Tombo - Koser

Koser

Capu gula tana, hidi hada to’on hia amang Loki wai mai toko’n. Leng liha deket oke jambang tadang. Mburuk ngger musi para sapo. Wa’u redang mbaru. Lampuk ngger musi pu’u kopi.
Ita mburuk diha ela, naka. Lut mburuk ise ela lorong bate mburuk diha amang Loki. Cumpeng tu’ung hia amang Loki lelo mai de ela situ. Bo wangkan hia kudut jengok kaut wa pu’u kopi. Maik, co’o kole rantang ela situ. Nganceng oncor keta riti diha to’ong. Bo’o eme hitu kanang, toe co’o laing. Maik, eme wincang cala kaka wagang diha. Da’at kaut hitu ga.
Le rantang ela situ, o…de tuke lobo watu penong lamut hia . Jengok eta hitu. Wa mai watu gereng bengkes’d ela. Neho keta a… runing genggus du oke’d jambang’n hia amang Loki. Tiba agu rumbu ise ela wa.
Rapak du poli’n ga, imi amas kawe’n lapeng te koser’n hia amang Loki. Tadang saung agu dangka kopi. Emon wa, “ta one watu ho’o kaut e!” Nggitu jauk koen. Hiop-hiop taki ngger wa watu, riti’n. Sasuk. Ole… one dungka keta lamung ata hena napung wie. Nggelek. Nggasar riti diha amang Loki. Wili walek pa’u eta mai lobo watu. Lampuk wa tana bate oke jambang’n. Weter’s ela. Losi. Toko tela hia amang Loki. Toe kaut beheng wa, mai rumbu de ela situ ko. “Campe… campek!” Ciek di amang Loki. Toe ga. Canga le ca ela kina kaka wagang’n. Ai makid de ela, hitu kin ata retang jambang diha amang Loki.*

1. andi Says:

   
   March 24, 2006 at 5:59 pm ole,kraeng tua, dia keta nunduk d’ite ho’o. dia keta eme tombo du kotbah le tuang one beo, kudu ajar ata one beo te pande kakus, boto tai kaut le-lau’s…. tabe
   
2. Kalakoe Says:

   
   March 28, 2006 at 5:35 am Dia tu’u nunduk dite hitu raaaaaaa
   Dia tu’ung latang anak koe iwo toe ngoeng oke export mayor toe one kakus heeeeeeeeeeeee
   tabe do

Sumber:  http://compang.wordpress.com/2006/03/22/koser/