WANGKA PU'NG KRAENG

Mede manga cengata  ata.Dia' keta gauk. One ca leso  hia hoo  ngo laat uman.Lelo liha lembi keta woja diha hiot reme tutung lobo. Lelo de dia  liha, apa ata pande lembi  woja diha. E... ita liha  suad ular  nggeleng. Toem kole rabon  hia. Ole.... kali ular so' ata ba tara. Se tuun ga,  ular soo, anak  de ine wai   Awang.  Mai eta mai awang dise. Ise reje hiat  dia gauk ho' kudut ngo eta beo dise. Eng liha. Dade  eta awang dise  hia' hood dia  nai. "Ai hau ata dia nai, aku ting hadia latang te hau. Manga 2 hadia, pili ata minak de  hau:

"Mbaru mese  ko  uma  nggengga reme penong keta paeng?" rei de  Mori Keraeng. "Mori,  somba momang latang ite,  toem keta pilih one mai sua hadia  situ kaku. Tegi daku kali,  pati koe mata leo dite  kamping aku, kudut aku ngance lelo salang, ogok aku tegi bora rantang pulang tau anak daku cepisa rumbu  paeng  situ." wale diha ata ho'. Eme ne nggitu ga, aku teing ca mata one hau. Hau pake ngasang Mori   ko  Kraeng. Neka pake sua -suan, ai  Mori Kraeng  ata naung latang aku. Te hau ga, Mori  kot Kraeng  kaut," jaong  de Mori  Kraeng. Yo Mori Kraeng," wale diha. "Pinga de dia' le hau,  eme Kraeng ngasang de hau, paka  curup, wintuk, gauk, ba wekim paka Kraeng," pede   de Mori  Kraeng kamping hia. "Yo Mori Kraeng, curup dia'  taung situ. Aku idep agu  lut reweng dia' dite," wale diha  ata nai dia'  hoo.  Ata hoo  kole ngger one lino. Du cai one lino, tombo liha pede agu  pengalaman du cumang  Mori Kraeng . Pu'ng du hitu,   ata benta hia le ngasang  Kraeng      ko   Mori. Eme cumang lata, ne nggo' reis lata: "Ole kraeng,  te ngo nia dite?. Hia kole hiang kamping hae ata: "Ole kraeng, te ngo lau uma, laat woja ta," wale diha. "Mori, ngo niad bo ga," rei data ine wai. "Ngo lau sawa," wale diha.