NGGERANG - versi Todo

NGGERANG:

Nggerang lau mai Ndoso – kec. Ndoso, Manggarai Barat.  Nggerang ho’ ata molas dia’. Weki bakok (nggera) , irus mongko, wuk  lembis. Manggarai hu hitu hitu do adak, neho Cibal, Bajo, Bima, Todo.  Raja Todo agu  Bajo rumbu hia Nggerang. Raja Todo menang.  Weleng sai data tua diha Nggerang ho’ ai  do keta ata nanang hia Nggerang. Hia Nggerang jadi masalah latang ise. Sangged mori adak  situ (Todo, Bajo)  ngetek taung iset Ndoso  wiga ise toe dangan temer  naid. Wajol toe aman mose dise, ise jangka bantang  sondo hia Nggerang ho’ ngger one Raja Todo. Hia Nggerang  kole  belut  nain  agu Raja Todo, Joma Jomi. Du randang lingko Sombeng  sili  Todo,  Mbele le Raja Todo hia  Nggerang  te takung  du adak  hitu. Loken ga te pande gendang laing. Gendang situ ba ngger sili Todo. Gendang Loke / (luit)  Baran na sili Mbaru Tembong  Todo, sedangkan Loke (Luit)  Toni ga na one Mbaru Tembong / Niang Pongkor.  Diset Pongkor poli moran Gendang Nggerang hitu wajol muntung Mbaru Niang Pongkor. Pongkor  agu Todo du wangkad sa wau’, sa empo. Wajol beka  weki ga, ho’mangan bagi weki agu  uma. Gendang / Tembong diod Todo, Tembong diod Pongkor.

Nggerang ho’  mangan ngasan  banan (paci)   Wela Loe..

Ngasangn raja Todo du rumbu  hia Nggerang (Wela Loe)    Jama – Jomi.

(Sumber: http://www.youtube.com/watch?v=M4GcMyIR68g -  Trans TV.)

NB: Damang  banding agu tulisan de kraeng Dami Toda :  Manggarai Mencari Pencerahan Histografi.