Kode agu orong kawe wate. Mose raes ise so'. Darunm tuka. Sowak haju lento, haju ara , agu tokor leba te kawe wate. Ita wate. Kawe lise. Ita wate. Mote hi kode, hang hanang koen wate, to ting hi orong. Nukung hang hi kode hoo. Remon wa. Boet sa wate one ngger one mu'. Idek go... Toe ngo ngo mu' wate ho', ngo mole one irus. Akit katur irus de kode wate hoo. "Sampek..., sampek....."siek de kode agu mburuk mai kamping Orong. "Ata so' dite ta kela kode," rei de Orong. Tegi sampe de orong."Orong, sampe aku ta...., eme ngance le hau na' peang wate one irus daku, maram hang le hau'y to'ng." jaong de kode. "Eng eme ne nggitu ga," wale de orong. "Songa ranga de kode. Mai orong tenggok wate ata one irusn. Peang wate ho'. Olek sampe wa tuka le Orong."Peang wate hitu ge, asa, co'o rasa lite?" jaong de Orong. "Mau dian, toe manga betin one irus daku, landing, nia wate hitu bo ga?" rei de kode."Poli olek laku, ai lo orong bantang dite," wale diha Orong. Rabo kode hoo. Hia sau de dia wai agu lebe de orong, duti keta taung liha wulu de oRONG. nGGOSAK WULU oRONG, TOE NGANCENG lelap."Mese keta naim hao ho'o. Aku ata kawe wate, hau te hang.Minak, nggosak taung wulum one mai wekim. Lelap he gah," jaong diha kode, loer hi orong. Hema kaut hi orong ho'.
Kaeng one lupi liang hia Orong ho'. Du bur leso awo mai, dirit leso hia agu embong weki run le lere. Ne nggoo deren..."par leso awo mai todo san siki daku, singger, sangger," . Todo siki de Orong.... Neteng leso hia dere ne nggitu, wiga manga kole wulu te tadu weki . Hia nggance lelap kole te kawe hang.
One sa leso, sumang kole ise kode agu hi Orong. "O kode, pande apa meu e...." rei de Orong. "Ole... kawe hang bar ta...." wale de kode. "So' e, manga kreba dia dite mori hitu ko?" rei le Kode. "Ole... mau ta....Aku mai lau mai Nuca Lale. "Do muku te' lau hitu e....., minak keta te lelo," wale de Orong. "Te tu'ung ko, so eme nggo lau iitu?" jaong de Kode. "Landing, Nuca Lale hitu tadang e.... agu lage tasik.Landing, muku te'...., renek agu do bod,"jaong de orong. "Ole, so' eme ngo lau hitu dite e?" bantang de Kode. "Co' nggod to'ng. Tasik mbilar ata mangan. Co'o caran kudut ngance cai lau Nuca Lale?" rei diha Orong."Ole.... pake perahu de. Mai ga.... pande perahu di," reje de kode. Pande lise perahu ho'. Poli hitu...... leti one perahu hitu ise. Manga sa kode berat ata reing ise kode. "Neka ngo ta ase kaen, adong diha Orong," sisa de kode berat, "Puki... berat me, eme memdo baram kaut hau te lako, neka manga reing ata," tida de kode iwot situ. "Adong diha Orong, mata one wae meu to'ng," sisa di Kode berat. Rapo kole ise kode so. Ise lako terus.""Lako ge Orong. Bara hang muku renek dite lau Nuca Lale to'ng. Neka ba hi berat hio wa . Ai ata ngonde hia," jaong de kode soo. Lemp one sampang taung kose soo. Hi Orong ragok eta ngando, lonto olo somong.
Tawa reges ise one perahu. Du cai one bereha tacik...... cai bombang eros. Pur le buru agu ongga le bombang perahu hoo. Wali ngger wa tasik taung. Toe sa ata mose. Mata taung. Orong ho.... lelap terus ngger lau Nuca Lale.....
Hi Orong hoo kole ngger le tempat kaeng diha Kode Berat. "Nia hae lakom? rei diha kode berat . Kode hoo poli loas anak ga. "Ae... poli mata wajot delep one tasik. Pur le buru agu ongga le bombang perahu wiga delep agu mata. Hitup to, apa jaong daku. "Adong hi orong. "
Hitup sisa de lipang, jangka de balak.
Tidak ada komentar:
Posting Komentar