Inewai Manggarai situ du pu'ngd anak de darat. Darat hitu ngasang banan na kakar tana. Donde nggo' jaong data darat kakar tana. Kakar tana situ molas. Ise situ ata pele sina. Data Manggarai manga goet ne nggo': na' uten kuse, na' waen pake. Ne nggo' betuan, apa ata manga one ata tua, wa - wa na' one anak. Eme molas enden, molas kole anakn. Eme dia' gauk de enden, dia' kole gauk de anak. Ata Manggarai, woko molas de darat, wiga molas kole de anak. Betuan ga, ata ine wai Manggarai situ ata molas. Molas ho', manga molas ranga, molas uwa, molas gauk. Ata sewe naun one mose data Manggarai, molas gauk.
Molas gauk ho' paka toto one mose leso -leso.
Cei ata ine wai Manggarai ata naun te lelo laing kudut ngace lut de ine wai Manggarai uwa ho'? One nunduk ditet ata Manggarai, manga ise Rueng, Timung Te', Benge wuk, Wela Runus, Nggerang
Ite lelo sa -sa ise ata molas so'
1. Rueng. (= Nggerang ?).
Rueng ho' molas Kuleng. Ata Kuleng so' beka one mai kawing diha Dap / Kap (?) agu darat eta poco
Rana Ka. One uwa ho', ise iset Kuleng situ ka'eng awo Lambaleda. Tantu wesak neteng bendar agu
long neteng golo one uwa ho' ga.
Rueng, molas Kuleng hoo, molas........ mo...... las. Kereba molas di' diha Rueng tombo neteng
golo, saro bilang kampong, bajar neteng tana, tuka neteng gula, aleng bilang mane. Mori Dima denge agu isuk tombo ho'. Titut diha. Pau' nain hia one tombo hitu. Katu ata liha kudut teing salam. Sanggen ata one beo diha Rueng setuju eme Rueng kawing agu Mori Dima. A hi Rueng, setuju ko? Toe.... Woko mai Mori Dima, maram sanggen taung ata eng / setuju kawing dise Mori Dima agu hi Rueng landing hi Rueng, toe gorin. Mori Dima ba emas, perak, lopa kudut paca hi Rueng. Ogo kin hi Rueng. Ritak Mori Dima. Rabo Mori Dima wajol toe tiba liha Rueng. Mori Dima ho' jaja ata Manggarai. Wajol ritak, Mori Dima perenta mbele hi Rueng. Lawa one beo hitu pungkut hi Rueng agu mbele lise neho ngoenng agu perenta de Mori Dima.
Somba laing lopa
Redang laing emas
........... laing perak
tamal mai eta mai.
Rueng: imbi weki ru, nuk nai ru., tutus nai ru......(neka na' ganda data, porong tutus nai rum mo lando).
2. Timung Te'....
Ine wai pintar, do caran kudut holes mose. Dangka nuk agu dengka nuk / nai. Manga nipi, manga prinsip, mangat get. Imbi nipin.( nunduk Timung Te' agu hia Wela Longgar)
3. Benge wuk
Ine wai ata tutus nuk .... aku paka nganceng emi kole rengge rowang daku one mai ka". Gangga wakar te haeng barang ata mangan. * Toe ritak wajol mang get / nuk / imbi. Harat nanang kudut sai le batas
Wakar pande ite nganceng manga nuk. Nuk dite teong eta lobo (haju) le wakar hitu, wiga sanggen ite songa te lelo. Benge wuk siro ata (ata Rona) kudut songa. Lelo ngger eta, pota ngger olo, hese ngger awo par. Hese tiba gerak / nera. * Benge Weuk ine wai ata karong de nuk. Imbi nuk ata pikir de run. Aku paka haeng Rengge Rowang sio. ** Ka hitu ngong darat ( wakar ).
5. Nggerang:
Nggerang molas Ndoso. Pongkor rangat beo de empon. Hia lorong perenta de eman (Awang) te sihi hutu. Du hitu eman kebut wuk agu mas one tonin wiga mora nai laing liha.
Nggerang toe ngoeng kawing agu ata siot bombang le bora / bombang pangkat.(Mori Bima - versi Wau'
Nggerang mbele kudut rame randang tana / lingko Sombeng sili Todo - Pongkor : versi - Todo - Pongkor.
Bowo dara kudut mose hae ata. Nitu mai manga woja, latung, tete, teko, timung, daeng, tese, ndesidll.
6. Rueng-:ine wai ata molas dia.Molas ranga/ weki agu mollas gauk.
7.Hendang (ende diha Nggerang): tegas (teger /mberes get /nuk).Eme toe toe ming,eme eng- eng muing,Lurus,heluk mosen.
8. Ata toe bae nunduk wiga rudu pande kali ba salang (da'at) laing: Tombo ata buta - ata peko siot pongo api one iko de asu. Ise pande sengsara asu. Rabo empo wiga pande reno beo. One mai beo hitu mangan Ulumbu.
Ine wai-ine wai so ata : dangka agu dengke nai / nuk.
Ine wai Manggarai situ ise siot ngoeng weru. Leso ho sewe dia one mao leso meseng, diang sewe dia one mao leso ho'. One wengko weki agu na'ng bara kole ne nggitu. Ne nggitu kole agu hae kilo. Ngoeng dise haeng hae kilo ata dia'.
Manga tombo ata dere lain semol tentang ngoeng de nai te latang ata dia agu ata weru ho'. Danong, eme manga ata pake deko lewe, ngong ngo' de ata hitu ata bora (tana, paeng, pangkat). Sebalik ga eme ata pake deko wokok, ata lengge ata hitu. Ata ine wai tantu ngoe ata deko lewe. Nggo dered: Do .. do... Domi do.... do deko wokok.... gereng hi Pet.... Pet deko lewe........ ( JPS, 12 Juli 2014).
Ine wai Manggarai ngance torok Manuk.
One Wela, one Mbaru Gendang, tanggal 1 Juli 2014. Ata torok (ngaji adak) Manuk teing hang (kolang) empo) de uku Nua hia Inang Bet Anut. Bet Anut anak diha Nemo (tukang tudak beo Wela). Mata hia Nemo danong ga. Hia Bet Anut ata benta lata eme te adak Manuk teing hang empo. Ise Kraeng Hendrikus Aron (Bp Tino sek) mai libur lau mai Jakarta du hitu.
One acara one kilo koe, hia Mery Jemen ngance pande totok manuk we' mbaru. Hia denge one mai ata tua Gaspar Nganggu.
______________
entah benar atau tidak,tapi tulisan status FB ho'o menarik:
"Aku paling cinta ibu2 cee manggarai. Kompak eme manga acara. Pokoknya beres, Lise taung urus musi dapur. Tapi neka korek eme
tanda nuru penong tempat sup.
Tanda dara penong tadu dandang.
Tanda lapis penong ember plastik.
Tanda ndusuk sampe wugur.
Tanda sate sampe mael.
Tanda wusak penong dulang.
Mai kole taed poli hitu ga, elo hae tekor nuru. Toe mese ela....
Emmmm. Mangkong kole ela.
Neka Rabo ge ibu2 manggrai 😀😀🙏
Status WAG sengata teman one WAG Alumni St. Klaus IV, https://web.whatsapp.com/
Kesimpulan, inewai Manggarai ngarat hang nuru (ela).
JPS, 28 September 2020
________________
Ine wai Manggarai ata dengka agu dangka nai.
Tidak ada komentar:
Posting Komentar