GO'ET TOING 4

GO'ET TOING 4



621. DUDUNG PUR

Dudung pur te kudung kudut gelang  lulus / putus
Dudung pur  te wur  rusuk
Dudung pur rangkang muntung rungkus

VMG - JPS, 4 Des. 2017

622. TOTO PONGGO  

Toto ponggo  te sompo
Toto ponggo tanda cocok
Toto ponggo tombo  jodo
Toto ponggo naring molor

NB: Toto ponggo sumang du kole joginng  le gula, Gang Biola IV, VMG 4 Des. 2017, pkl 05:30am.

 VMG - JPS, 4 Des. 2017

623.  PESING ONE WEKI

Paka pesing one sangged weki  sangged tombo seki
Paka sabi one nai sangged  tombo rahit agu ngalis

JPS,  kamar mandi, 6 Desember 2017

624. NEKA TAI ONE NGALI

Neka tai'   one ngali rantang rawis le cacing
Neka  sio one libong  rantang akit le liko

Pande mbaru paka manga kakus
kudut nau te lambu
kudut minak te liba
kudut leros te lejong

VMG - JPS. 6 Desember 2017

625.  NUNDUK


Tombo turuk pande bae uku
Nunduk pande bae hae ubu

JPS, 9 Des. 2017

627.  TOE TOTO

Reba toe toto
Reba toe toto, lonto  jojop kawe molor
Reba toe toto,medek pikir delek
Reba toe toto,aleng kawe bae

Molas toe toto
Molas toe toto, lonto  jojop  kawe molor
Molas toe toto, gesar te  pande  belar
Molas toe toto,  tombo  ata  molor

VMG - JPS, 9 Desember 2017


628. LESO PANDE LEBO

Neka rantang usang, ai usang pande uwa
Neka rantang leso, ai leso pande lebo
Neka rantang usang mela, ao usang mela te pande sehat

 Inspirasi mburuk  runcung usang di jogging 13:00 pm di Satar VMG -  Kampung  Pisang Batu, Setia Asih, VMG  9 Desember 2017

VMG - JPS, 9 Desember 2017


629. NEKA WESAK WEANG

Neka wesak weang
Neka wor kondo
Neka soe roho
Neka tewo kebok
Neka emer nekes

VMG - JPS, 14 Desember 2017

630.  TOMBO TO

Tombo to
Bajar  ta
Pu'ng ga
Pande ga
Jiri ga

JPS 4 January 2018

631. SARE LASER
Sare laser
Ropo ndondok
Reto telo
Poka "wokang"

JPS 6 Januri 2018


632. BOMBANG  BORA

Neka le nggoang bora  rongkas osang
Neka le nggoang bora  rongkas molang
Neka le nggoang bora  rongkas wongka
Neka le nggoang bora  ledong  rona
Neka le nggoang bora  wirot  /ti'or / rimpo  kilo
Neka le nggoang bora  wincang wina
Neka le nggoang bora   oke lose
Neka le nggoang bora  masa  / mas / tadang  anak
Neka le nggoang bora  ledong empo
Neka le nggoang bora  pencang ema
Neka le nggoang bora  nggete ende
Neka le nggoang bora lanta  amang
Neka le nggoang bora  sikah inang
Neka le nggoang bora  sonda  koa
Neka le nggoang bora ledong  empo
Neka le nggoang bora  pencang weta
Neka le nggoang bora rangkat  nara

VMG - JPS 12 Desember 2018 (Inspirasi dari peristiwa real kehidupan)

632-a. OTENG
Oteng go'et tombo mose
Oteng go'et te ombeng
Oteng go'et toto lomes
Oteng go'et te  toto ngoeng
Oteng go'et te po'e one roweng

VMG 23 Des. 2017

632 -b . TOMBO GAUK
Ogo hia Ongkom  // Tiba sau liha Kanu
Koket liha Loren // Tiba liha Tina
Oke liha  Modes  //  pili liha Sil

(Inspirasi: Ngobrol agu hia  ende Gina , tombo gauk    dise Popo uku  Ndiwar: Popo Ongkom agu popo Madgalena Kanu) - satu baris pertama.
Dua barus terakhir,     ilusi di JPS,  23 Maret 2018

VMG 23 Des. 2017

632 - c. RANI NAI TE KAWING
Rani  nai te kawing
Harat nanang te kaeng sama
Hur pusu te lonto supu
Hur pusu te lako lut
Hur pusu te pau' curup
VMG 23 Des. 2017

632 - d. NEKA TEGI BETI
Neka tegi beti
Neka seak pempang
Neka tuluk jungung (jujur)
Neka kawe sanger
Neka rombe longeng

VMG 23 Des. 2017; JPS 23 Maret 2018 (baris terakhir)

632 - e. ELENG KAMPING MORI DEWA

Ngirik kamping Mori Jiri
Elang kamping Mori Dewa
Gesar Kamping Mori Ema
Jejeng kamping Mori Dedek
Tombo kamping Mori Wowo

VMG: 17 Agustus 2017;  23 Des. 2017

632. - f. NEKA LODA SETORAN
Neka loda setoran
Neka mora  setongka
Neka  oke sekoen
Neka mber sehetel
Neka mesa  semelak
Neka nori sehoi

VMG: 27 Des. 2017,  JPS 23 Maret 2018

632 - g. NDALENG WASE LALE

Mose ase kae paka ndaleng neho wase lale
Tadang koes beje jaet
Tadang koes dandi dandak
Tadang koes  nunda puta  neho munak
Oke tadang mawang - mata wa - wah

Ako kali gai nai bakok
Na'  kali ga nai nggalas
Pedeng kali nai  nai   retes (temer / lemeng)
Mengkek  kali ga nai  helek
Ungkur nai lurus

 VMG: 27 Des. 2017 ? ,  JPS 23 Maret 2018

632-h: ATA INDONESIA
Ata Padang pintar dagang
Ata Padang pintar teneng hang
Ata Makasar pintar jangka
Ata Jawa  do sara
Ata Manggarai  pintar ngaji

VMG: 27 Des. 2017
_______________________________________________________

632 - i : ATA MANGGARAI

Tombo toto golo
Curup toto uku
Sara toto tana
Gauk toto wau'

Ata Rahong  jago jaong
Ata Todo jago tombo
Ata Pongkor  jago  rojo
Ata Cibal  jago kinda
Ata Kempo jago segol
Ata Kolang jago  wowang / songka / ronda / joak   ( / loha / rongkas / mora /)
Ata Ndoso jago  rojok
Ata Pacar jago bajar
Ata Kempo jago   geso / rewos
Ata Boleng  jago  lomes
Ata Regho  jago  lelo / temo / wenco / hesot / heros / wendo
Ata Nggalak jago bajar
Ata Lelak jago wera / wencar / mesa
Ata Lembor jago  wejong / lelo / hesot / lemot/ lejong
Ata Welak jago   wewa  / mbetar
Ata Ruteng jago tule
Ata Bajo jago  jao'ng
Ata Manus jago   paluk gauk / melaju
Ata Riwu jago  liwut wintuk /  imus  / inung
Ata Borong jago tombo
Ata  Lamba jago jangka
Ata Lambaleda jago  sengka /lengka /
Ata Torok Golo jago tombo
Ata Rajong jago jangkong
Ata Congkar jago  songka
Ata Biting jago tirik / lingkis
Ata Reok jago kelong / lelo
Ata Pota jago songka
Poco Ranaka  jago  mbata
Ata Wukir jago  rutit

JPS 23 Maret 2018


632 - i: LIUP WIKU

Liup wiku du sekeng lipur
Rentu pekus du sekeng kelembuk /  hesul /

Padang savana - VMG I  saat jogging, 24 Des. 2017

632- j. NEKA RENI LE BETI

Neka reni le beti
Neka emer le  nendep / weleng / ses
Neka worang le soang
Neka weras le pempang
Neka kumbu le   rusuk  / gunggut landing kali ga kumbu koe le mut

Padang savana - VMG I  saat jogging, 24 Des. 2017

632 - k: TE' SA'UNG  TETE
Te' saung tete
Melo saung  rengngong (sendok)
Dango saung tago (kalo)
Kanggang saud selada (kala)

VMG 29 Des. 2017

632 - l: SELUNGKUK SUSU

Selungkuk susu
Sebetong telo
Segantang kaka
Segolo robo

(Inspirasi : ita inewai weki mese one  lupi ngalor ruis SPBU Pertamina  / Water Park - /Restoran  Ikan Bakar Cianjur   - Harapan Indah - Bekasi, 29 Des. 2017

632 - m: DUAT GULA

Duat gula-gula //We' mane-mane
Runcung  ru'  // limbang pitak
Saka / tada warat  //  tungkal usang
Lako ngalor //  lage wae
Pari walis // tesong leso

VMG 30 Des. 2017, diedit di JPS  23 Maret 2018


632-n: NGGALAS
Nggalas kawe hang 2018
Mlor kawe bombo
Noas kawe woja
Heal (sehat) te kawe  dea
Malun / naun  te kawe Latung

VMG 2 januari 2018

632 - o:  PEKE TETE
Peke tete toe beheng te  wekek
Peke daeng toe da'et te  wangker
Tuduk muku  langsung / wurut /  ndulu (ndulu, Kolang = ndalo = gendut)
Wisok langsung ndibol
Pande langsung waeng

VMG 2 januari 2018,  edit di JPS  23 Maret 2018

632 - p: JIMBOK - JAMBOK

Jimbok titong //Jambok jaong
Lintu wintuk // mongkis gori
Menteng jengkek //  tunti wuli
Mepil tesi / deming // jerek pede

VMG   2 Januari 2018,  edit di JPS  23 Maret 2018

632- Q: MBERES DEDET

Mberes dedet // mese gepe
Ngarat pangga // mukut dur
Kangkar wangkal // tulak pulang
Teger wengkel  //  ngarat gangga

VMG   2 Januari 2018,  edit di JPS  23 Maret 2018


633. ATA MANGGARAI

Ata Manggarai
Nggawar  tana, wunggar uma, duat  gula, pande uwa, ngguang  nula,
Nggawur  watu, kaur   katur, raum katur,
Nggawur  watu, kair  laing
Weri  haju, poka haju, pande mbaru


JPS, 15 Januari 2018


634. NDALENG AGU HAE 

Ndaleng agu ase  kae / hae  tae / hae ka'eng
Raes  agu  hae   kaeng
Dia' agu hae  bija
Ramak agu hae  bajar / labar
Konco agu hae tombo (lonto / toko / golo) , neka jogot

VMG  - JPS, 19 Januari 2018

635. TIDA ATA RONA

Sare laser
Repo telo
Ropo ndondok
Hamar  kaka
Ngguang tuak

*****
Lae' langger  // kedarek
Telo ndejol
Kaka  ndandak

JPS,   23 January 2018

636. TIDA INE WAI

Hamar papang
Asur mauk
Sau manuk
Ruti (kuwit)  puki

JPS,   23 January 2018

637.Runi kaka Muit

Ngeng   Nggeng sekeng
Runi kaka Muit
Ngere de Mbe  agu bebek
Oak  de Kokak
Kakor de lalong
Ngaok de lawo
.......... de  Teke

 VMG  - JPS,   27 January 2018

638. LIPO LINCOR

Ende ema  neka wente wengas eme jera
Weta nara neka  woleng bantang one jangka
Ase kae neka lapi lopet  reme mose
Ata  sekilo  paka lipo lincor lut titong kudut tingo
Ata sewau'   neka  pulang tau one gauk.

JPS, 29 Januari 2018  (Inspirasi  FB - Megy - Sandi).


639. Sangged  wae  mata  kar

_________________________________

____________________________________
Sangged  wae  ngalor dango
Sangged  wae  mata  kar

 https://www.youtube.com/watch?v=Wyk57zsLtgM

JPS  6 Feb. 2018


640.  MU LUJU LEMA EMAS

_________________________________

____________________________________

Cangkem  pake
Mu' rukus

 https://www.youtube.com/watch?v=Wyk57zsLtgM

JPS  6 Feb. 2018


641. AKO NETENG LAHO

Ako neka lako
Ako  neteng laho
Nenceng neteng sekeng

VMG - JPS, 7 Februari 2018


642.  WATU TURUK WAU'

Watu  turuk wau'  ?
Tana lango  panga (?)


Frasa ini ada  dalam Mbata SDI Peot  Borong, Matim. Apa artinya?
Perlu dibuka untuk diperdengarkan kembali  di Youtube

JPS, 9 Feb. 2018


643. HAENG WAKE

Haeng pate  //  bae  pa'el
Wa'ek wake // Poto somong
Kukut pu' // poto  lobo
Tuluk pu' // batu mbau
Lonto lodok   // tirik  sising
Sau landuk  //  witir binting


(Inspirasi  cari  video pelajaran agama  dalam You tube.  Berhasil lalu saya berkata dalam hati" Haeng pate", lalu  terus  bereksplorasi temukan   go'et  sepadan, maka lahirlah go'et di atas. Terima kasih pengalaman).

JPS, 21 , 23 Feb. 2018

646. POTO NDONDOK

Poto ndondok
Sorok robo
Dadang kaka
Asur kalus (haju)
Sau m **k
Ngguang  ruha

Inspirasi  dari  suatu  video.

JPS, 24  Feb. 2018,  VMG 1-2 Maret 2018, JPS 2 Maret 2018

647. DIA'  TARA

Dia' tara // dia' sara
Dia' tara // dia' pata
Dia tara // dia' wada

Dia' ruku  //  dia' curup
Dia' gauk // dia'  melaju
Dia' tombo // dia' rojo


JPS, 1 Maret . 2018

648.  WEKI MBALUR

Weki mancak  //  dia'  pata
Weki langkas // dia' sara
Weki mbalur // dia'   gauk
Weki latung // dia' melaju
Weki mese  // dia'  reje (gete)
Weki koe  // dia'  lomes


JPS, 1 Maret . 2018

649. GULA USAP

Gula usap  teneng tete
Gula usap  kokor lompong / sobol
Gula usap ngo duat
Gula usap wuat data tua'

VMG - JPS, 2 Maret . 2018

650. SU'NG MUKU

Su'ung muku eta ulu pae rudung
Wengke lengge one bekek te legeng penggek
Sogol gogong  te  kawe bokong
Pangku karung latung  te mose hae wau'

VMG - JPS 7 Maret 2018

651. MOLAS
Molas Kolang eko woja  pake roka
Molas  Pacar  eko anak
Molas Kempo  eko  rebok
Molas Lembor  eko Melon

VMG - JPS 8 Maret 2018

652. NEKA DO BAIL HANG

Neka dong bail hang rantang toe nganceng halas
Neka dong bail hang rantang beti bara
Neka do bail mboros rantang toe ngance toko
Neka do bail mboros rantang beti toko
Neka do bail mboros rantang beti toko


VMG - JPS 12  dan 13  Maret 2018


653.  GO'ET

Goet  te ponte mose

Bajar te toto  tana

Tombo te toto golo

Bajut te toto  wau’

Curup te toto  uku

JPS, 26 Maret 2018

Ndurus wae lu’ toe manga pu’ng

Ngarak wae mata toe manga rajan

Tundu toe manga pu’ng

Retang toe manga leang

JPS, 26  Maret 2018

  

       Tombo toto  toem somong

       Dere kekep  mose wengke

       Go’et  toto  mose  tontes

       Nunduk toto toem wungkut

       Bajar toto toem langang

       Bundu toto  toem luku / dukut

       Beo toto leong

       Neo eko nggelok

       JPS, 24 Maret 2018

     654. KOKOR TE DO
T    Tenang te  pande mese
       Tapa te pande  mangkang
       Bopok / kokor  te pande do

V      VMG 1, 11 April 2018 (Inspirasi  teneng  le gula. Hang manga teneng kole, beka jadi do.

     655. TEGI SELEWING
T
        Tegi lelewing
        Nanang segantang
        Ngoeng sejoreng
        Nuk seluungkuk

        VMG, 16 April 2018, JPS 17 April 2018

   656. REPUK REMPUT

       Repuk wiga remput
       Giuk wiga ngilur
       Ngoap  wiga  mora

       Inspirasi   wuli lime pande  repuk, JPS 23 April 2018. Langsung manga nuk du hitu: repuk remput.
    JPS 23 April 2018.

      657. Botek does  mboek
  
       Botek does  mboek
       Lapo koso  lalok
       Setangan  lap dara
         VMG -......., JPS 4 Mei 2018

      658. Helhakar  tuke ngampang
         Helhakar  tuke ngampang
         Bapibokok  lako golo
         Mbermbikas lako pitak
            VMG -......., JPS 4 Mei 2018; inspirasi  lihat kecoa panjat kosen pintu / dinding, tak bertenaga,   lalu     jatuh terkapar, wajah  tengadah,  kaki mengais, tangan menyapa.

   659.  BAE OTA

                   Bae ota agu osang  ngo ronca

                   Bae  salang ngo bang

                   Bae pate ngo pante

                   Bae  malok  ngo soso balok

                   

                  JPS, 7 Juni 2023. 

JO