PUAR : ANAK RONA DE GOLO / BEO

 PUAR ANAK RONA - BEO ANAK WINA

PUAR: ANAK RONA ULU DE  GOLO  / BEO

Neka  pande nggosak agu losak adak tana Manggarai.Ai adak Hitu sesa mose dite. Sesa hitu  mbate dise ami- pedeng dise ende – serong dise empo. Eme nggosak  adak tana manga loang agu  loeng  mose. Lupi nitu mangan   luang.Mose luang hitu mose tenggeng, lako le sa wa’i.  Hitu tara nggo’n: reku  agu meku nai kudut riang adak tana Manggarai.

Manga 5 sesa mbate dite  ata Manggarai: Mbaru bate kaeng,  natas bate labar, compang bate dari, wae bate teku, uma bate duat.

1.Mbaru bate kaeng:

Mbaru hitu betuan mbau  ru. Manga mbau one mose. Ite  perlu  mbau. Eme kolang leso bombang,ili laing mbau konang, eme tik leso biring  ili laing  mbau kilit. Konang  agu  kilit hitu haju. Haju mesen perlun one mose dite. Te pande  mbaru perlu haju. Perlu haju te pande siri bongkok, leba,kinang, banggang. siri  bongkok ba lemai  poso. One ntaung 1981(?) du pande mbaru gendang Wela,du emi siri bongkok,manga dere, ”kole le  o  rewung  kole  le, o roko   molas  poso  kole le”.  Siri bongkok hitu one rapang  dite Manggarai   molas  le mai poso. Le hitu  beon. Le hitu kaeng  ata tua’n.  Beo ho’ manga nain latang molas  hitu ( haju te siri  bongkok),ongo emin. Paka  pesing one weki dite. Ata molas ho’  le poso ata tuan.  Betuan: Puar  hitu anak rona de golo. Perlu hiang anak rona. Co’ tara perlu hiang anak rona.  Kudut lebo  mose dite. Jaong de surak nggeluk: “Hiang ga ende agu  emam kudut sebo agu lewe mosem one lino”.  Hitu tara nggo’n:

1.       Puar  neka  lusa, apan kole te pande  uma. Jurak eme lusa puar

2.       Golo  neka soso (poro). Eme soso (poro) golo tegi ronco / dopo  / wotos

3.      Wejang neka nggelak. Nggelak wejang   pande  mesa  sesa . Wejang  tempat asi, te mora mael tuke angkep, te mora masa lako satar

4.       Osang neka  ngkolak. Ngkolak osang tegi rongkas agu  mora.

Kudut adil mose dite one lino, perlu hiang  bagian masing- masing.

Singke gisi iret,pati  gisi arit.

Puar – puar muing

Po’ng – po’ng muing

Satar – satar  muing       (satar mbambak)

Uma – uma muing

Mbaru – mbaru muing

Natas – Natas muing

Sompang – sompang muing

Boa – boa  muing.

Neka  pande kembe lambong.  

(Refleksi  one motor – Cempaka – Harapan Indah , 25 April 2013, pkl  10 – 11 dan 26 -4-2013)

Pande acara adak,betuan kudut selung agu saling nai. Samo lime – samo  nai

One ntuang 1982. Du panden Mbaru Gendang Wela, Ruteng - Manggarai, Flores. Ise kraeng ema tua golo, tua teno, ase kae ata rona, ngo sale puar Wae Sewe. Apa betuan ngo sale hitu? Kudut ngo poka haju de jiri siri bongkok Mbaru Gendang Wela. Du poli pokan, ise  soso haju hitu kudut  jiri balok te pande jiri  siri mbaru. Balok hitu rakang ba ongger one beo / golo Wela. Di rakang haju hitu, rame keta. Sanggen weki rame naka hajo balok hitu. Du rakang ba one beo one mai puar, lawa situ dere. Ne nggo deren" Kole le... o  rewung kole le, o roko molas poso kole le.....". Sanggen lawa dere sama  lain du rakang hsaju siri hitu wiga sai le natas Mbaru Gendang Wela. Poli hitu haju hitu naa jiri siri bongkok mbaru Gendang Wela. Ata lonto one siri bongkok hitu ise kraeng tua golo / tua teno / tua beo.  One  siri bongkok  hitu teong  de gendang.
"Molas poco?" Apa betuan? "Oh... haju hitu  ata  molas. Le poso  (puar) beon. Oh..... latang  ata Manggarai, haju balok hitu rapang inewai. Cei ende agu eman? Manga ise empo le poso / puar. Wiga, puar  latang ata Manggarai, puar / poso hitu neho keta ine agu  ame. Ine hitu te rinding wie. Ame hitu te rinding mane. One mose leso-leso dite, eme kudut rinding mane lise ame, rinding wie lise ine, ite paka hiang ine agu ame. Latang itet ata Manggarai, puar hitu ine ame dite
 Wiga, eme  hiang puar / poso, ne nggoo betuan: hiang  ine ame, anak rona, hiang ende agu ema ata  lurang tali wua mose dite.
Don gunan puar (poso) latang te ite, neho:
1. Tempat  tampung  wae kudut jiri  mata wae . Wae mesen latang mose dite. Weki dite perlu wae. Ne nggitu kole mbaru, natas, uma. Sanggen menan perlu wae. Wiga, perlu jaga puar, kudut kembos kin wae teku, mboaos kin wae woang (boang).
2. Haju mbaru / api. Mbaru mesen latang ite. Mbaru  pande one mai haju. Nenggitu kole te pande api, perlu haju. Hitu tara nggo'n, neka luca puar ratang morang osang. Eme mora usang, manga don susa.


** One  tombo turuk dite, manga    cengata ine wai molas. Ngasan hi Rewung Ngoel. Rewung hitu le poso (puar) de beo  kaeng. Rewung Ngoel ho' kawing agu hi Mashur Nera Beang Lehang Tana Bombang Palapa. One mai ise situ manga beka dite ata Manggarai, terutama ise sku Todo - Pongkor.
One tombo go'et data tua', ise soot toe di loas, saro lise (lata tua') reme le poso / puar. One dere manga: Nana Maksi O..., manga  curup ne nggo' one dere hitu: "...Nana Maksi O.. ho de wulang meka le mai puar e... Neka oke towe botek koe... (2x) te jadi lapo laing.". Meka weru (anak koe hiot) ho' di loas, menurut imbi data Manggarai, mai le mai puar. Wiga, puar hitu latang ata Manggarai, tempat te teing mose. Neho keta ende ata loas mose (mensia, wae agu sanggen menan). Nitu tara ngo', perlu riang puar, ai puar hitu mose dite mensia. Rusak puar, rusak uwa,  kose(ng)  mose.

Puar / poso  manga morin. Morin hitu jaga puar hitu kudut beka puar hitu.
Puar hitu latang ata Manggarai tempat kaeng data molas. Tantu ata molas hitu manga ende agu eman. One tombo turuk dite ende eman ga hi Rewung Ngoel agu hi Mshur.

*** One tumbo turuk dite kole manga ngasang : Patola".  One dere: Endong  Patola. Patola hitu molas dia, sama keta wulang.

**** Duhu rampas Cibal - Todo  le Benteng Weol - Cancar, ata Todo nganceng pande kala ata Cibal wajol ise pake rewung tengkem  te ceha tentera  Todo. Iset  Todo wangka  taung bokong du  rampas agu iset Cibal. Ise pake taktik: sondo Molas (Todo / Pelus) latang iset  Cibal te  tanda menang  (rampas).  Ata  molas ho' leti one lobo jarang. Musi mai jarang hitu rewung tengkem. Ne nggitu lelo molas Todo (Pelus) sergagat adak Cibal tiba wida dia'. Pesta kali dise ga le Weol. Sengka para benteng lenga-lenga. Langu pesta ame mori. To doing kali tentara Todo olo mai ranga. Tembak taung tentara Cibal siot langu pesta. Kala Cibal. 4 (pat) dalu pau' agu sau' de dalu Todo: Rahong, Ruteng, Ndoso, Ndehes.


*** NUNDUK  POCO KUWUS AGU GOLO UMPU: ASE  KAE
(JPS, 25 April 2015)