang, osang kaeng daku, ngasang de hau ga Ence Awang. Hi Ence Awang wali dia' kamping Mori Kraeng one sombang agu ion"Yo Mori sangged reweng ata poli pedeng dite kamping aku mendim te rapak moseg, wali dia' laku, ai toe manga ngance te rumbu le anak agu empo ngasang "Kraeng" landing perlu bajar le gauk agu wintuk de ru one mose," pantil diha Ence Awang.
Hia Ence Awang kole ngger one Lino. Hia loas anak, ngasangn: Sengaji Manurung. S. Manurung kawing wiga loas hia Empo Masyur hiot mai ngger see (Manggarai) mai lau Minangkabau.
Wajol gauk agu curup Kraeng one mose leso-leso de uku Masyur, nia-nia kaut wae diha Empo Masyur ho' teti jadi adak laing. Ise hiang lata wajol gauk. Jaong de roeng, wae di Masyur ho' "ai itet Mori emba le Dewa, bembeng le Dedek. One sekeng di'a kot daat, natas lanar sala, golo mora po'ng wajol ronco, lena, roeng hopi kamping mori kudut ngaji baeng kamping Mori Sengaji. Senang keta nai de roeng eme pesta de roeng manga mai mori / kraeng. (Dami N. Toda, Manggarai Mencari Pencerahan Histografi, p. 249)
Tidak ada komentar:
Posting Komentar